سەکرەتەرێ پارتیا دەمۆکراتا کوردستانێ (پەدەکە-سێ) رادگھینە، “ئەم بانگا ئاڤاکرنا وەلاتەکی نوو ل سەر بنگەھێن دەمۆکراسی، دیالۆگ، دووری دوورخستن و پەراویزخستنێ دکن، کو نەخشەیارێیا ژ بۆ پێکانینا دادپەروەری و وەکھەڤیێ د ناڤبەرا ھەموویان دە نیشان بدە.”
سەکرەتەرێ پەدەکە-سێ محەمەد ئیسماعیل ئیرۆ 8 بەرچلە د داخویانیەکێ دە ئازادی و بداویھاتنا سەردەما رێژیما بەشار ئەسەد ل گەلێ سووریەیێ پیرۆز کر و گۆت: “ئازادی و بداویھاتنا سەردەما زلمێ پیرۆز بە.”
محەمەد ئیسماعیل گۆت: “ھەر تشتێ کو ئەم دکن، دڤێت گیانێ تێکۆشینا ئازادی، روومەت و بدەستخستنا مافان نیشان بدە و ھەروھا گرینگیا یەکرێزیا نشتمانی د ناڤبەرا ھەموو پێکھاتەیێن نەتەوەیی و ئۆلی دە د قۆناغا پشتی رووخانا ستەمکاریێ دە، دیار بکە.”
سەکرەتەرێ پەدەکە-سێ دبێژە: “ئەم بانگا ئاڤاکرنا وەلاتەکی نوو ل سەر بنگەھێن دەمۆکراسی و دیالۆگێ، دووری دوورخستن و پەراویزخستنێ دکن، کو نەخشەیارێیا ژ بۆ پێکانینا دادپەروەری و وەکھەڤیێ د ناڤبەرا ھەموویان دە نیشان بدە.”
ھەروھا گۆت: “بەربانگا ئازادیێ ھلھات، تا کو ببە دەستپێکا مەشەکە ھەڤپار، کو ھەر کەس تێ دە ھەڤکاریێ ژ بۆ دەرباسکرنا ناکۆکیێن بەرێ و ئاڤاکرنا پێشەرۆژەکە ئاشتیانە و ئارام، بکە.”
محەمەد ئیسماعیل گۆت ژی: “تێکۆشینا مە د وارێ سیاسی و دیپلۆماتیک دە، ل کێلەکا خوشک و برایێن مەیێن سووری، ژ بۆ راکرنا بێدادیێ ل سەر گەلێ سووریەیێ، ب تایبەتی گەلێ مەیێ کوردێ کو راستی نەحەقی و زلمێ ھاتیە، دەست پێ کر.”
