بابێ جەنگۆ
کەسی ژ وە براتییا گورگ و میھێ دیتیە؟ نا. کەسی ژ وە براتییا مشک و پشیکێ دیتیە؟ نا. کەسی ژ وە براتییا ھرچ و ھرمییێ دیتیە؟ نا. کەسی ژ وە براتییا کەو و نێچیرڤانی دیتیە؟ نا. لێ کورد دبن برایێ ھەر کەسی. کورد ژ ھەڤدو زێدەتر دبن برایێن داگیرکەرێن خوە، دبن برایێن جەلادێن خوە.
براتییا گەلان، براتییا ئوممەتێ، براتییا کورد و عەرەب، ترک و فارسان ژ زوو دە تێک چوویە. لێ چ حکمەت بە ھندەک ئالی ب دارێ زۆرێ دخوازن کوردان وەک برا ب داگیرکەرێن خوە ڤە پینە بکن و بزەلقینن. ژ بۆ کوردان ژ ھەست و ھشمەندییا نەتەوی دوور بخن، براتییا گەلان و براتییا ئوممەتێ وەک چەک و سیلەحەک مەزن ب کار تینن. و ھندەک کوردێن مە ژی ب زانین، ب پلان و پرۆژەیێن دەولەتێ بەرێ کوردان ددن براتییا گەل و ئوممەتێ و وان ژ ھەست و ھشمەندییا نەتەوی دوور دخن. براتییا کو کوردان ھەتا ئیرۆ ژ دژمناتییێ پێ ڤە چ خێر ژێ نەدیتیە، وەک تۆقا نەعلەتێ کەتیە (خستنە) ستویێ مە و مە پێ د خەو رە دبن.
ئاخر…
ھێزێن سووریەیا دەمۆکراتیک ھەسەدێ (ئەڤ گۆتنا دەمۆکراتیک ژی تۆقەک ژ تۆقێن نەعلەتێیە) یا کو پرانییا ھێز و بنگەھا وێ کوردن، ب خێرا ئامەریکایێ بوو ھێزەک مەزن و دەستکەفتییەک باش خست دەستێن خوە. لێ سیاسەتا براتییا گەلان ئەو ژ ئارمانجا وێ دوور خست. ل شوونا دەستکەفتنێن نەتەوی و تفاقا کوردان، براتییا گەلان (عەرەبان) و بەرژەوەندییێن یەکپارەییا سوورییێ ژ خوە رە کرن قووش و ئارمانج. لێ د ڤی شەرێ داوی دە قوونا رەش و سپی ئەشکەرە بوو و دەرکەت ھۆلێ کو براتییا گەلان خەونە، چیرۆکە، دەک و دۆلابە، خەفک و لیزتکە.
د شەرێ منبج و دێرەزۆرێ دە گەلەک لەشکرێن عەرەب (ێن د ناڤا ھەسەدێ دە) خەنجەرەک ل پشتا کوردێن (ھەسەدێ) خستن، ژ ھەسەدێ جودا بوون و کەتن ناڤ رەفێ تەرۆریستێن ھەتەشێ. عەرەبێن قوونرەش و بێدەرپی دیسا بێبەختییا خوە نیشان دان و ب زەلالی ئەشکەرە کرن کو براتییا کورد و عەرەبان خەیالە، چیرۆکە و ھەرکەس کورێ بابێ خوەیە.
وەلحاسلێ کەلام، بەری ھەزار سالان ئەم کورد چ خوەلیسەر بوون، ئیرۆ ژی ئەم ئەو خوەلیسەرن. دۆھ باب و کالێن مە خولامتییا خەلکێ دکرن، ئیرۆ ژی ئەم دکن.
ێ دەیا ب خێر…
دبێژین ھەگەر نە ژ ئەحمەقان بە سەردەست نکارن ژییانا خوە بدۆمینن. یا مە ژی ئەڤ مەسەلەیە. ھەگەر نە ژ کوردان با، نە ژ وان بە، داگیرکەرێن مە نکارن ژییانا خوە بدۆمینن. ژ بەر کورتانێن کەرێن وان ئەمین.
قامشلۆ
