رەیان کلدانی ئەمیندارێ گشتی یێ بزاڤا بابلیۆن کو یەک ژ گرۆپێن میلیشیایێن سەر ب حەشدا شەعبییە، بەردەوامە ل سەر هەولێن خوە یێن ژ بۆی کرینا ئەندامێن جڤاتا پارێزگەها نەینەوایێ.
چاڤکانیێن پێگەها درکا مازی ئەشکەرە کرن، رەیان کلدانی د داوی هەولا خوە یا ژ بۆی کرینا یەک ژ ئەندامێن لیستا “نەینەوا مووەحەدە” دە ب 5 هەزار دۆلار و دەمانچەیەکی کاریە سارا مۆئەیەد جبۆری ژ بۆی ناڤا لیستا چارچۆڤەیا هەماهەنگی راکێشە و وێ بکرە، لێ بەلێ ژ بەر گڤاشێن نەجم جبۆری پارێزگارێ بەرێ یێ نەینەوایێ سارا ژ ڤێ لهەڤهاتنا خوە یا لگەل رەیان کلدانی پووشمان بوویە و پەرە و دەمانچە ژ بۆی رەیان کلدانی ڤەگەراندنە.
چاڤکانیێن دارکا مازی هەر وەها ئەشکەرە دکن، مەروان زەید ئەندامێ جڤاتا پاریزگەها نەینەوایێ ژ پارتیا “تەجدید” یا سەر ب فلاح زیدان پێوەندی ب لیستەکا نێزی چارچۆڤەیا هەماهەنگیێ کریە.
