بالافرخانەیا ناڤدەولەتی یا شامێ د راگەھاندنەکێ دە تەڤایا گەشتێن خوەیێن ئاسمانی ھەتا 1/1/2025 راوەستاندن، ژ بلی وان گەشتێن دەستووریا تایبەت ژ دەستھلاتا بالەفرڤانیا سڤیل وەرگرتیە.
بالافرخانەیا ناڤدەولەتی یا شامێ ئیرۆ (دوشەم، 23/12/2024) راگەھاندنەک پارڤە کر و تێ دە راگەھاند، “ژ بلی گەشتێن تایبەت، تەڤایا گەشتێن بالافرخانەیا ناڤدەولەتی یا شامێ ب فرین و دادان ڤە تێن رادوەستاندن.”
ل دەستپێکا ڤێ مەھێ، ژ بەر رەوشا ناڤخوەیا سووریەیێ و ھەرفاندنا رژێما ئەسەد ژ ئالیێ ھێزێن ئۆپۆزسیۆنێ ڤە، ھەر دو بالافرخانەیێن ناڤدەولەتی یێن شام و حەلەبێ ھەتا 17 و 18 ڤێ مەھێ تەڤایا چالاکیێن خوە راوەستاندبوون، لێ ل رۆژا 18 ڤێ مەھێ گەشتا یەکێ یا ئەزموونی ژ شامێ بۆ حەلەبێ ھات کرن.
دەستھلاتا بالەفرڤانیا سڤیل راگهاند، د ڤێ دەمێ دە تەنێ دەرفەتا دادانێ و فرینێ ب وان بالافران ددەیێن کو ب گەشتێن تایبەت و شاندێن بیانی بەرێ خوە ددن بالافرخانەیا شامێ.
