یالچین کوچوک – بەشی سێیەمین
ئا راست یالچین کوچوک ل سالا ١٩٨٩ان دە چاڤ ب عەبدوڵا ئۆجالان رێبەرێ زیندانی کرییێ پارتا کارکەرێن کوردستانێ PKK دکە ڤە، لێ بەلێ د ڤێ دەمێ دە تێکلیەکە کوور دناڤبەرا واندە نەبوو، لێ بەلێ کوچوک پاش دیتنا ئۆجالان د رۆژنامەیا PKK ئا ب ناڤێ “یەنی ئۆلکە” یانی “ولاتێ نوو” دەست ب پارڤە کرنا ھزر و نڤیسینێن خوە دکە تاکو بکارە باندۆرا خوە لسەر سەرکرداتی و ئالیگرێن PKK درست بکە، ھنەک ژ قادرۆیێن کەڤن یێن PKK دبێژن کو د ڤێ دەمێ دە تێکلیا دناڤبەرا ئۆجالان و کوچوک ب تەنێ ب رێیا تەلەفۆنێ بوویە ئەڤ ڤێ یەکێ ددە دیار کرن کو ئەڤ تێکلیە د وێ ئاستێ دە نەبوو کو یالچین کوچوک بکارە وەکە ئەو پێ ھاتیە ئەرکدار کرن کارێ خوە ئەنجام بدە و ئارمانجا خوە بجی بینە ژبەر ڤێ یەکێ یالچین کوچوک پێویستی ب تێکەلیەکە کوورتر بوو لەوما نەچار دبە بچە ئەورۆپایێ و ل ور بخەبتە.
یالچین کوچوک د قۆناخێن ھەری دژوار و پر زەھمەت دا کو گرتنا نڤیسکار و رەخنەگرێن دەولەتێ تێدا گھابوو ئاستەکە ھەری بلند، ترکیێ بجی نەھێلا، ل سالا ١٩٩٣ان دە ژنەک کو خوەدی “کەرخانەیەکێ” بوو ل ترکیێ بۆ یەکەم کەس لسەر ئاستا ترکیێ کو باجێ بدە دەولەتێ و یالچین کوچوک ئەڤ یەک پرۆتەستۆ کر ب ڤێ بەھانەیێ ترکیێ بجی دھێلە و دچە فرانسایێ،یا راست ئەڤ یەک ب تەنێ بەھانەیەک بوو ژ بۆ کو خوە پێتر نێزی PKK و ئۆجالان بکە ھەر وھا تاکو بکارە کۆنترۆلێ لسەر راگھاندنا PKK بکە، ب چوونا ئەورۆپایێ کوچوک کاری تێکلیا خوە دگەل سازی و رێکخەراوێن کوردی خورت بکە پاشان داخواز کر کو ب ئۆجالان رە بجڤە، ئەڤ بۆ کو ل سالا ١٩٩٤ان دچە شامێ و ل ور دگەل ئۆجالان تێکلییێن ھەری خورت درست دکە، ل ڤر قۆناخەکە دن ژ تێکلی یێن دناڤبەرا مامۆستە و خوەندکار دە درست دبە، تێکەلیەکە وھا خورت کو دناڤبەرا ت خوەندکار و مامۆستەیەکە دن د جیھانێ دە نەبوویە و نابە.
یالچین کوچوک ل شامێ دچە فێرگەھا ناڤەندییا PKK و ل ور ھەڤدیتنان دگەل ئۆجالان پێک دینە و رەپۆرتاژێن مەدیایی دگەلدا ساز دکە ، پاشان کوچوک ب کارێ پەروەردە کرنا قادرۆیێن PKK رادبە، ئۆجالان د ڤێ دەمێ دە کوچوک ب مامۆستەیێ خوە بانگ دکە ، کوچوک ژی ئۆجالان ب سەرۆکێ برێز و برایێ من و سەرۆکێ بانگ دکر .
کوچوک ل سالا ١٩٩٥ان دە د ئامادە کرنا راپۆرا کۆنگرەیا PKK دە رۆلا خوە دلەیزە، د ڤی قۆناخێ دا یالچین کوچوک دگەل “بیلگە سۆ” کو ھونەرمەندەکە شانۆکارا ترک بوو، و دھاتە گۆتن کو یارا کوچوکە، و دگەل خوە دە بر بوو شامێ، ھەر وھا دگەل “عەلی ھەیدەر جیلەسۆر” کو کەسەکە سڤیلە، شانۆیەکێ درست دکن، د ڤێ شانۆیێ دا بیلگە سۆ ب رۆلا “تانسۆ چیلەر” سەرۆک وەزیرا ترکیێا وێ دەمێ رادبە، د ڤێ شانۆیێ دە ھات نیشان دان کو ب تو ئاوای ئۆجالان سەرکەفتنێ لسەر چیلەرێ دینە.
ل ترکیێ ھنەک گرۆپێن خوەدی ھزرێن جوودا ھەبوون، گرۆپا کوچوک ل دژی تانسۆ چیلەرێ بوون، و ھەرتم ژبەر بابەت و پسگرێکێن ناڤخوەیێن ترکیێ ل دژی ھەڤ شەر دکر .
تێکلیا یالچین کوچوک و ئۆجالان وەکە تێکلیا دو ھەڤالان بوو، نزیکاتییا ئۆجالان ب کوچوک پێتر تر بوو ژ نزیکاتییا ئۆجالان ب قادرۆیێن وی ڤە. کوچوک پاش کو ژ شامێ دەردکەڤە دچە بەلجیکایێ و د تڤیا PKKیا ب ناڤی “مەد تڤ” ھەفتەیێ جارەک پرۆگرامەکێ پێشکێش دکە و ھن جاران ئۆجالان ژی بەشداری ڤێ پرۆگرامێ دکر . د بەرنامەیا خوە دا لسەر ئەکرانێ تڤیا PKK دا کوچوک دبێژە “ئاتاتورک” فرۆکەڤانەک چەلەنگ بوو لێ بەلێ د دیرۆکا کوردان دا ئۆجالان فرۆکەڤانەک پر باشترە، ئەو کارییە بزاڤا کوردان ل قۆناخەکە پر زەھمەت دەرباسی ڤێ قۆناخێ بکە و بەردەوام پەسنا ئۆجالان دکە ب ئاوایەک وەھا کو ھن جاران کەساتیا ئۆجالان ژ مرۆڤەکێ بلند تر کریە.
ئۆجالان ب خوە مرۆڤەک ژیرە و بۆیەران فێھم دکە لێ بەلێ یالچین کوچوک ئەو بلند تر کریە، کوچوک پرتۆکەک لسەر زارۆکاتیا ئۆجالان نڤیساندیە ب ناڤێ “چیرۆکا ڤەژین” کوچوک د وێ پرتووکا خوە دە رەپۆرتاژێن دگەل ئۆجالان بەلاڤ کرینە، ل سالا ١٩٩٣ان دە ئەڤ پرتووک ل ترکیێ تێ پارڤە کرن، پێتڤی بوو ترکیێ رێ ب پارڤەکرنا ڤێ پرتووکێ نەدابا، لێ بەلێ ئەڤ پرتووک ل ھەموو پرتووکخانەیێن ترکیێ ب گشتی و پرتووکخانەیێن کوردستانا باکور دە ب تایبەتی دھات دیتن، کوچوک د وێ پرتووکێ دە ئۆجالان وەکە سەنتەرێ دیرۆکا کوردان ناساندیە، کوچوک د ڤی پرتووکێ دە وھا دبێژە: ئۆجالان د سەرێ کوردان دە گۆلا ڤەدکە “ئۆجالان د مێشکێ کوردان دە باخچێ گۆلایە”، ئۆجالان ل زارۆکاتیا خوە دە قارەمانەکە کوردایە، تایبەتمەندیێن ئۆجالان بێھەمپا نە، ئۆجالان دیرۆکا کوردان پێش تێخە و کورد ب ئۆجالان وێ پێش بکەڤن.
ھەیا وێ دەمێ ژی دەما PKK باس ل دیرۆکا خوە دکر ، باس ل سەرھلدانێن پێش خوە دکر و دگۆت ئەم وارسێن ڤان سەرھلدانانە، پاش سالێن نۆتان دە ئەڤ یەک ب تەمامی گوھەری و گۆت مە ژ سفرێ دەست پێ کریە،ا راست یالچین کوچوک ئەڤ نەرینە ل جەم PKK درست کریە، ژبەرکو ئەو سەرھلدانێن ل کوردستانی ھاتی ئەنجام دایین لسەر ئەساسا کوردستانی بوونێ بوون و شێخان سەرۆکتیا وێ سەرھلدانێ دکر ، کوچوک وەھا پکک تێگھاند کو ئەو بزاڤ و شۆرەشێن کوردان ھەر ھەموویان ت واتەیەکە خوە نینە، و پکک بزاڤەکە کو دیرۆکا کوردان ژ سفرێ دەست پێ کریە و پککیە دیرۆکا کوردان درست دکە .ا راست ئەڤ یەک ل جەم PKK ب خوە بوویە راستییەکە ھاشا ھلنەگرە و ئەو ب خوە ژی دبێژن ئەم پێتر نێزی چەپێن ترکیێ نە کو د وێ دەمێ دە “دەنیز گەزمیش و ماھر چاپان” سەرۆکتیا وان دکر ، ب ڤی ئاوایی ترکیێ ب رێیا کوچوک پکک ژ دیرۆکا کوردان ڤەقەتاند.
یالچین کوچوک ل ئەورۆپایێ کەساتیێن کوردان کرن ئارمانج و ناڤبەرا وان و پکک تێک و پێک دا، میناک ژی لسەر وان کەساتیان زێدەنە مینا “یاشار کایا، سەرھات بۆجاک….” کو ل دژی وان نڤیساندن پارڤە کرن و رێگری ل وان کر بەشداری بەرنامەیێن مەد تڤ ببە و وھا ئەڤ کەس دان ناساندن کو ئەو ب تەنێ ژ بووی پەرە دگەل PKK دەنە، و ئەو د ڤێ پیلانا خوە دە سەرکەت و شیا تێکلیا ئۆجالان ژی ب وان رەوشەنبیران رە نەھێلە.
