ل سێ باژارۆک و چار ناحیەیێن ترکیێ و باکورێ کوردستانێ، سبە ھلبژارتنێن شارەداریان برێڤە دچن.
ھلبژارتنێن سێ باژارۆک و چار ناحیەیان کو 31 ئادارێ ھاتبوون بەتالکرن، سبە جارەکە دن برێڤە دچن.
ل ھیلوانا رحایێ ب سەدەما شەوتاندنا سندۆقان، ل دەڤەرێن دن ژی ب سەدەمێ نێزیکبوونا دەنگێن ئالیان، بریارا دووبارەکرنا ھلبژارتنان ھاتبوو دایین.
دەم پارتی د ھلبژارتنێن حیلوانێ دە سەرکەتبوو. لێ دیمەنێن کو تەلیسێن دەنگان تێن شەوتاندنا ھاتبوون بەلاڤکرن. ب داخوازا ئاک پارتیێ بریارا دوبارەکرنا ھلبژارتنێ ھاتبوو دایین.
ھەر وھا ل باژارۆکێ پەری یێ دێرسمێ ژی ھلبژارتن تێ دوبارەکرن کو ژ سالا 2016 ڤە دو جاران قەیوم ھاتبوو دانین.
رۆژا 31/3/2024 ھلبژارتنێن شارەداریێن باکورێ کوردستانێ و ترکیێ ھاتبوو کرن. ل گۆری ئەنجامان ژی جەهەپێ ب رێژەیا ژ سەدی 37.76 دەنگان دەرکەت پێش.
