عەبدولخالق تەڵعەت: “کشاندنەوەی میلیشیاکانی حەشد لە کەرکووک، یەکێکە لە بڕگە سەرەکیەکانی رێککەوتنی هەولێر و بەغدا”.
نوێنەرى هەرێمى کوردستان لە ژوورى ئۆپەراسیۆنە هاوبەشەکانى عێراق رایدەگەیەنێت، 28 بازگەی کەرکووک بە پۆلیسی شارەکە دەسپێردرێنەوە و هێزە هاوبەشەکان دەکشێندرێنەوە.
لیوا عه‌بدولخالق ته‌ڵعه‌ت، نوێنەرى هەرێمى کوردستان لە ژوورى ئۆپەراسیۆنە هاوبەشەکانى عێراق، بە ئاژانسەکانی باشووری کوردستانی راگەیاندووە، ئەمڕۆ چوارشەممە 9-12-2020، عوسمان غانمی، وەزیری ناوخۆی عێراقی بۆ جێبەجێکردنی رێککەوتنی هەولێر و بەغدا، سەردانی کەرکووکی کردووە.
لیوا عەبدولخالق تەڵعەت هەروەها رایگەیاند، لە میانی سەردانەکەی عوسمان غانمی، بڕیار دراوە 28 بازگەی سنووری کەرکووک و خانەقین لە هێزە هاوبەشە عێراقییەکان وەربگیرێتەوە و رادەستی پۆلیسی کەرکووک بکرێن.
نوێنەرى هەرێمى کوردستان لە ژوورى ئۆپەراسیۆنە هاوبەشەکانى عێراق ئاماژەی بەوەش کرد، کشاندنەوەی ئەو هێزە هاوبەشانە، کە میلیشیاکانی حەشدی شەعبی بەشێک بوو تێیدا، یەکێکە لە قۆناغەکانی رێککەوتنی هەولێر و بەغدا.
