تورکیا: “هێرشەکانمان بە چڕی بەردەوام دەبن”.
دەوڵەتی تورک ڕایگەیاندووە کە لە 24 کاتژمێری ڕابردوودا 11 گەریلای پەکەکە/یەپەگە لە ڕۆژئاڤای و باشووری کوردستان لە ئەنجامی هێرشە ئاسمانیەکانی ئەو وڵاتەدا گیانیان لەدەستداوە.
ئەمڕۆ دووشەممە 30/12/2024، وەزارەتی بەرگریی تورکیا ڕایگەیاند، لە ئەنجامی هێرشە ئاسمانیەکانی ئەو وڵاتەدا بۆ سەر ڕۆژئاوای کوردستان و باشووری کوردستان، 11 گەریلای پەکەکە/یەپەگە کراونەتە ئامانج و گیانیان لەدەستداوە.
وەزارەتی بەرگریی دەوڵەتی تورک ئیدیعای کردووە کە لە ڕۆژئاوای کوردستان 10 شەڕڤانی یەپەگە و لە باشووری کوردستانیش، گەریلایەکی پەکەکە کراونەتە ئامانجی هێرشە ئاسمانیەکانی تورکیا و گیانیان لەدەستداوە.
لە ڕاگەیاندراوەکەی وەزارەتی بەرگریی دەوڵەتی تورکدا هاتووە، کە “هێرشەکانی ئەو وڵاتە بە چڕی بەردەوام دەبن”.
هەتا ئێستا پەکەکە هیچ کاردانەوەیەکەی بەرانبەر بەم ئیدیعایەی دەوڵەتی تورک پیشان نەداوە.
