لە گەرمەی كێشەی رووسیا و ئەورووپا، چاوەڕوان دەكرێ نەوتی كوردستان، جووڵە بخاتەوە بازاڕی نەوتی جیهانەوە.
دوای دوو ساڵ و 7 مانگ لە ڕاگیرانی، كاتژمێر 06:00ی بەرەبەیانی ئەمڕۆ هەناردەكردنەوەی نەوتی كوردستان لە ڕێگەی (سۆمۆ) بۆ بەندەری جەیهانی توركی، دەستی پێكردەوە.
ئەوەش دوای ڕێككەوتنی سێقۆڵیی نیوان حكوومەتی هەرێمی كوردستان و حكوومەتی عێراقی فیدراڵ و كۆمپانیا نەوتییەكان.
لە كاتێكی پێشتریشدا، حكوومەتی عێراق، ڕایگەیاندبوو، كە ڕێككەوتن لەگەڵ كۆمپانیا كڕیارەكانی نەوتی كوردستان كراوە.
لە گەرمەی كێشەی رووسیا و ئەورووپا، چاوەڕوان دەكرێ نەوتی كوردستان، جووڵە بخاتەوە بازاڕی نەوتی جیهان و هەر دوای هەواڵی هەناردەكردنەوەی نەوتە، نرخی نەوت بڕێك گران بوو.
