“هێرشەکە لە دەوروبەری پردی قرقووزاک لە ڕۆژئاوای ڕووباری فورات و لە گوندەوارەکانی حەلەب ئەنجامدراوە”.
بەهۆی هێرشی فڕۆکەی بێفڕۆکەوانی سوپای تورکیا لە ڕۆژئاوای ڕووباری فورات، 6 شەڕڤانی ئەنجومەنی سەربازی منبج گیانیان لەدەستداوە و 4 شەڕڤانی دیکەش بریندار بوون.
ڕوانگەی سوری بۆ مافەکانی مرۆڤ ڕایگەیاند، لە ئەنجامی بۆردومانی فڕۆکەی بێفڕۆکەوانی دەوڵەتی تورکدا، 6 شەڕڤانی ئەنجوومەنی سەربازیی منبج گیانیان لەدەستداوە و 4 شەڕڤانی دیکەش برینداربوون.
ڕوانگەی سووری ڕایگەیاندووە کە هێرشەکە لە دەوروبەری پردی قرقووزاک لە ڕۆژئاوای ڕووباری فورات و لە گوندەوارەکانی ڕۆژهەڵاتی شاری حەلەب ئەنجامدراوە.
لە سەرەتای ساڵی 2024ـەوە تا ئێستا لە ئەنجامی هێرشی فڕۆکە بێفڕۆکەوانەکانی دەوڵەتی تورکدا بۆ سەر ڕۆژئاوای کوردستان و ناوچەکانی ژێر کۆنترۆڵی “بەڕێوەبەریی خۆسەر”دا، لانیکەم 102 کەس گیانیان لەدەستداوە کە نیوەیان هاووڵاتی سڤیل بوون.
