ل باژارێ عەزازێ یێ ل باکورێ حەلەبێ زێدەتر ژ 30 وەلاتیان د ئەنجاما تەقینا بۆمبەیەکا ڤەدایی ل ناڤەندا بازارەکێ دە ھاتن کوشتن و بریندارکرن.
رەوانگەھا سووری یا مافێن مرۆڤان بەلاڤ کر، شەڤا بۆری د ئەنجاما تەقینا بۆمبەکێ ل ناڤەندا بازارەکە عەزازێ دە، 8 وەلاتی ھاتن کوشتن و 23 کەسێن دن ژی بریندار بوون.
باژارێ عەزازێ 20 ک.م دکەڤە رۆژھلاتێ عەفرینێ و د دەستێ گرۆپێن چەکدار یێن ئۆپۆزیسیۆنا سووریێ یێن ترکیە پشتەڤانیا وان دکە دەیە.
ل ھەرێمێن کو د دەستێ ئارتێشا ترکیێ و گرۆپێن چەکداران دە نە، رەوشا ئەولەھیێ گەلەکی خراپە و ھەر جاران تەقین چێدبن و وەلاتیێن سڤیل ژی دبن قوربانی.
