ل باژارێ شیراز یێ ئیرانێ ئەردھەژەک چێ بوو

سەرێ سبەھا ئیرۆ ل باژارێ شیرازێ یێ باشوورێ رۆژئاڤایێ ئیرانێ ئەردھەژەک ب پلەیا 3.4 ل گۆری پیڤانا ریختەرێ چێ بوو.

ئاژانسا ئیرنایێ یا نووچەیان ئیرۆ یەکشەمبێ، 16ێ مژدارا 2025ێ، ل گۆری راگھاندنا ناڤەندا ئەردھەژزانیێ یا زانینگەھا تەھرانێ پارڤە کریە کو، ئەردھەژەک ب پلەیا 3.4 ل گۆری پیڤانا ریختەر دەمژمێر 5:51ێ سەرێ سبەھا ئیرۆ ل باژارێ شیرازێ چێ بوویە.

ناڤەندا وێ ئەردھەژێ 15 کیلۆمەترەیان دووری ناڤەندا باژارێ شیرازێ بوو و پرانیا شێنیێن وی باژاری ھەست پێ کریە.

ھەتا نھا چ ئاگاھی ل سەر زرارێن جانی و مادی یێن وێ ئەردھەژێ نەھاتنە راگھاندن.