سەرۆکۆمارێ ترکیێ رەجەپ تاییپ ئەردۆگان دبێژە: ئەو باوەر دکە کو رێکكەفتنێن ب ئیراقێ رە دێ ببە خالەکە ڤەگەرێ. وی سپاسیا ئیراقێ کر کو په‌كه‌كه وەک «رێخستنەکە قەدەغە» ناس کریە.
سەرۆکۆمارێ ترکیێ رەجەپ تاییپ ئەردۆگان ئێڤارا دوشەمێ 22/4/2024ێ ل بەغدایێ ب سەرۆکوەزیرێ ئیراقێ محەمەد شه‌یاع سوودانی رە هەڤدیتن کر.
ئەردۆگان گۆت، ترکیە ب سپاسداری قەبوولکرنا بەغدایێ یا په‌كه‌كێ وەک “رێخستنەکە قەدەغە” پێشوازی کر.
ئەردۆگان هەر وها گۆت، وی ژ رایەدارێن ئیراقی رە گۆتیە، ئەز د وێ باوەریێ دە مە کو ئەگەر بەغدا په‌كه‌كێ وەک رێخستنەکە تەرۆریستی ئیلان بکە، دێ د زووترین دەم دە ل ئیراقێ بداوی ببە.
سەرۆکۆمارێ ترکیێ هەر وها گۆت: «ئەولەهی و هەماهەنگیا د شەرێ دژی تەرۆریستان دە مژارێن سەرەکە یێن جڤینێن وی یێن ل بەغدایێ بوون و په‌كه‌كه ژی وەک مەترسی ل سەر ترکیێ ب ناڤ کر.
ئیراق و ترکیێ د وارێن ئەولەکاری، بازرگانی، ئاڤ، گەشەپێدان و وارێن دن دە 26 پەیمان و پەیماننامە ئیمزە کرن.
پەیمان ب سەرۆکاتیا سەرۆکوەزیرێ ئیراقێ محەمەد شه‌یاع سوودانی و سەرۆکۆمارێ ترکیێ رەجەپ تاییپ ئەردۆگان ل بەغدایێ هاتن ئیمزەکرن.
