بە گوێرەی ڕاگەیاندراوەکەی پەکەکە، “کاوە ناجی” لە حوزەیرانی 2021دا لە باسووری کوردستان گیانی لەدەستداوە.
پەکەکە گیانلەدەستدانی گەریلایەکی دیکەی خۆی ئاشکرا کرد کە لە ساڵی 2021دا گیانی لەدەستداوە و پەکەکە هەتا ڕۆژی ئەمڕۆ هەوالەکەی شاردۆتەوە و ئێستاش دوای 4 ساڵ دەڵێ ئێمە بە ڕێزەوە یادی بەرز ڕادەگرین!.
ئەمڕۆ پێنج شەممە 28/8/2025، پەکەکە ناسنامەی گەریلایەکی خۆی بە ناوی “کاوە ناجی” و بە کۆدناوی “جوودی هەرکۆلی” ئاشکرا کرد کە لە ساڵی 2021دا بە دەستی چەکدارانی دەوڵەتی تورکی بەکوشتن داوە و بۆ ماوەی 4 ساڵ هەواڵی گیانلەدەستدانەکەی لە بنەماڵەکەی و ڕای گشتی شاردبۆوە.
بە گوێرەی ڕاگەیاندراوەکەی پەکەکە، ئەو گەریلایە لە ڕێکەوتی 18ی حوزەیرانی ساڵی 2021دا لە باشووری کوردستان گیانی لەدەستداوە.
پەکەکە پاش تێپەڕبوونی 4 ساڵ تازە ەواڵی گیانلەدەستدانی کاوە ناجی ڕادەگەیەنێت و لە وەسفیشیدا وەک قوربانیەکی ئاپۆ باسی دەکات.
پەکەکە ڕۆژانە وێنەی پۆلێک لە کچ و کوڕانی لاوی کورد بڵاودەکاتەوە کە لە ساڵ و مانگەکانی ڕابردوودا گیانیان لەدەستداوە و هەواڵی گیانلەدەستدانەکەیان لە ڕای گشتی و بنەماڵەکانیان شاردراوەتەوە. بەپێی زانیارییەکان پێگەی “دارکا مازی” هێشتا بە هەزاران لاوی کورد هەن کە لە ڕابردوودا بەهۆی پەکەکەوە گیانیان لەدەستداوە و ئەو حیزبە تا ئێستا ناسنامەکەیانی ئاشکرا نەکردوە.
