ئەندامێکی کۆنسەی فەرماندەیی هەپەگە و دوو گەریلای پەکەکە لە گارە گیانیان لەدەستداوە

“ئامینە ئەرجیەس”، ئەندامی کۆنسەی فەرماندەیی هەپەگە و ئەندامی فەرماندەیی بڕیارگەی ناوەندی یەژا ستار بووە.

پەکەکە گیانلەدەستدانی فەرماندەیەکی دیکەی و دوو گەریلای خۆی ئاشکرا کرد، کە 5 ساڵ لەمەوبەر لە چیای گارە لەئەنجامی هێرشێکی دەوڵەتی تورکدا بۆ سەر چیای گارە لە باشووری کوردستان، کراونەتەئامانج و پەکەکە هەتا ئێستا هەواڵی گیانلەدەستدانەکەیانی لە بنەماڵەکانیان و ڕای گشتی شاردبۆوە.

هەپەگە، باڵی سەربازیی پەکەکە، ڕۆژی دووشەممە 8ی ئەیلولی 2025، ڕایگەیاند کە 3 گەریلایان لە ئەنجامی هێرشەکانی دەوڵەتی تورکیا بۆ سەر باشووری کوردستان، گیانیان لەدەستداوە.

هەپەگە ئاشکرایکردووە کە “ئامینە ئەرجیەس”، ئەندامی کۆنسەی فەرماندەیی هەپەگە و ئەندامی فەرماندەیی بڕیارگەی ناوەندی یەژا ستار، یەکێکە لەو 3 گەریلایەی کە لەو هێرشەی دەوڵەتی تورکدا گیانی لە لەدەستداوە.

هەپەگە ناسنامەی ئەو سێ گەریلایە بەم شێوەیە ڕاگەیاندووە:

1ـ  “شەهریبان ئاکین”، بەکۆدناوی “ئەکین ئامارا تۆلدار”، خەڵکی هەکاری لە باکووری کوردستان بووە و لە 20ی نیسانی 2020دا لە دەڤەری گارە گیانی لەدەستداوە.

2ـ “لەیلا ئاکار” بە کۆدناوی “زین زاگرۆس”، خەڵکی پارێزگای وان لە باکووری کوردستان بووە و لە 20ی نیسانی 2020دا لە دەڤەری گارە گیانی لەدەستداوە.

3ـ “نازلی تاشپینار”، بە کۆدناوی “ئامینە ئەرجیەس”، خەڵکی شاری نەڤشەهیر بووە و لە 20ی نیسانی 2020دا لە دەڤەری گارە گیانی لەدەستداوە.

پەکەکە وەک سەرجەم هەڤاڵەکانیان، بۆ ماوەی 5 ساڵە کە هەواڵی گیانلەدەستدانی ئەم 3 گەریلایەشی شاردۆتەوە و ئێستاش کە هەواڵەکەی ڕاگەیاندووە دەڵێ: “ئێمە فیدائیانی ئاپۆیی خۆمانمان لەدەست داوە!.