چاڤکانیێن خوەجھی ئیرۆ 30/11/2024 راگەھاندن، ئارتێشا رەژیما سووریێ ھەژمارەک گوند و باژارۆکێن سەر ب گوندێن رۆژھلاتێ حەلەبێ رادەستی ھێزێن سووریەیا دەمۆکراتیک (ھەسەد)ێ کرنە و ژ بۆ ناڤچەیێن دن خوە ڤەکشاندیە.
ھەمان چاڤکانیێ راگەھاندیە؛ “ئارتێشا رەژیمێ باژارۆکێن دێرحافر، تەل ئەرن، تەل حەسێل کو پرانیا وێ کوردن و چەند گوندەکێن دن یێن رۆژھلاتێ حەلەبێ رادەستی ھەسەدێ کرنە.”
ھەروەھا ھەمان چاڤکانی دبێژن ئارتێشا رەژیما سووریێ بەر ب ناڤچەیا مەسکەنەیا گوندێن رۆژھلاتێ باژارێ حەلەبێ ڤە برێکەتیە.
ئەڤ یەک د دەمەکی دەیە کو گرووپێن چەکدارێن سووریێ یێن وەک دەستەیا تەحریر ئەل شام کو ئەنیا نووسرە یا بەرێیە ئێریشی باژارێ حەلەبێ کرن و گەلەک باژارۆک و گوندێن حەلەب و ئدلبێ ژ دەست رەژیمێ دەرخستنە.
