لە مانگی رابردوودا، عێراق زیاتر لە 80 ملیۆن بەرمیل نەوتی هەناردە کردووە کە نزیکەی 3 ملیۆن بەرمیلی نەوتی کەرکووک بووە.
وەزارەتی نەوتی حکوومەتی عێراق بڕی هەناردە و داهاتی نەوتیی مانگی ئابی رابردووی وڵاتەکەی، ئاشکرا دەکات.
رۆژی سێشەممە 1/9/2020، عاسم جیهاد، گوتەبێژی وەزارەتی نەوتی عێراقی لە بەیاننامەیەکدا رایگەیاندووە، لە مانگی رابردوو (مانگی 8ـی 2020)، عێراق 80 ملیۆن و 494 هەزار و 536 بەرمیل نەوتی هەناردە کردووە.
داهاتی ئەو بڕە نەوتەی لە مانگی رابردوو هەناردەکراوە، هەروەک عاسم جیهاد رایگەیاندووە، سێ ملیار و 517 ملیۆن و 45 هەزار دۆلار بووە.
بڕی نەوتی هەناردەکراوی ناوچە جیاوازەکان لە مانگی 8ـی 2020:
– 77 ملیۆن و 505 هەزار و 136 بەرمیل لە کێڵگەکانی بەسرە و ناوەڕاستی عێراق.
– دوو ملیۆن و 989 هەزار و 400 بەرمیل لە کێڵگە نەوتییەکانی کەرکووک.