دا ھێشتا تێزێن ئۆجالانی ڤەکۆلین ژ بۆ کو سەرێ دەزی ل بەرمە بەرز نەبیت
وی دگوت دوو ئابووری، جارێ دیار نەکرییە ژێدەرێ ڤێ مێژوویێ ل کیرێ ئینایە کو دبێژیت: «دوو ئابووری ھەبووینە، ئێک چاندن یا ژنان، دوو نێچیرڤانی یا زەلامان .
دەورێ ژنان چاندن و گەنم و دان بوویە و دەورێ زەلامی ژی نێچیرڤانی بوویە؟
دا بزانین زانست چ دبێژیت؛ ل گۆری زانستێ ل دەستپێکێ جڤاکی ژ نێچیرڤانیێ یا دەست پێ کری پاش بەر ب ئاژەلداریێ و چاندنێ ڤە چوویه، دا ڤان دەورا پتر روهن بکەین، ل گۆری وان سەلماندنێن زانستی یێن بەردەستێ مە، ژ بۆ کو ب سەلمینین تێزێ دوو ئابووری و چاندنا ژنان و نێچیرڤانییا زەلامان یا ئۆجالانی ل سەردەما دایکسالاری دا چ بنەمایێن زانستی نینە.
– ل جەم مۆرگان، جڤاکا مرۆڤاتی د سێ قۆناغان دا دەربازبوویە، درنداتی و بەربەری و شارستانی.
درنداتی: ئەو قۆناغەیە یا سروشت زاڵ ل سەر مرۆڤی، د ڤێ قۆناغێ دا ئەو بەرھەمێن مرۆڤ دروست دکەت بریتی یە ژ وان ئالاڤێن ھاریکارییا مرۆڤی دکەت ژ بۆ ب دەستڤەئینانا بەرھەمێن سروشتی، بۆ نمووونە ژ بۆ کو نێچیرڤانیێ بکەی تو پێدڤی ب دارەکێ یان ئالاڤەکی.
لێ ھوین دزانن كو ئابووری و سەنتەربوونا ژنێ ل دەڤ ئۆجالانی د چارچوڤێ زارۆک خودانکرنێ و زارۆک بوونێ دا بهرتهنگ دبیت!
بەس ل گۆری ئۆجالانی ژن د ئەزەل دا خودانا ئابووریێ و بەرھەمێن چاندنێ یە، ئیدی ئەگەر د واقعی دا، ھەمی تشتەک بەروڤاژی ڤی تێزی بن ھەر ژن پێشەنگا ئابووریێ یە، ئەڤە وەک تێز یێ د فرۆتینە مە ددەمەکێ دا چ عەقل و لۆژیک و دیرۆک قەبوول ناکەن.
ددەمەکێ دا ئابووری د سەردەما دەورانا کۆلاتیێ و دەرەبەگاتیێ و سەرمایەداریێ دا، ژ ئالیێ زەلامی یا ھاتییە رێڤەبرن و کۆنترۆل کرن، ئەرێ ژنۆلۆژیا ئۆجالانی ڤێ چەندێ ھەزم دکەت! یان ئەڤ کتێبا مل ستیر ژبلی پرۆپاگندە و راکێشانا عاتیفا ژنێ چ تشتێ دی ژ بۆ نینە!
