ئالیکارێ سەرۆکێ گشتی یێ YRP سوات کلچ، دیار کر کو ئەو گۆتوبێژکرنا خالا دەستوورێ یا یەکەمین، دویەمین، سێیەمین و چارەمین ئەرێنی نابینن. کلچ گۆت، “راکرنا خالا چارەمین تێ واتەیا ڤەکرنا سێ مادەیێن دن ژ نیقاشێ رە. ئیرۆ پێدڤیا ترکیەیێ ب ڤێ یەکێ نینە.”
ئالیکارێ سەرۆکێ گشتی یێ پارتیا رەفاحێ (YRP) سوات کلچ، داخویانیەکە چاپەمەنیێ دا.
کلچ د دەربارێ گۆتوبێژێن ل سەر گوھەرتنا دەستوورێ ژی ئاخڤی و ب ئاوایەکی بەرسڤا سەرۆکێ ھودا پارێ ژی دا.
کلچ گۆت: ” YRPتەڤلی گۆتوبێژا ل سەر خالێن یەکەمین، دویەمین، سێیەمین و چارەمین نابە. نابە ئەڤ خالێن دەستوورا بنگەھین بێنە نقاش کرن.
کلچ، دا خویاکرن کو، ترکیە ل گۆری تو ئالیەکی گوھەرتنا دەستوورێ پێکناینە و دەستوورا ھەیی مەتنا بنگەھینە و پەیمانا جڤاکییە.
کلچ دبێژە:
“ئەگەر دەستوورا بنگەهین د پارلەمەنتۆیێ دە چێببە، یان ژی پشتی کو د پارلەمەنتۆیێ دە ھاتە قەبوول کرن ژی دڤێت ھەرێ رەفراندومێ.
دڤێت نێرینێن جڤاکێ یێن گشتی نیشان بدە. ھەلبەت تو نڤیسەکە مرۆڤی پیرۆز نینە. ت مەتنەکا مرۆڤی نە تەکەز و نە تەمامە. ھوون بەشداری نۆد و نەھ ژ سەدی تشتان دبن، و دبە کو ھوون ژ یەک ژ وان عاجز ببن. ئەڤ ژ بۆ ھەر کەسی دەرباس دبە. ژ بەر ڤێ یەکێ ژ بۆ مە ھەموویان پێدڤییە کو ئەم مەتنێن دەستووری یێن کو نە لھەڤھاتنا ھەڤبەش، لھەڤکرنا موتلەق، لێ لھەڤھاتنا پرانیێ نیشان ددن و مە ب ھەڤ رە بھێلن بپارێزن. گۆتووبێژا ل سەر پایتەختا ترکیەیێ، زمانێ وێ یێ فەرمی، نرخێن بنگەھینێن نەتەوەیێ و دەولەتا مەیا کۆمارێ، تو فەیدەیا تو کەسی و کەسی ژ مە ناکە. ژ ھۆلێ راکرنا خالا چارەمین تێ واتەیا ڤەکرنا سێ گۆتارێن دن ژ نیقاشێ رە. پێدڤیا ترکیەیێ ئیرۆ نە ئەڤە. پێدڤیا ترکیەیێ ئیرۆ نە ب نیقاشێن دەستوورا بنگەھینە.
پارتیێن ترکیێ ھەتا وەک ڤێ گاڤێ یەک ب یەک ئالیێن نژادپەرستیا خوە ددن پێش و ل ھمبەر دەستخستنا مافێ رەوایێ گەلێ کورد ژی دەست ژ نژادپەرەستیا خوە بەرنادن. پارتیەک وەک رەفاحێ وەک پارتیەک ئۆلی دخوەیە و خوە وەلێ ددە ناساندن. لێ راستی ئەو د بنگەھێ باوەریا خوە دە ئیدەۆلۆژیا “ترک ئیسلام سەنتەزی” دپارێزن و ب ناڤێ ئۆلی نژادپەرەستیێ دکە.
