د ناڤا پارتیا كاركه‌ران ده، ژنێن كورد زرارا هه‌ری مه‌زن دیتنه، رێخستن وان ل بن ناڤێ به‌رخوه‌دانێ و كوردستانا شێرین دخاپینه برێخستن دكه و پشتره وه‌كه ئامووره‌كی ب كار تینه، ئه‌ڤ یێك ژی سیاسه‌ته‌كه سه‌ره‌كه یا پارتیێ یه.
«ژن د ناڤا په‌كه‌كێ ده» ناڤ و نیشانا پرتووكه‌كێ یه كو نه‌ژده‌ت بۆلدان ب زمانێ تركی نڤیساندیه و ژ هێلا هۆشه‌نگ ڤه هاتیه وه‌رگه‌راندن، «ژن د ناڤا په‌كه‌كێ ده» ژ وه‌شانێن 2022ێ یه.
وه‌كه د به‌شێن ئه‌ول ده ئاماژه هاتیه كرن، د ڤێ پرتووكێ ده سه‌رهاتییا راست یا 10 ژنێن كو ژ په‌كه‌كێ قوت بوونه هاتیه ئاشكه‌ره كرن، «داركا مازی» دێ ب زنجیره‌یه‌كه نڤیسان ب كورتاسی ژ بۆی خوه‌نده‌ڤانێن خوه یێن ب روومه‌ت ڤه‌گێره.
یێكه‌م كۆنفه‌رانسا ژنێ د ناڤا په‌كه‌كێ ده
نه‌وال كه‌چه‌كا ژ وانێ یا باكورێ كوردستانێ یه، وه‌كه ب هه‌زاران كه‌چێن دن ژ بۆی عه‌شقا وه‌لاتێ شێرین ته‌ڤلی په‌كه‌كێ دبه، لێ رۆژا ئه‌ول راستی شووكه‌كه مه‌زن تێ وه‌ختا راستیا ڤێ پارتیێ دزانه، پارتیا كو ل سه‌ر ناڤێ كوردستانێ به‌رخوه‌دانێ ل دژی كوردستانێ ب خوه دكه.
د به‌شا چاره‌مین ده نه‌والێ بوویه‌رێن 21 رۆژێن شه‌رێ كو په‌كه‌كێ د سالێن نۆتێ ده ب په‌ده‌كێ فرۆتی و كانێ چاوا په‌كه‌كێ خوه‌ست ل وێ ده‌مێ حكوومه‌تا باشوور كو نوو ئاڤاببوو ژ ناڤ ببه، د ڤێ به‌شێ نه‌وال وێ به‌حسا یێكه‌م كۆنفه‌رانسا ژنێ بكه و كانێ بۆچی ئۆجالان ئه‌ڤ كۆنفرانس ره‌د كر.
په‌كه‌كێ پر تشتێن خراب ل گه‌ل ژنێ كرن و پێگه‌هێ ژنێ بێ روومه‌ت كر
ئۆجالان: كۆنفه‌رانسێ یه‌كێ یا ژنێ د خزمه‌تا دژمنی ده بوو و ل دژی په‌كه‌كێ بوو
نه‌وال دبێژه: «ل ده‌ستپێكا سالا 1993ان بۆ یێكه‌م جار د دیرۆكا په‌كه‌كێ ده كۆنفه‌رانسا ژنان هات ل دارخستن، لێ پشتره كۆنفه‌رانس و هه‌موو كاروچالاكیێن ژنێ یێن ل كامپا زه‌لێ ژ هێلا ئۆجالان ڤه هاتن ره‌د كرن و ئۆجالان گۆت كو ئه‌و هه‌موو خه‌بات د خزمه‌تا دژمنی ده بوو و ل دژی په‌كه‌كێ بوویه».
هه‌ر وها ده‌ستنیشان كر، ئه‌و كۆنفه‌رانس ژ بۆی ژنێ تشته‌ك باش بوو لێ هات ره‌د كرن، مخابن د په‌كه‌كێ ده سه‌ره‌ده‌ریه‌كا باش ل گه‌ل بابه‌تێ ژنێ نه‌هات كرن، به‌ره‌ڤاژی په‌كه‌كێ پر تشتێن خراب ل گه‌ل ژنێ كرن و پێگه‌هێ ژنێ بێ روومه‌ت كر.
نه‌والێ دیاركر، ته‌نێ زه‌لامه‌ك د كۆنفه‌رانسێ ده به‌شدار بووبوو و ئه‌و ژی ئۆسمان ئۆجالان بوو.
نه‌والێ گۆت: «پشتره ب دو سالان ئانگۆ پاش قووناغا كامپا زه‌لێ و پاش ب داوی بوونا كۆنگره‌یا 5 مین یێ په‌كه‌كێ، مه خوه كۆنگره‌یا ژنێ سازبكن، ژ به‌ر كو هه‌موو ژنێن د ناڤا په‌كه‌كێ ده ل به‌ندێ بوون و هێڤی ل سه‌ر كۆنگره‌یا ژنێ هه‌بوون، ئه‌و بوو ل 8 ئادارا سالا 1995ان مه ده‌ست ب كۆنگره‌یا خوه یا ئێكێ كر و مسته‌فا قاراسوو وه‌كه نوونه‌رێ په‌كه‌كێ به‌شدار بوو، د هاته چاڤه‌رێكرن ئه‌ڤ كۆنگره ببه جهێ هێڤیێ لێ ووسا ده‌رنه‌كه‌ت و به‌حسا پر تشتان نه‌هات كرن و بێ ئێنجام و ب خه‌مگینی ب داوی بوو».
د به‌شا بهێت ده ئه‌مێ به‌حسا یێكه‌م دیدارا رێڤه‌به‌رییا ژنێ ژنێ د ناڤ په‌كه‌كێ ده بكن وه‌ختا چوون شامێ ژ بۆ وێ كو ل سه‌ر ده‌ستێ ئۆجالان وه‌رن په‌روه‌رده كرن.
