ھێزێن ئەولەکاریێ یێن ترکیەیێ ئێریش برین سەر ئاڤاھیا شارەداریا دەم پارتیێ یا ل جۆلەمێرگێ. ھەروھا ھەڤشارەدارێ جۆلەمێرگێ محەمەد سدیق ئاکش ژی ل وانێ ھاتە بنچاڤکرن.
ھێزێن ئەولەکاریێ شەڤا بۆری ئاڤاھیا شارەداریا دەم پارتیێ یا جۆلەمێرگێ دۆرپێچ کرن و دەمژمێرێن سبەھێ ب شکاندنا دەریان دەرباسی ناڤا ئاڤاھیێ بوون.
ل گۆر مەدیایێ ترکیەیێ، ھەڤشارەدارێ جۆلەمێرگێ محەمەد سدیق ئاکش ژی د چارچۆڤەیا لێپرسینەکێ دە، ل باژارێ وانێ ھاتە بنچاڤکرن.
رێڤەبەریا ناڤەندیا دەم پارتیێ، ئێریشا ل سەر شارەداریا جۆلەمێرگێ وەک دەربەیەک بناڤ کر و بانگ ل ھەموو ئالیان کر کو ل دژی ڤێ دەربەیێ راوەستن.
