بەشا یەکەم: چما عەڤدللا ئۆجالان نە رێبەرێ گەلێ کوردە؟
پرسگرێکا عەڤدللا ئۆجالان پرسگرێکەکە کو ب راستی ژی دڤێت کورد راست فێم بکن، راست پێناسە بکن و راست چارەسەر بکن. ژ بەر کو ل دۆرا ڤێ مەسەلێ خەفکەک ھاتییە ڤەدان کو دخوازە کوردان داقورتینە. ب تایبەتی قەدەرا باکورێ کوردستانێ د ڤێ خەفکێ دە فەتسییە.
ب گشتی پرسگرێکا عەڤدللا ئۆجالان مژارەکە کو گەلەک دەردۆر ب تایبەتی ژی کورد راست پێناسە ناکن. د 15 شباتا 1999 دە ڤەگەرا ئۆجالان یا بۆ ترکیەیێ و ژیانا ویجیا ل گراڤا ئیمرالیێ، راست فێھمکرنا کەسایەتا ئۆجالان پر زەحمەت خستییە. ل ئیمرالیێ بوونا وی وەکە کو ئەو مەخدوورە و وەکە “رێبەرەکی کوردێ ئێخسیر” تێ دەست گرتن. ئانکو، گرتنا وی (مژارێن گرتن و کەسەکی زیندان کری گەلەک تەڤلیھەڤن) رێ ل بەر ئۆجالان ڤەکر و کەسێن کو دخوەستن وی رەخنە بکن ژی بێدەنگ بوون.
کوردان وەکە ھەستێن کوردستانی نەخوەست کوردەک بهێت گرتن. یا راست، گەر بێتە ب بیرئانین، د سالا 2013 دە ل باژارێن باشوورێ کوردستانێ دوھۆک، سلێمانی و ھەولێرێ ستاندێن فەرمی ھاتن ڤەکرن و ژ بۆ ئازادیا ئۆجالان ئیمزە ھاتن کۆمکرن. رێڤەبەرێن پایەبلندێن حکوومەتا ھەرێما کوردستانێ ژی ئەڤ یەک ئیمزە کرن. سەدەما ڤێ یەکێ ژی تەنێ ھەلوەستەکا ھەستیاری و ئاپۆلیتیکا وەکە “د زیندانا دەولەتا ترک دە کوردەک نەمینە” خوە دا پێش. ئەڤ ھەلوەستا نەپۆلیتیک بوو سەدەم کو ژ بۆ کوردان خەفکەک مەزن وەک پرسگرێکا عەڤدللا ئۆجالان بهێت چێکرن.
گەر ھوون بالا خوە بدنێ، بەریا ئیمرالیێ ئۆجالان تەنێ وەک سەرۆکێ پەکەکێ، دھات قەبوولکرن. لێ پشتی ئیمرالیێ رەنگدێرێن ل سەر ئۆجالان زێدە بوون. ئۆجالان یەکەم جار ل ئیمرالیێ ب تەعلیماتێن خوە خوە وەکە “رێبەر ئۆجالان” پێناسەکر. پشترە ژ ئۆجالان رە گۆتن “رێبەرێ گەلێ کورد، رێبەرێ ئازادیێ، رێبەرێ گەلان، رێبەرتیا جیھانێ، رێبەرتیا گەردوونی”. ئۆجالان وەکە مەھدی، پێغەمبەر، کەسایەتەکی خوەدایی و ھێزەکا ئیلاھی پێشکێشی کوردان ھات کرن. ئۆجالان خوە وەکە خوەدا ئیعلان کر. چاوا کو د ئۆلێن یەکخوەدایی دە “پرس یان ژی گومانا خوەدێ” گونەھە، گومانا ژ ئۆجالان رە ژی وەکە گونەھ و سووچ ھات دیتن. چاوا کو باوەری ژ خوەدایەکی دن رە “ژ بۆی خوەدێ دبە شرک”، باوەریا ب کەسەکی سیاسی یان ژی فکرەک جودا ژ بلی ئۆجالان، ب ھەمان ئاوایی سووچ و گونەھ دھات دیتن. یێن کو شک ژ ئۆجالان بری ژ جڤاکێ ھاتن دوورخستن. ئۆجالان د خوە وەک خوەدا ئافراندنێ دە ژ ھەموویان دەرباس بوو، د سالا 2000 دە رۆژا گرتنا خوە د 15 شباتێ دە ژ گەل و پارتییا خوە خوەست کو رۆژیێ بگرن. کادرۆیێن پەکەکێ و لایەنگرێن وان ل چیا و باژاران د 15 شباتێ دە رۆژیێ دگرن. پەکەکە ل دژی پەیوەندیێن عەشیری، پێکھاتەیێن مەزھەبی، شێخ، مالباتی و ھتد… کو ھەزار سالن د ناڤ جڤاکا کورد دە ھەنە، دبێژە ھەر تشت پاشڤەرووتییە، لێ بەلێ پاشێ سەرۆکێ خوە وەک خوەدا نیشان ددە و بانگی کوردان دکە کو رۆژیێ بگرن و عیبادەتا ئاپۆ بکن.
پێویستە بەرسڤەکا زەلال بدن بانگ و زەختێن پەکەکێ یێن کو مە نەچار دکە کو عیبادەتا ئۆجالان بکن. لێ ئەز عەڤدللا ئۆجالان وەکی سەرۆکێ خوە نابینم، ئەز ئۆجالان وەکی سەرۆکێ کوردان ژی نابینم، و ھەتا ئەز ئۆجالان وەکە کورد ژی نابینم.
د بن چەند سەرناڤێن بنگەھین دە ئەم دکارن زەلال بکن کا چما ئەم ئۆجالان وەک رێبەرێ کورد نابینین
1- گەر ئەم ھەموو گومان و شکێن دەربارێ ئۆجالان یێن بەریا سالا 1999 دە ل ئالیەکی بھێلن و وان وەک کو نەیی بحەسبینن ژی، یا راست ئەڤە کو عەڤدلا ئۆجالان ژ رۆژا کو خوە رادەسەتی دەولەتا ترک کری و ھەتا یەک دەقیقە ژی ل بەر خوە نەدایە و تەسلیم بوویە. د دەقەیا ئەول دە تەسلیم بوو. کەس نکارە ژ مە رە ڤەبێژە کو ئەڤ گۆتنێن ئۆجالانێ کو ھێ د بالەفرێ دە گۆت “دایکا من ترکە، ئەز دخوازم خزمەتا دەولەتا خوە بکم” رەوا ببینین. د دادگەھێ دە لێبۆرین ژ ترکان خوەست، ل ئیمرالیێ ژی ژ دەولەتا ترک لاڤا کرن کو وی سێدارە نەدن، وی گۆتە دەولەتێ ئەو دێ وەک بەلێندەر ژ بۆی دەولەتێ کار بکە. ژ بەر ڤێ یەکێ ژی ئاپۆ دەقیقەیا ئەولی بوو خاین. ئۆجالان ئیعترافکارە.
د دەربارێ پەکەکێ دە ھەر تشت ئاشکەرە کر. ھەموو تایبەتمەندییێن رێڤەبەرێن پەکەکێ ژ دەولەتێ رە گۆتن. واتە ئۆجالان بییۆگرافییا ھەموو ھەڤالێن خوە ژ بۆی دژمنی ب زەلالی ئەشکەرە کر. راستە، د دیرۆکا پەکەکێ یا 40 سالی دە خاینێ ھەری مەزن عەڤدللا ئۆجالانە. ئیعترافکارییا شاھین دۆنمەز و شەمدین ساکک یێن کو ژ ئالیێ پەکەکێ ڤە وەکە خایین تێن پێشکێشکرن، ب راستی ژی ژ ل بەرامبەری ئیعتیرافێن ئۆجالان نە تشتەکی بەرچاڤن. گەر ئەم ب ڤێ دیمەنی ل ئۆجالان بنێرن، ھەموو رەنگدێرێن کو پەکەکێ ل سەر ئۆجالان رێز کرنە شاشن. تەنێ یەک تایبەتمەندی ھەیە ئەو ژی ئەڤە کو ئۆجالان خاینە.
2- ئۆجالان نە رێبەرێ گەلێ کورد و نە ژی رێبەرێ ئازادییا کوردانە. د پارادیگمایا ئۆجالان یا کو پشتی سالا 1999 ب دەھان ناڤ ھاتنە گوھەرتن وەک دەولەتبوون، کۆنفەدەرالیزم، کۆمون، ئازادیخوازیا زایەندی و ھتد… واتە ئۆجالان ب ڤان ھەولێن خوە خوەست ناسنامەیا نەتەوەیا کورد ژ ھۆلێ راکە و کوردان وەکە کێمنەتەوە پێناسە بکە. ئۆجالان د ھەموو نڤیس و پرتووکێن تەئۆریک یێن خوە دە تەنێ دخوازە ببێژە کورد نە نەتەوەیەکن، دڤێ کورد نەبن دەولەت و ھندی دونیا ئاڤایە دڤێت کورد د بن دەستێ داگیرکەران دە بژین. تەئۆریا ئۆجالان کورد ژ نەتەوەبوونێ داخستیە ئاستا کێمنەتەوە. ئانکو ئۆجالان خوەست دی ئێن ئەیا کوردان بگوھەرە. ئۆجالان کورد وەک کێمنەتەوە، ژ نەتەوەیێن دن کێمتر پێناسە کر.
3- ژ بۆ ئۆجالان خوە سۆتن ئۆجالان ناکە سەرۆکێ کوردان. پشتی ئۆجالان ھاتیە گرتن، د زیندانان دە ھندەکان خوە شەوتاند و ھندەکان ژی خوە ئینتیحار کرن. پەکەکە ڤێ یەکێ وەکی بەلگەیا کو ئۆجالان رێبەرێ گەلێ کوردە پێشکێشی مە دکە. ئەڤ پڕ خەلەتە. بینن بیرا خوە، سەرۆکێ یەک ژ تەریقەتێن کینیایی “پول مەکنزی” شاگردێن خوە رازی کرن کو ئەو دێ ب برسی بوونێ چن بهەشتێ، و ھەری کێم 400 د برسیبوونێ دە مرن و 600 کەس ھین ژی وندانە. شاگردێن ھەری مەزن یێن “پول مەکەنزی” ژی ژن بوون. نھا ئەم دێ چ بکن؟ تەنێ ژ بەر کو د سالەکێ دە 1000 کەس ژ برسا دە مرنە و باوەری ب پول مەکنزی ئانینە، گەلۆ دڤێت ئەم ژی بەشداری ڤێ تەریقەتێ ببن و عیبادەتا پول مەکنزی بکن. ما ئەڤ شێوازە دکارە کەسەکی بکە ئیلاھ.
ئەگەر ئەم تەنێ چالاکییێن ئینتیحاری ژ خوە رە وەکە پیڤانەکی ئیلاھکرنێ ببینن، داعشێ د ماوێ دو سالان دە ژ دیرۆکا پەکەکێ یا 40 سالا پتر چالاکییێن خوەکوژی کرن. ھەکە ئەڤ پیڤان بە دڤێت ئەم ببن داعش ژ بەر کو ب ئینتحاری تەڤدگەرن.
مرۆڤێن ژ بۆ ئۆجالان خوە دکوژن نیشان نادە کو ئۆجالان رێبەرە، تەنێ نیشان ددە کو ئۆجالان چقاس پسیکۆپاتە. گەلۆ پسیکۆپات چیە؟ پسیکۆپات ئەو کەسە کو کەسێ ئێشەک وسانە کو دکارە زیانێن مەزن بگھینە خەلکێ و ھەست ب رەحم و دلۆڤانیێ ناکە”. ژ بەر کو ئۆجالان تام پسیکۆپاتەکە، مرۆڤێن نەخوەش ل دۆرا خوە کۆم دکە، وان بکارتینە و ب ئاوایەکی بێ رەحم بەر ب مرنێ ڤە دکشینە. کەسەک خوەدی تەندوروستیا روحی و دەروونی یا باش بیت چێنابت ژ بۆ کەسەک دن خوە بشەوتینە. ئەم نکارن ڤان کەسێن پیسکۆپات وەک رێبەرێن خوە قەبوول بکن. بەرۆڤاژی ڤێ، دڤێت ئەم دەرخن ھۆلێ کو ئەڤ رەوش نەخوەشیەکە و مرۆڤ ئاپۆپەرستی و تەریقەتا وی رزگار بکن.
4- ژیانا ئۆجالان یا لگەل ژنان وی ناکە رێبەرێ ژنان. ئۆجالان ب فکرێن خوە بناغەیێن بنگەھین یێن جڤاکێ یێن وەکە مالبات، تێکلیێن ژن-زلام و ئەخلاقێ ژ ھۆلێ رادکە. زەواجا ژنێ وەکە کۆلەتیێ ب ناڤ دکە، جوانێن 15-20 سالی کو ب ھەستیاری ل ھەڤ دنێرین د کوشتن. لێ ئەو کۆم ب کۆم لگەل ژنان دژیا. ئۆجالان ئەو کەسە یێ کو کەچێن تەمەن 13-14 سالی ئیناین مالا خوە و دگۆت ئەز وان پەروەردە دکەم، دەستدرێژی و تەجاوز ل وان دکر. ئۆجالان پسیکۆپاتەکە کو دبێژیتە ژنێن ل کێلەکا خوە، ئەز دێ وە فێری ئەڤینێ بکم، لێ ھوون تێرا خوە نە ژێھاتی نە. ژنێن کو لگەل ئۆجالان دمان، ژ بۆ دەستھلاتداریێ دکارین ھەڤ دو بخەندقینن. ئۆجالان ئەو کەسە یێ کو د ناڤا پەکەکێ دە ژن ل ھەمبەر زلامان وەکە گۆپالی بکار تینە. ئۆجالان شۆرەشا ژنێ نەئافراند، وی ژن وەک چەکا خوە ب کار ئانی. ئۆجالان چ شۆرەشا ژنێ پێک نەئانیە و کەس نکارە قاپۆ وەکە سەرۆک ل سەر مە بسەپینە. ژ بەر کو ئەم باش دزانین کو گەر ئەم ژیانا ئۆجالان یا لگەل ژنێ ل گۆری ڤێ جڤاکێ بگونجینن، دێ جڤاک بێەخلاق ببە.
بەشا دوویەم: ئۆجالان تەنێ دکارە ببە سەرۆکێ خیانەتێ
