جارەکە دن بریارا قەدەغەیا ھەڤدیتنا ئۆجالان لگەل مالباتێ ھات دایین

پارێزەرێن عەبدوللا ئۆجالان دان خویاکرن، رێڤەبەریا زیندانا ئیمرالیێ، سێ مەھێن دن سزایا قەدەغەیا ھەڤدیتنا لگەل مالباتێ دایە عەبدوللا ئۆجالان.

سەندیکایا مافناسیا سەدسالێ راگھاند، ب ئارمانجا ھەڤدیتنا لگەل رێبەرێ پەکەکێ عەبدوللا ئۆجالان سەری ل سەردۆزگەریا بوورسایێ دانە، لێ سەردۆزگەریێ دایە خویاکرن، رۆژا 16 جۆتمەھێ سزایەکە نوویا ھەڤدیتنا لگەل مالباتێ ل ئۆجالان ھاتیە دایین.

ئەڤ یەک پشتی وێ تێ، برازایێ عەبدوللا ئۆجالان و پارلامەنتەرێ دەم پارتیێ عۆمەر ئۆجالان پشتی تەجریدا 43 مەھان، کاریبوون رۆژا 23 جۆتمەھێ لگەل عەبدوللا ئۆجالان ھەڤدیتنەکێ پێک بینە.

پشتی ھەڤدیتنا رۆژا 23 جۆتمەھێ، ژ بۆ ھەڤدیتنا لگەل مالباتێ 2 جاران سەرلێدان ھاتە کرن. لێ ژ ھەر دو سەرلێدانان رە ژی ھین بەرسڤەک نەھاتیە دایین.