پشتی نووچەیەکە دارکا مازی چەند بەرپرسێن حەشدا شەعبی تێن دادگەهکرن
نووچەیەکە دارکا مازی د دەربارێ پارچە ئەردەکێ ل مووسلێ کو ب ئاوایەکی نە یاسایی ژ ئالیێ هندەک ژ رایەدارێن حەشدا شەعبی ڤە دەست ب سەر دە هاتبوو گرتن و پشترە وەکە پارچە ئەردێن بچووک هاتبوو فرۆتن، بوو سەدەم کو ئەو کەسێن د ناڤا حەشدا شەعبی دە ب ڤی کاری رابووین وەرن دادگەهکرن و نها کەیسێن دادگەهرکرنا وان ل دادگەها مووسلێ نە.
پێگەها دارکا مازی، د رۆژا 14/10/2025 دە، نووچەیەک د دەربارا پارچە ئەردێ دکەڤە رۆژهلاتێ باژارێ مووسلێ ل بەرامبەری دەڤەرا کۆکجەلی یا ل نێزیکی کۆمەلگەها شرووق، کو یێ شارەدارییا مووسلێ یە و ژ ئالیێ حەشدا شەعبی ڤە هاتیە داگیرکرن و پاشان ئەڤ ئەرد کو پارچەیەک پڕ مەزنە هاتیە دابەشکرن بۆ چەندین پارچە ئەردێن بچووک و پشترە هاتیە فرۆتن، پارڤە کر. ئەڤ یەک بوو سەدەم کو دادگەها مووسلێ کەیسەکا قانوونی د دەربارا ڤێ مژارێ دە ل سەر کەسێن تێکلداری ڤێ گەندەلیێ بووین ڤەکە.
چاڤکانیێن پێگەها دارکا مازی ئەشکەرە کرن، پشتی پارڤەبوونا ڤێ نووچەیێ کەسێن تێکلداری ڤێ مژارێ یێن کو دەست د فرۆتن، پێدانا مۆلەتا ئاڤاکرنێ و وەرگرتنا پارچە ئەردی دا هەین نها ل دادگەها مووسلێ دۆز ل وان هاتیە ڤەکرن.
ل گۆر ئاگاهیان دادوەر راید کو سەرۆکێ دادگەها مووسلێ یە ب خوە ل سەر ڤێ دۆزێ دسەکنە، لێ بەلێ یەک ژ بەرپرسێن حەشدا شەعبی یێ ب ناڤێ “وەعد قەدو” ب هەماهەنگیا لگەل سەرۆکێ دادگەها مووسلێ دۆزا وان سەکناندیە هەیا کو هلبژارتنێن ئیراقێ ب داوی تێن.
هەر وەها دارکا مازی زانییە، “وەعد قەدو” کەسێن سووچبار هایدار کرنە کو ب رێیا ئەفسەرەکی رێڤەبەرییا پاسەپۆرتێن مووسلی یێ ب ناڤێ “راید محەمەد” پاسپۆرتان ژ خوە رە چێکن، داکو گەر ئەڤ دۆز د بەرژەوەندیا وان دە یەکئالی نەبە بکارن ئیراقێ ب جی بهێلن و برەڤن.
ناڤێن کەسێن سووچبار ب ڤی ئاوا نە:
جەعفەر جەمیل، برایێ فەرماندارێ لیوایا 30، هەژمارا تەلەفۆنا وی 009647510543887.
سەید حەیدەر ئەلەعرەجی، فەرماندەیێ یەکینەیا دەستوەشین یا لیوایا 30 یا حەشدا شەعبی، هەژما تەلەفۆنا وی 009647726002228.
عەلا، یێ کو ب ئەبو ورود تێ ناسکرن، بەرپرسێ نڤێسینگەها فەرماندارێ لیوایا 30 یا حەشدا شەعبی.
عەبدوللاهـ هاشم یێ بەرنیاس ب عەبدوللاهـ وەحش، ئەفسەرێ ئیستیخباراتا لیوایا 30 یا حەشدا شەعبی.
ئەحمەد دیزاق، کورێ خوشکا فەرماندارێ لیوایا 30، هەژمارا تەلەفۆنا وی 009647706406993.
سەدام، ب ناڤێ سەدام چکن و ئەبو ئیبراهیم تێ ناسکرن، ڤی کەسی مۆلەتێن ئەولەهیێ دابوون ژ بۆی ئاڤاکرنا پارچە ئەردێن هاتینە فرۆشتن، هەژمارا تەلەفۆنا وی 009647512187376.
زەینولعابدین، یێ ب ناڤێ زینو تێ ناسکرن، هەژمارا تەلەفۆنا وی 009647500977198.
فیراس، ل گۆرستانا گۆکجەلی کار دکە و هەڤالبەندێ عەبدوللاهـ وەحشە.
