روانگەی سووری: لە مانگی رابردوودا 309 کەس لە سووریە گیانیان لەدەستداوە کە 103 کەسیان هاووڵاتی سڤیل بوون.
لە مانگی کانوونی دووەمدا، 309 کەسی سڤیل و چەکدار لە سوریەدا گیانیان لەدەستداوە کە 22 کەسیان گریلای هێزەکانی سووریەی دیموکراتیک هەسەدە بوون و لە ئەنجامی هێرشەکانی دەوڵەتی تورکیەدا گیانیان لەدەستداوە.
روانگەی سووری بۆ مافەکانی مرۆڤ بیلانی زیانە گیانیەکانی شەڕی لە سووریە ئاشکرا کرد و رایگەیاند لە مانگی کانوونی دووەمی ئەمسال (2023)دا 309 کەس گیانیان لەدەستداوە کە 103 کەسیان هاووڵاتی سڤیل بوون.
بەپێی زانیاریەکانی روانگەکە، 22 گریلای هەسەدە لە ئەنجامی هێرشەکانی تورکیەدا گیانیان لەدەستداوە و هاوکات چەکدارێکی تورکیش لەلایەن هەسەدەوە کوژراوە.
دەولەتی تورک ماوەی دوو مانگە بەبێ ناوبڕ هێرشی ئاسمانی دەکاتە سەر رۆژئاوای کوردستان و بەردەوام هەڕەشەی ئەنجامدانی هیرشی زەوینییش دەکات.
