پەکەکە ناسنامەی پۆلێک گەریلای ئاشکرا کرد کە ساڵێک لەوەپێش لە خواکورک گیانیان لەدەستداوە

پەکەکە لە وەسفی ئەو گەریلایانەدا دەڵێ: ئەوان ئاپۆیی بوون و لەپێناو ئاپۆدا مردوون.

ناسنامەی 3 گەریلای دیکەی پەکەکە ئاشکرا بوو کە یەکیان کچەگەریلا بووە و ساڵی ڕابردوو گیانیان لەدەستداوە. پەکەکە وەکوو سەدان هەڤاڵی دیکەیان، هەواڵی گیانلەدەستدانی ئەم 3 گەریلایەشی بۆ ماوەی ساڵیک شاردبۆوە.

ئەمڕۆ چوارشەممە 29/1/2025، پارتی کرێکارانی کوردستان (پەکەکە)، ناسنامەی سێ گەریلای دیکەی خۆی ئاشکرا کرد کە لە هێرشێکی جووت مانگی ساڵی ڕابردووی تورکیادا بۆ سەر چیای خواکورک لە باشووری کوردستان، کرابوویە ئامانج و گیانی لەدەستدابوو.

پەکەکە وەک زۆرێک لە لاوانی دیکەی کورد، ئەم سێ گەریلایەشی بە کوشتن داوە و بۆ ماوەی ساڵێک هەواڵی گیانلەدەستدانەکەیانی لە بنەماڵەکانیان و ڕای گشتی شاردبۆوە.

پەکەکە لە وەسفی ئەو گەریلایانەدا ڕایگەیاندووە کە ئەوان ئاپۆیی بوون و لەپێناو ئاپۆدا مردوون. بەمجۆرە پەکەکە هەوڵ و خەبات و ڕەنج و ماندبوونی لاوانی کورد دەکاتە فیدای ئەو زەلامەی کە لە ئیمرالی پاڵی لێداوەتەو.

پەکەکە ناسنامەی ئەو گەریلایانەی بەمشێوەیە ڕاگەیاندووە:

1ـ موراد کەلەش خەڵکی پارێزگای وان لە باکووری کوردستان.

2 ـ زەهرا مووسا خەڵکی پارێزگای ئامەد لە باکووری کوردستان.

3ـ سەرهات مەحموود خەڵکی ئەستەنبوڵ.