كادرۆیا په‌كه‌كێ نه‌وال كو ژ رێخستنێ ڤه‌قه‌تیایه و نها ل ئه‌ورۆپایێ ژیانا خوه ده‌رباس دكه، د دانپێدانێن خوه ده نهێنییا هنه‌ك ژ هه‌ڤدیتنێن خوه یێن ب ئۆجالان ره ل شامێ ئاشكه‌ره دكه و دبێژه: «ب راستی ژی ئۆجالان كه‌سه‌كی نه‌زانه و مه ژ خوه ئه‌وقاس مه‌زن كری یه، ئۆجالان ته‌نێ دكاره باندۆرێ ل مرۆڤێن نه‌زان بكه و هه‌و».
«ژن د ناڤا په‌كه‌كێ ده» ناڤێ پرتووكه‌كێ یه كو نه‌ژده‌ت بۆلدان ب زمانێ تركی نڤیساندیه و ژ هێلا هۆشه‌نگ ڤه هاتیه وه‌رگه‌راندن، ژ وه‌شانێن 2022ێ یه، سه‌رپێهاتییا 10 كادرۆیێن ژن تێ ده هاتیه دۆكیۆمه‌نت كرن، یێك ژێ یا نه‌والێ یه.
نه‌وال كه‌چه‌كا ژ وانێ یا باكورێ كوردستانێ یه، وه‌كه ب هه‌زاران كه‌چێن دن ئه‌و ژ بۆی عه‌شقا وه‌لاتێ شێرین ته‌ڤلی په‌كه‌كێ دبه، لێ رۆژا ئه‌ول راستی شووكه‌كه مه‌زن دبه وه‌ختا راستیا پارتیێ دزانه، پارتیا كو ل سه‌ر ناڤێ كوردان به‌رخوه‌دانێ ل دژی كوردستانێ ب خوه دكه.
نه‌والێ د به‌شه‌كه دانپێدانێن خوه ده به‌حسا رێڤه‌به‌رییا ژنێ د رێخستنێ ده دكه، وه‌ختا ل سالا 1995ێ چووی شامێ ژ بۆ كو ل سه‌ر ده‌ستێ ئۆجالان وه‌ره په‌روه‌رده كرن.
ئۆجالان نه‌زانه، مه ژ خوه ئه‌وقاس مه‌زن كری یه
نه‌وال دبێژه: ل ئادارا سالا 1995ێ و پاش ب داوی بوونا یێكه‌م كۆنفه‌رانسا ژنێ، ژ شامێ بریار هات كو دڤێ گرووپه‌ك ژ ئه‌ندامێن رێڤه‌به‌رییا ژنێ بچه وێ ده‌رێ ژ بۆ كو ئۆجالان وان په‌روه‌رده بكه، ئه‌م چوون شامێ و ئۆجالان ئه‌ڤ تشت ژ مه ره گۆت: «وه‌ختا ئه‌ز زارۆك من ژ كۆتران حه‌ز دكر، برایێ من نه‌دازنی ل كه‌رێ سوار ببه، ئه‌م دچوون ناڤا بیستانان مه تشت ددزین، زارۆكتیا مه ووسا ده‌رباس بوو».
نه‌وال دبێژه: ئاخر زارۆكتییا مه هه‌موویان ووسا بوو، ئێجا نزانم چ جوداهییا ئۆجالان د ڤێ مه‌سه‌لێ ده هه‌یه؟.
ئۆجالان ته‌نێ دكاره باندۆرێ ل مرۆڤێن نه‌زان بكه
نه‌وال دبێژه: تشتا عه‌جێب ئه‌ندامێن رێڤه‌به‌رییا ژنێ خواندنێن دوور و درێژ بۆ مه‌سه‌لا «گرتنا كۆتران» دكرن و دگۆتن سه‌رۆكی مه‌ره‌مه‌ك پێ هه‌یه!، ل وێ ده‌مێ من زانی ئۆجالان كه‌سه‌كی نه‌زانه و ئه‌م ژ خوه ئه‌وقاس وی مه‌زن دكن.
نه‌وال ئاخافتنا خوه ووسا ده‌وام كر: كادرۆیێن په‌كه‌كێ دگۆتن یێ كو ژ شامێ ڤه‌دگه‌ره هێزێ ژ سه‌رۆك وه‌ردگره وه‌كو دوپینگێ مرۆڤی شه‌حن دكه، لێبه‌لێ ئه‌ز 4 مه‌هان ل شامێ مام چ باندۆر ل من نه‌كر، من زانی تشته‌كی نوو ل جه‌م ئۆجالان تونه بوو و ته‌نێ وی دكاری باندۆرێ ل مرۆڤێن نه‌زان بكه.
د به‌شێن بهێن ده ئه‌مێ هنه‌ك ژ نهێنیێن دن یێن ئۆجالان ببێژن، هه‌ر وها وه‌ختا شه‌مدین ساكیك یێ ئه‌ندامێ سه‌ركردایه‌تییا په‌كه‌كێ خوه‌ستی ببه زلامێ دویه‌مین د پارتیێ ده.
