وەزیرێ ناڤخوەیێ ترکیەیێ راگھاند، ل 12 پارێزگەھان، 33 کەس ب تۆھمەتا ئەندامەتیا پەکەکێ ھاتن گرتن.
ل گۆری داخویانیا وەزیرێ ناڤخوەیێ ترکیەیێ عەلی یەرلیککایا کو ل سەر تۆرا جڤاکی “X” بەلاڤ کر، ئۆپەراسیۆنا گورز-13، ل 12 پارێزگەھان و باکورێ کوردستانێ ل دژی پەکەکێ ھاتیە دەستپێکرن.
ھەروھا یەرلیککایا دیار کر، 33 کەس ب تۆھمەتا ئەندامتیا پەکەکەێ ھاتن گرتن.
ئاماژە ب وێ ژی کر، کەسێن ھاتنە گرتن پێشتر ل سەر ناڤێ پەکەکێ چالاکی و پرۆپاگاندا کرنە و ھەول دانە ب ئاوایەکی نەیاسایی دەرکەڤن دەرڤەیی وەلات.
یەرلیککایا گۆت ژی، کەسێن ھاتنە گرتن دەستێ وان د ئۆرگانیزەکرنا خوەپێشاندانێن نەیاسایی، چێکرنا مۆلۆتۆفان دە ھەبوو و ھندەک ژ وان بەرێ دھاتن خواستن.
وەزیرێ ناڤخوەیێ ترکیەیێ گۆت ژی، ژ بلی گرتنا وان 33 کەسان، ھەژمارەکا مەزن یا ماددەیێن ئەلکترۆنیک ژی ھاتنە کۆمکرن.
