دەستەیا برێڤەبرنێ یا هلبژارتنان يا ئیرانێ راگهاند، هلبژارتنا سەرۆکۆمارێ ئیرانێ دەرباسی گەرا دویەم دبە، ژ بەر کو ت بەربژارەکی دەنگێن پێویست بدەست نەخستنە.
وەزارەتا ناڤخوە یا ئیرانێ ئەنجامێن داوی یێن هلبژارتنان راگهاند:
مەسعوود پزیشکیان: ب رێژەیا %42، 10 ملیۆن و 415 هەزار و 991 دەنگ بدەست خستن.
سەعید جەلیلی: ب رێژەیا %39، 9 ملیۆن و 473 هەزار و 298 دەنگ وەرگرتنە.
محەمەد باقر قالیباف: 3 ملیۆن و 383 هەزار و 340 دەنگ وەرگرتنە.
مستەفا پوورمحەمەدی: 206 هەزار و 397 دەنگ بدەست خستنە.
ل گۆری ڤان ئەنجامان، بریارە گەرا دویەما هلبژارتنان، رۆژا ئینيێ یا بێ 5ێ تیرمەهێ د ناڤبەرا هەر دو بەربژاران مەسعوود پزیشکیان و سەعید جەلیلی دە کو د پێشبرکێ دە، د رێزا یەکەم دە بوون، برێڤە بچە.
پرۆسەیا دەنگدانێ ژ بۆ هلبژارتنا سەرۆککۆمارێ نوو یێ ئیرانێ دوهی 28ێ هەزیرانێ ل ناڤخوە و دەرڤەیا ئیرانێ هاتبوو دەستپێکرن.
نێزی 61 ملیۆن مرۆڤان مافێ دەنگدانێ د هلبژارتنێن سەرۆککۆمارێ ئیرانێ دە هەیە. ل ناڤخوەیا ئیرانێ 24 هەزار و 522 سندۆقێن دەنگدانێ ل ناڤەندێن باژاران و 24 هەزار و 118 سندۆقێن دن ژی ل گوندان هاتنە دانان. هەروها 15 هەزار و 215 ناڤەندێن گەرۆک ژی هەنە.
