شاسوار و خویشكا خۆ ره‌شه‌كێن له‌نگ یێن حه‌شدێ و په‌كه‌كێ
د به‌شا دوێ یا راپۆرتا خۆ دا مه به‌حس كر كو پیلانا شاسوار عه‌بدلواحد یا تێكدانا ره‌وشا هه‌رێما باشوورێ كوردستانێ و لاوازكرنا حكوومه‌تا وێ، پشتی بریارا په‌رله‌مانێ ئیراقێ یا ده‌رێخستنا هێزێن ئه‌مه‌ریكی و په‌سه‌ند كرنا پرۆژه‌یێ چاكسازیێ ژ لایێ په‌رله‌مانێ كوردستانێ ڤه ده‌ستپێكر، ئیرانێ ب رێیا «حزبوللا و عه‌سائب ئه‌هلولحه‌ق و ته‌ڤگه‌را نوجه‌با ل ئیراقێ و گرۆپا 16ی ئۆكتۆبه‌رێ ل سلێمانیێ» راسته راست سه‌رپه‌رشتییا ئه‌ڤێ پیلانێ دكه‌ت، شاسوار عه‌بدلواحد ژی ژ بۆ بجهئینانا ڤێ پیلانێ 3 داخوازی كربوون.
پاش ده‌ستپێكرنا پیلانێ و دروستبوونا قه‌یرانا غازێ و كانێ چاوا شاسوار ئه‌ڤ قه‌یران ب ده‌لیڤه وه‌رگرت كو بشێت جادێ پێ ب لڤینیت و لاوازییا حكوومه‌تا باشوور دیار بكه‌ت، وه‌ختێ ل یه‌ك ژ تاخێن هه‌ژارنشین یێن باژێرێ دهۆكێ 20 لترێن گازێ دابه‌ش كرین، ره‌وش وه‌ك وی پێشبینی بۆ كری ده‌رنه‌كه‌فت.
شاسوار په‌نایێ بۆ كونسلخانه‌یا ئیرانێ دبه‌ت
ژێده‌رێن پێگه‌ها «داركا مازی» ل باشوورێ كوردستانێ هنده‌ك زانیاری ژ كه‌سێن نێزیكی شاسوار و هنده‌ك به‌رپرسیارێن د ناڤ ئێكه‌تییا نشتیمانی دا وه‌رگرتینه و ئاشكرا بوویه كو ل رووژێن رابووری و پشتی شاسوار عه‌بدلواحد هه‌موو هه‌ول داین هه‌ستێن خه‌لكی بكه‌ته سۆته‌مه‌نییا جێبه‌جێكرنا پیلانا تێكدانا ره‌وشێ و لاواز كرنا حكوومه‌تێ، ره‌وش وه‌ك وی دڤیایی چێنه‌بوو، له‌وما وی په‌نا ژ بۆ كونسلخانه‌یا ئیرانێ ل سلێمانیێ بر و كونسل هایدار كر كو دڤێت رێیه‌كا دی ژ بۆ وی ببینن.
جه‌میل باییك چ رێ بۆ شاسواری دبینیت؟
ژێده‌رێن پێگه‌ها داركا مازی ل باشوورێ كوردستانێ زانیاریێن پشت راست كری ب ده‌ستئێخستینه كو كونسلێ ئیرانێ ل سلێمانیێ په‌یوه‌ندی ب جه‌میل باییك، هه‌ڤسه‌رۆكێ كونسه‌یا برێڤه‌به‌ر یا كۆما جڤاكێن كوردستانێ كه‌جه‌كێ، سه‌یوانا سیاسی یا په‌كه‌كێ كرییه و داخواز ژێ كرییه هاریكارییا شاسوار بكه‌ن ژ بۆ كو ئه‌ڤ پیلانه سه‌ربگریت.
جه‌میل باییك ل سه‌ر داخوازییا ئیرانێ رازیبوویه، لێ ل به‌رانبه‌ر دو داخوازییان، باییك ئه‌ڤ داخوازییه ژ كونسلێ ئیرانێ كرینه:
حه‌شدا شه‌عبی ل شه‌نگالێ هاریكارییا په‌كه‌كێ بكه‌ت.
حه‌شدا شه‌عبی پارێ په‌كه‌كێ ل شه‌نگالێ بده‌تێ.
كونسلێ ئیرانێ فه‌رمان ل جه‌میل باییك كر هاریكارییا شاسوار عه‌بدلواحد ب رێیا «ته‌ڤگه‌را ئازادی» بكه‌ت، ته‌ڤگه‌را ئازادی كو ل بن سیبه‌را په‌كه‌كێ یه، ل داوییا سالا 2018ێ حكوومه‌تا باشوورێ كوردستانێ بریارا قه‌ده‌غه‌كرنا چالاكیێن وێ دابوو، و باره‌گه‌هێن وێ ل هه‌ولێرێ و سلێمانیێ دائێخستن، لێ چالاكڤان و ئه‌ندامێن وێ هێشتا هه‌نه و د چه‌ندین ئالاڤێن قرێژ دا چالاكیێن وان هه‌نه.
په‌كه‌كه به‌لا سه‌رێ گه‌لێ شه‌نگالێ
د شه‌رێ دژی رێكخراوا تیرۆرستییا داعشێ دا، پارتییا كاركه‌رێن كوردستانێ چوو د شه‌نگالێ دا، لێ هنگێ چوو د باژێرێ دا پشتی شه‌ر ب دوماهی هاتی و شه‌نگال ب ده‌ستێ پێشمه‌رگه‌یێن باشوورێ كوردستانێ هاتییه رزگار كرن، ژ وی ده‌می په‌كه‌كه نه ته‌نێ بوویه كولا شه‌نگالێ، به‌لكو بوویه به‌لا سه‌رێ خه‌لكێ وێ كو هه‌تا نها ژ به‌ر هه‌بوونا په‌كه‌كێ و هه‌ڤكارێن وان یێن حه‌شدا شه‌عبی، پرانییا خه‌لكێ شه‌نگالێ ژ ئاواره‌یێ ڤه‌نه‌گه‌ریایینه.
ل شه‌نگالێ په‌كه‌كێ چه‌ندین كارێن قرێژ كرن، وه‌كه چێكرنا هێزێن چه‌كدار، شووشتنا مه‌ژیێ ب ده‌هان كه‌چ و كورێن ئێزدی و ب زوور ره‌ڤاندنا ب ده‌هان گه‌نجێن ئێزدی كو گه‌له‌ك ژ وان د شه‌رێن باكور دا ب ده‌ستێ ده‌وله‌تا ترك دانه كوشتن، هه‌ر وه‌ها نها ژی شه‌نگال كرییه مه‌یدانا جه‌نگێ و هه‌ر ناڤبه‌را چه‌ند رۆژان باله‌فرێن تركیێ بۆمبه‌باران دكه‌ن.
جه‌مییل باییك ل به‌رانبه‌ر هاریكارییا شاسوار ته‌علیمات ژ بۆ ته‌ڤگه‌را ئازادی هنارتینه كو هه‌ر چ یا د شیانێن وان دا بیت ژ بۆ هاریكارییا شاسواری بكه‌ن، له‌وما ل تۆرێن جڤاكی ب ده‌هان چالاكڤان و كادرێن ته‌ڤگه‌را ئازادی و یێن نه‌وه‌ی نوێ د كاری دا نه و كار و ئه‌ركێ وان بوویه كرێت كرنا حكوومه‌تێ، ب نیازا وێ چه‌ندێ گه‌رم و گۆرییه‌كێ دروست بكه‌ن و هه‌ستێن خه‌لكی بلڤینن داكو خوه‌پێشاندانان بكه‌ن.
پیلانێن شاسوار سه‌رناگرن كی رێگره؟
هه‌ر ل ده‌ستپێكا پیلانێ، شاسوار هه‌ست ب لاوازیێ كر و پیلانا وی سه‌رنه‌گرت، ژ به‌ر كو حكوومه‌تا باشوورێ كوردستانێ یه‌كه‌م ده‌لیڤه ژ بۆ نه‌هێلا و هه‌ر راست پیلانا چێكری یا قه‌یرانا غازێ ب رێیا به‌شه‌كێ گرۆپا 16ی ئۆكتۆبه‌رێ چاره‌سه‌ر كر و رێنه‌دا شاسوار و ئه‌و كالفامێن ل دهۆكێ د گه‌ل دا خه‌لكێ هه‌ژار ب سه‌ردا ببه‌ن.
هه‌ر وها ل رۆژێن د دووڤ دا، ب فه‌رمانا مه‌سروور بارزانی سه‌رۆك وه‌زیرێ هه‌رێما باشوور بریارا دابه‌شكرنا گازێ هاته دان و پرۆسێسا به‌لاڤكرنێ هێژان یا به‌رده‌وامه.
[mpc_alert preset=”mpc_preset_24″ icon=”eti eti_link” icon_color=”#ffffff” icon_size=”30″ icon_background_color=”#ce4041″ icon_padding_divider=”true” icon_padding_css=”padding-top:25px;padding-right:25px;padding-bottom:25px;padding-left:25px;” font_preset=”mpc_preset_13″ font_color=”#ffffff” font_size=”20″ font_transform=”none” font_align=”center” content_padding_divider=”true” content_padding_css=”padding-top:25px;padding-right:25px;padding-bottom:25px;padding-left:25px;” background_type=”gradient” background_gradient=”#d14945||#910000||0;100||90||linear” border_divider=”true” border_css=”border-top:0px;border-right:0px;border-bottom:3px;border-left:0px;border-color:#bc3a5d;border-style:solid;border-radius:5px;” padding_divider=”true” margin_divider=”true”]
بۆ دیتنا به‌شێ دوێ ڤێره كلیك بكه
بۆ دیتنا به‌شێ ئێكێ ڤێره كلیك بكه
[/mpc_alert]
