په‌كه‌كێ ل ده‌ستپێكا دامه‌زراندنا خوه‌ گوللـه‌یا ئێكێ ل كوردان ته‌قاند

پارتییا كاركه‌رێن كوردستانێ، ل 1978ێ هاته‌ دامه‌زراندن، ب ئارمانجا به‌رهنگاربوونا ده‌وله‌تا ترك و سه‌رده‌ست كرنا گه‌لێ كورد، گه‌لێ كورد هیڤیێن خوه‌ ل سه‌ر ئاڤا كرن، لێ به‌لێ په‌كه‌كێ، گوللـه‌یا ئێكێ یا تێكۆشینا خوه‌ ل كوردان دا، ده‌مێ كو «محه‌مه‌د جه‌لال بۆجاك» یێ سه‌رۆكێ هۆزا «بۆجاكێ» ل باكورێ كوردستانێ كوشتی.

پێگه‌ها «داركا مازی»، دێ د زنجیره‌یه‌كا‌ نڤیسینێن كورت دا‌، دێ رۆناهیێ ئێخیته‌ سه‌ر به‌شه‌كێ دیرۆكا قرێژ یا په‌كه‌كێ و كونجێن تاری یێن ڤێ رێخستنێ.

دامه‌زراندن و ره‌د كرنا ته‌ڤگه‌رێن وه‌لاتپارێز

په‌كه‌كێ دیرۆک وەکی سیناریۆیێ نڤیسییه‌ و ئالیگرێن خوە وه‌ها ب ڤێ دیرۆكێ پەروەردە كرن كو تنێ تشتێ ئه‌و دبێژن راسته‌، بۆ نموونه‌: «په‌كه‌كه‌ دبێژیت خه‌بات و كوردایه‌تیێ ژ دیرۆكا ئاڤابوونا وێ ده‌ست پێ دكه‌ت”‌.‌

په‌كه‌كه‌ د نڤیسینا دیرۆکێ دا هه‌رده‌م ئێریشی پارتێن دی یێن کوردستانێ دكه‌ت، ب تایبەت په‌ده‌كێ و چ گرنگیێ ب خه‌بات، دیرۆک و زه‌حمه‌تییا پێشمەرگەی و سەرکرده‌یێن وێ پارتیێ ناده‌ت، ل شوونا په‌كه‌كه‌ راستییان بنڤیسیت، وێ هه‌رده‌م هەول دایە خه‌له‌تیێن مه‌یدانا كوردستانی بكه‌ته‌ كراسه‌ك ل به‌ر په‌ده‌كێ، ئەڤ هەولێن په‌كه‌كێ ل سالێن دوماهیێ زێده‌ ده‌ركه‌تن مه‌یدانێ و ب ئاوایه‌كێ وه‌ها كار دكه‌ت کو په‌ده‌كێ وە‌ دژمنێ یه‌كه‌مین یێ گه‌ل و ترکان و ولاتێن دی یێن داگیرکه‌ر وەک دژمنێ دویه‌مین بده‌ته‌‌ ناساندن.

به‌هانه‌یا په‌كه‌كێ ژ بۆ ڤێ هه‌بوونا هنده‌ك باره‌گه‌هێن تركیێ ل باشوورێ كوردستانێ بوو، ئه‌و باره‌گه‌هێن كو ب رێككه‌فتنه‌كا ناڤنه‌ته‌وه‌یی ل نێڤبه‌را ئیراقێ و ئیرانێ دا ل چاخا رابووری لێ هاتنه‌ جێگیر كرن.

 په‌كه‌كه‌ د هنده‌ك قۆناغان دا دەرباسبوویە، د شیان دایه‌ دامه‌زراندن و ئاڤابوونا وێ وێ وه‌ها رێزبكه‌ین:

قۆناغا ئێكێ:  ل 1973ێ دەست پێ دكه‌ت هه‌تا 1978ێ و کۆنگرەیا دامه‌زراندنا په‌كه‌كێ به‌رده‌وام دبیت.

 د ڤێ قۆناغێ دا په‌كه‌كه‌ وەک گروپەکێ بچووک یێ مارکسی – لینینی ل ئه‌نقه‌ره‌ ب سەرۆکاتییا عەبدوللا ئۆجالان دامەزرا، یه‌كه‌م جار وەک گرۆپەکێ چەپ و مارکسی خه‌بات كر و په‌یوه‌ندیێن هەره‌ باش دگەل پارت و رێخستنێن چەپ یێن تركان هەبوو، پترییا ئەندامێن په‌كه‌كێ ل ڤێ قۆناغێ قوتابیێن زانكۆیێ بوون، پشتره‌ وان چالاکی یێن خوە دەرباسی باشوورێ روژهه‌لاتا ترکیێ، ئانکو ناڤچه‌یێن باكورێ كوردستانێ كرن.

 وان ل 27 چریا دووێ یا سالا 1978ێ،‌ یەکەمین کۆنگرەیا خوە ب بەشدارییا 23 ئەندامان گرێدا، د کۆنگرەی دا‌ کەسەک ب ناڤێ «فەرهاد کۆرتای» پێشنیاز دكه‌ت ناڤێ په‌كه‌كێ ل خوه‌ بكه‌ن، پشتره‌ ئەڤ یه‌ك هاته‌ تەسبیت کرن.

په‌روه‌رده‌كرنا گه‌ریلایان ل دۆلا بیقاع

قۆناغا دووێ: ژ سالا 1978 هه‌تا 4/8/1984ێ، په‌كه‌كێ د ڤێ قۆناغێ دا گەریلایێن خوە ل «دۆلا بیقاع» یا لبنانێ پەروەردە کرن، پشتره‌ ل سووریێ، ئیرانێ و باشورێ کوردستانێ جێگیر كرن.

قۆناغا سێ: ژ 15/8/1984 هه‌تا 15/8/1999ێ‌، ئه‌ڤ 15 ساله‌ خه‌باتا چەکداری یا په‌كه‌كێ ب خوە ڤه‌ دگرن.

قۆناغا چارێ یا ژیانا په‌كه‌كێ ژ راگهاندنا ستراتیژییا «کۆمارا دەمۆکراتیک» به‌رده‌وام دبیت، ئەڤ هەلوەستا نوو یا په‌كه‌كێ گوهه‌رینه‌كا گرنگە د ستراتیژی و تاکتیکێن ڤێ رێخستنێ دا.

ئه‌ڤ یه‌ك پێدڤی دکەت بهێته‌ زانین كو پرۆژەیا ڤێ ستراتیژیێ ژ کودەرێ هات و چاوا سەرهلدا، لێ بەلێ ژ بەرا کو ئه‌ڤ پرسه‌ بهێته‌ به‌رسڤ دان، فەرە ل سەر ڤێ پرسێ بسەکنین کو بۆچی ده‌مێ په‌كه‌كه‌ هاتییە دامه‌زراندن گوللـەیا ئێكێ ل كوردان دا، نه‌ك ل داگیركه‌ران.

ئه‌ڤ نڤیسینه‌ تنێ ده‌ستپێكه‌، پێگه‌ها مه‌ دێ رۆژانه‌ هنده‌ك ژ كوژیێن تاری یێن پشتی قۆناغا دامه‌زراندنا په‌كه‌كێ به‌حس كه‌ت.

ل به‌ندا  مه‌ بن

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg