سه‌رۆككۆمارێ ئیرانێ ئیرۆ سه‌ردانا به‌غدایێ كر، و 14 پەیمانێن لهەڤکرنێ ل گه‌ل ئیراپێ ئیمزه كرن كو گرێدایی سێكته‌رێن جودا جودا نه.
ب چاڤدێریا سەرۆکوەزیرێ ئیراقێ مهەمەد شه‌یاع سوودانی و سەرۆکۆمارێ ئیرانێ مەسوود پزیشكیان، ئیرۆ رۆژا چارشه‌میێ ل به‌غدایێ ل کۆشکا حکوومەتێ 14 په‌یمانێن لهه‌ڤكرنێ ل نێڤبه‌ر هه‌ردو ولاتان ده هاتن ئیمزه كرن.
ل گۆر داخویانیا ئۆفیسا راگهاندنێ یا سەرۆکوەزیرێ ئیراقێ، د هەڤدیتنێن سوودانی و پزیشكیان ده بەحسا هەڤکاریا د ناڤبەرا هەر دو وەلاتان دە ژ بۆ بدەستخستنا بەرژەوەندیێن هەڤبەش هات کرن.
هه‌روه‌ها وان کارێ کۆمیتەیا بلندا هەڤبەشا ئیراق و ئیرانێ شۆپاند، کو دێ ل بەغدایێ بجڤە.
هەر وها د هەڤدیتنێ دە بەهسا هەڤکاریێن هەڤبەشێن ئەولەکاری و هەڤکاریێن د وارێ پارزوونکرن و ئەنەرژیێ دە و هەڤکاریا سەکتۆرا تایبەت د ناڤبەرا هەر دو وەلاتان دە هاتە کرن.
