بەڕیوەبەریی خۆسەر: بۆ سەرخستنی ئەم پڕۆسە گرنگە، هەموو ئامادەکارییەکی پێویست و تیمی پێویست دابین کراوە.
ئەمڕۆ شەممە 30ی تەباخی 2025، بەڕیوەبەریی خۆسەر پرۆسەی سەرژمێری گشتیی لە دەڤەری کۆبانێ ڕۆژئاوای کوردستان دەستیپێکرد و بۆ ئەوەی پڕۆسەکە سەرکەوتوو بێت، قەدەغەی هاتووچۆ لە سەرتاسەری هەرێمەکە ڕاگەیەندراوە.
بەگوێرەی ڕاگەیەندراوی بەڕێوەبەریی خۆسەر، 4 هەزار تیمی تایبەتی سەرژمێری لە شارەکانی کۆبانێ، سرین، عەین عیسا، ئەل ـ قەنایە، چەلەبیە و گوندەوارەکانیان دەگەڕن و دەستیان بە تۆمارکردنی داتاکان کردووە.
بەمەبەستی ئاسانکاری بۆ کاری تیمەکان و دڵنیابوون لە دروستی ژمارەکان، بەڕێوەبەریی خۆسەر داوای لە هاووڵاتیان کرد تا کاتی کۆتاییهاتنی پرۆسەکە لە ماڵەکانیان بمێننەوە و هاوکاری تیمەکانی سەرژمێری بکەن. قەدەغەی هاتوچۆ هەتا کۆتاییهاتن بە سەرژمێرییەکە بەردەوام دەبێت.
بەڕیوەبەریی خۆسەر ئاماژەی بەوەش کردووە کە بۆ سەرخستنی ئەم پڕۆسە گرنگە، هەموو ئامادەکارییەکی پێویست و تیمی پێویست دابین کراوە.
