پەکەکە گیانلەدەستدانی ئەم لاوە کوردەی بۆ ماوەی 6 ساڵ شاردبۆوە

بە گوێرەی ڕاگەیاندراوەکەی پەکەکە، ئەو گەریلایە لە ڕێکەوتی 23ی تەباخی 2019دا لە دێرسم گیانی لەدەستداوە.

هەواڵی گیانلەدەستدانی لاوێکی دیکەی کورد ئاشکرا بوو کە پەکەکە 6 ساڵ لەوەپێش بەکوشتنی دابوو و هەتا ڕۆژی ئەمڕۆ شاردبوویەوە.

ئەمڕۆ چوارشەممە 27/8/2025، پەکەکە ناسنامەی گەریلایەکی خۆی بە ناوی “بەرات ئیبراهیم” و بە کۆدناوی “بۆتیان ئامەد” ئاشکرا کرد کە لە ساڵی 2019دا بە دەستی چەکدارانی دەولەتی تورکی بەکوشتن داوە و بۆ ماوەی 6 ساڵ هەواڵی گیانلەدەستدانەکەی لە بنەماڵەکەی و ڕای گشتی شاردبۆوە.

بە گوێرەی ڕاگەیاندراوەکەی پەکەکە، ئەو گەریلایە لە ڕێکەوتی 23ی تەباخی 2019دا لە دێرسم گیانی لەدەستداوە.

پەکەکە پاش تێپەڕبوونی 6 ساڵ ئەوسا هەواڵی گیانلەدەستدانی بۆیتان ئامەدی بڵاو کردۆتەوە و لە وەسفیدا وەکوو قوربانیەکی ئاپۆ باسی دەکات.

پەکەکە ڕۆژانە وێنەی پۆلێک لە کچ و کوڕانی لاوی کورد بڵاودەکاتەوە کە لە ساڵ و مانگەکانی ڕابردوودا گیانیان لەدەستداوە و هەواڵی گیانلەدەستدانەکەیان لە ڕای گشتی و بنەماڵەکانیان شاردراوەتەوە. بەپێی زانیارییەکان پێگەی “دارکا مازی” هێشتا بە هەزاران لاوی کورد هەن کە لە ڕابردوودا بەهۆی پەکەکەوە گیانیان لەدەستداوە و ئەو حیزبە تا ئێستا ناسنامەکەیانی ئاشکرا نەکردوە.