وتەبێژی دەم پارتی، کۆنگرەیەکی ڕۆژنامەوانیی لەسەر کۆبوونەوەی ڕۆژی دووشەممەی دەستەی بەڕێوەبەری ناوەندیی دەم پارتی سازکرد.
هاوسەرۆکانی گشتیی دەم پارتی هەفتەی داهاتوو سەردانی دوورگەی ئیمرالی دەکەن و لەگەڵ عەبدوڵڵا ئۆجەلان، ڕێبەری بەندکراوی پەکەکە کۆدەبنەوە.
ئایشەگوڵ دۆغان، وتەبێژی دەم پارتی ڕایگەیاند، هەفتەی داهاتوو شاندێکی گەورە سەردانی عەبدوڵڵا ئۆجەلان دەکات.
ئایشەگوڵ دۆغان وتەبێژی پارتی دیموکراسی و یەکسانی گەلان (دەم پارتی)، کۆنگرەیەکی ڕۆژنامەوانیی لەسەر کۆبوونەوەی ڕۆژی دووشەممەی دەستەی بەڕێوەبەری ناوەندیی دەم پارتی سازکرد.
ئایشەگوڵ دۆغان وتی: هەفتەی داهاتوو شاندێک پێکهاتوو لە هاوسەرۆکانی گشتیی دەم پارتی، سەردانی ئیمرالی دەکەن. ئێمە بەرنامەڕێژیی بۆ ئەو سەردانە دەکەین.
