وەزیرێ کارێن دەرڤەیێ ترکیەیێ هاکان فیدان ل سەر رەوشا سووریەیێ ئاخڤی و گۆت، «ئەم رێ نادن کو په‌كه‌كه و داعش ڤێ رەوشێ ژ بۆ بەرژەوەندیێن خوە ب کار بینن».
وەزیرێ کارێن دەرڤەیێ ترکیەیێ هاکان فیدان ل کۆنفەرانسا 17مین یا بالیۆزێن ترکیەیێ به‌حسا پێشهاتێن داوی یێن ل سووریەیێ و هەلوەستا وەلاتێ خوە کر.
هاکان فیدان دا زانین کو دڤێ ئاکتۆرێن ب باندۆرێن ناڤنەتەوەیی و نەتەوێن یەکبوویی ژی دەستێ ئالیکاریێ درێژی سووریەیێ بکن کو ل ور حکوومەتەکە گشتگیر وەرە ئاڤاکرن.
هاکان فیدان بال کشاند سەر پاراستنا یەکپارچه‌ییا ئاخا سوورییێ و دا زانین کو ئەو دێ هەموو ئاسانکاریان ژ بۆ وان سووریەیی یێن کو دخوازن ڤەگەرن وەلاتێ خوە بکن.
هاکان فیدان وها گۆت: «ئەو پێشهاتێن کو دۆهـ ل سووریەیێ چێبوون، ژ بۆ مە بوونە چرایێ هێڤیێ. بەندەواریا مە ژ ئاکتۆرێن ب باندۆرێن ناڤنەتەویی کو نەتەوێن یەکبوویی ژی د ناڤ دە ئەوە کو دەستێ ئالیکاریێ درێژی سووریێ بکن و ژ بۆ دامەزراندنا حکوومەتەکە گشتگیر هەڤکاریێ بکن».
ده‌ربارێ په‌كه‌كێ وه‌زیرێ ده‌رڤه یێ تركیه‌یێ گۆت: «ئەمێ رێگریێ ل په‌كه‌كێ و داعشێ ژی بكن کو ڤێ رەوشێ ژ بۆ بەرژەوەندیێن خوە ب کار نەیینن و سووریەیێ نەکن هێلینا تەرۆرێ».
