كانی یلماز: پەکەکە ئاستەنگا مەزنه‌ ل همبەری چارەکرنا دۆزا کوردان

كانی یلماز: پەکەکە ئاستەنگا مەزنه‌ ل همبەری چارەکرنا دۆزا کوردان – به‌شێ چارێ

كانی یلماز: پەکەکە ئاستەنگا مەزنه‌ ل همبەری چارەکرنا دۆزا کوردان – به‌شێ چارێ

Posted by ‎داركا مازى – كوردى‎ on Monday, January 27, 2020

کانی یلماز: به‌شێ چارێ

ئەز ژ ڤێ پارتیێ جودا بووم ژ به‌ر كو ڤێ پارتیێ خه‌بات ژ بۆ به‌رژه‌وه‌ندییا مللەتی نەدکر، بەلکو گەهشتبوو ئاستەکی كو ته‌نێ زەرەر و زیان دگه‌هانده‌ مللەتی، ئه‌ڤه‌ باوه‌ر و دیتنا من بوو، ژ بەر ڤێ یه‌كێ ئەز ژ پەکەکێ جودا بووم، ژ بۆ پارتییا نوو ژی ئه‌ز ل وێ باوه‌رێ مه‌ كو دێ شێم تێدا خزمەتا ڤی مللەتی کەم.

دەمێ ئەز ژ په‌كه‌كێ جودا بوویم ژی، ژبەر ڤێ یەکێ بوو کو ئێدی ڤێ پارتیێ ئانكو «پەکەکێ» خزمەتا گەلێ کورد نەدکر، لەوما ئەز جودا بووم و ئەڤرۆ ئەز دشێم رۆهن بکەم کو پەکەکە بوویە ئاستەنگەکا گەلەک مەزن ل همبەری چارەسەر کرنا دۆزا کوردان ل باکور، ئەز ڤێ دبینم و کێشەیا ژ هه‌موویان مەزنتر بزاڤێن پەکەکێ نه‌، جاره‌كا دی دبێژم كو ئه‌ڤه‌ باوه‌ر و دیتنا من بوو، له‌وما ژ په‌كه‌كێ ڤه‌قه‌تیام.

تێزێن ئیمرالیێ بۆ هەوە چ تشتی ئاشکرا دکەن؟

نها تێزێن ئیمرالیێ، ب تێزێن دوورکرنا دۆزا گه‌لێ كورد ژ چارەسەریێ دهێنه‌ هه‌ژمارتن، په‌كه‌كێ تێزا کۆمارا ده‌مۆکراتیک دانایه‌ پێشییا هه‌موو تێزێن دی، هه‌ر نها د ناڤ به‌رپرسیارێن په‌كه‌كێ دا،  من باوه‌ره‌ کەسێ تشتەک ژ ڤێ زێده‌تر تێنگه‌هشتییه‌، نەخێر ئەز باوەر ناکم، ئانكو گۆتنەک یان پەیڤەکا هوسایە تۆ دشێی هەر تشتی بکەی د ناڤ دا و دشێی چ جارا ژی نەکەیه‌ د ناڤ دا، واته‌ پەکەکە رێخستنەکا وەسایە کو ل کوردستانا باکور و د پارچەیێن دی یێن کوردستانێ دا ژی رێکخستنا خۆ دکەت و کار ژ بۆ پارتییا خۆ دکەت.

 کۆمارا ده‌مۆکراتیک ژ بۆ هەموو کوردان ب گشتی و ژ بۆ کوردێن باکور ب تایبه‌تی چ مفایه‌ك تێدا نینە، واته‌ ستاتۆیەکێ ژ بۆ کوردان ئاڤا ناکەت، ئەڤە ژ بۆ پارتییا مە ئانكو پارتییا «PWD» ناهێتە قەبوول کرن، ئەم وەک پێگوهۆر ژ بۆ کوردستانێ فیدراسیۆنێ قەبوول دکەین، هه‌تا كو ئەم بگەهین ڤێ فیدراسیۆنێ ژی و بزاڤەکا سۆسیال ده‌مۆکراتیک ئاڤا ببیت، مه‌ پێدڤی ب پشتگیرییا جڤاكا نیڤدەولەتی هه‌یه‌، داکو سەرکەفتنێ ب دەست خۆڤە بینین.

 پێدڤییه‌ مەرجێن سه‌ره‌كی یێن دروست كرنا یەکبوونا نەتەوەیی ب رەنگێ فیدراسیۆنێ ب بەرنامەیه‌كێ ئێکگرتی یێ نەتەویی ڤە روهن بکەین، ئەم د ڤێ هزرێ دا ینە، ئەڤ تشتە مە د بەرنامەیا پارتیێ دا د کۆمبوونا گرۆپا دامەزرینەر دا ژی بەحس کرییە، مە د کۆنگرەیێ خۆ یێ ئێکێ دا دیار كر كو ئەڤ بریارا هاتییە دان «بریارا شەری» ژ بۆ کوردان یارییەک و مەترسییەکا گەلەک مەزنە، ئەم دشێین بێژین ئەڤه‌ «خەفک و داڤەکە» ژ بەر کو د ترکیێ دا ئەو کۆمارا ده‌مۆکراتیک یا پێکهاتی ژ بۆ جیهانا مە یا ئەڤرۆ، دیمۆکراسی بوون و هاولاتیبوونا ئازاد نینە، هەر ژبەر ڤێ چەندێ مە ئەڤ شەرێ چەکداری دەستپێکر.

بۆ من ڤێ بریارێ د ناڤا پێڤاژۆیەکێ دا ڤاڤێرە، تێگه‌هێ ستاتۆیا هەیی یا ئاشکرا دوور بێخە، ئەز باوەر دکەم کو تێگه‌هه‌كا وه‌ها و بەردەوامە ژی ل سەر کارێ خۆ و شەر ژی د بەرژەوەندییا وێ دایە، یەعنی وەک پارتی ئەم ب توندی ل دژی ڤێ رادوەستین.

 تێزێن ئیمرالیێ د خالا رێككه‌فتنا ئێکەتییا نەتەوه‌یی دا كێشيێەکا گەلەک مەزن ئاشکرا دکەت، ئانكو چ لڤین و بزاڤێن سیاسی نه‌ماینه‌ کو په‌كه‌كێ رەخنە لێ گرتبن و راستی ئه‌ردی نەکربن، واته‌ په‌كه‌كێ چانس ل سەر ئێکەتییا نەتەوەیی دانایه‌!

په‌كه‌كه‌ ب ئاوایێن جودا شیانا دیمۆکراسی بوونێ هەیە، هه‌رده‌م به‌حسا دیمۆکراسی بوونێ دكه‌ت و گەلەک ئاخفتنێن جودا دكه‌ت، لێ د پێکئینانێ دا کێشەیا ئێکەتییا نەتەوەیی رەد دكه‌ت، دەم بۆ دەمی ب بانگەوازییان و د پێکهاتنێ دا داکو ئێکەتییەک پێش نەکەڤیت هەر تشتی دکەن، نموونه‌: «ژ ئیمرالیێ خواندنێن ل سەر باشوورێ کوردستانێ گۆتنێن رێکێ ژ ئیسرائیلا بچووک بگرن» هه‌ر وها  نه‌ژادپەرێسی یان کەڤنە پەرێس و دەولەت بوون خرابیەکا گەلەک مەزنە ژ بۆ گەلێ کورد هه‌یه‌ و ب خیانەت ب ناڤ دکەن و گەلەک خواندنێن سەیر و سەمەر هەنە، ئەو گۆتنێن دبێژنە باشوورێ کوردستانێ، ئیسرائیلا بچووک دخوازە چ ئاشکرا بکەت ئەم ژی نزانین، ب هەر حال کارتێکرنەکا سەمپاتیک یا تەکۆشینا فەلستینێ ل سەر گەلێ کورد دا کار کرن، ئانكو ئەز ب دەنگەک بلند دبێژم ل کوردستانا باشوور، ئیسرائیلەک بچووک ژی ئاڤا ببیت هەر دورستە، یان ژی وەکی ئیسرائیلەکا بچووک ژی پێک بهێت ژی هەر دورستە، یان ژی کورد ب ستاتۆیەک نووی بکەڤنە د 100 سالا 21ێ ژی دبیت، مە هەموویان ب سالانە کو دخواست پارچەیەکا کوردستانێ ئازاد ببیت، نها پارچەیەک ژ کوردستانێ ئازاد بوویە، لێ چ سیفەتەکا خراب و کرێتکرنەک و نەیارتییەک نەمایە کو مە ل دژی ڤێ پشکا ئازاد نەکری و مە ل چ جهان تشتەکێ ب ڤی رەنگێ نەدیتییە و کەسێ ئەڤ تشتە نەکرییە.

ل ڤی جهی «پارتی و ئێکەتی» نینە، ل ڤێرێ مللەتەک هەیە ئیرادەیا مللەتەکێ هەیە و داخوازیێن مللەتەکی هه‌نه‌ و ڤان پارتییان هەر کێماسیەک ژی هەبیت لێ ئەڤ داخوازێن دوماهیێ هەر ب دەستێ ڤان پارتییان دهێنە پێشئێخستن و ل گۆر دیتنا من کوردستانا باشوور ژ بەر کو ئەم دبێژینێ کوردستانا ئازاد، ژ بۆ هەر 4 پارچەیێن دی یێن کوردستانێ بوویە چاڤکانی و مۆرالەکا مەزن.

كوردستانا باشوور ئێکەم جار ژ بۆ کوردێن باکور بۆ ناڤەندەک کو کوردان بۆ لایێ خۆ بکێشیت و ل گەل ڤێ ژی ژ بۆ پارچه‌یێن دی ژی ستاتۆیەک ب دەست بكه‌ڤیت، جه‌سارەت دا پارچەیێن دی و ژ بۆ وان بوو و ژ بۆ کوردێن دەرڤەی ولاتی بوو ژێدەرا مۆرال و جەسارەتێ.

ئەم ل دژی ڤان تێزاینە و ئەم قەبوول ناکەین خاندنێن کەمالیزمێ یێن گەلەک سەیر و سەمەر ل سەر پارتیێ بهێن سەپاندن، هندەک ژ ڤان تێزان د ڤی دەمی دا مە گەلەک ب گۆمان دکەن، نموونە: تێزێن هاتینە پێشئێخستن دبێژن ئێکەمین کۆمار «کومارا ترکیێ» گەلەک دیمۆکراتیک بوو و ل دژی کوردان نەبوو لێ د یاسایا بنگەهین یا سالا 1924ێ دا هەیە پەرلەمانێ ئێکێ یێ کۆمارا ئێکێ «کۆمارا ترکیێ یا ئێکێ» بریارێن گرتی هەنە، سەرهلدانا شێخ سەعید هەیە کو د سەردەمێ کۆمارا ئێکێ دا ئەو سەرهلدان هاتیە تەپەسەر کرن و لۆزان ژی د ڤی دەمی دا هاتیە ئیمزا کرن، واته‌ کانێ دیمۆکراسییا کۆمارا ئێکێ «مەبەست ژ ڤێ ئاخفتنێ تیز و شرۆڤەیێن ئاپۆی نە کو ل سەر ترکیێ و مستەفا کەمال ئەتاتۆرکی ل ئیمرالیێ ژ بۆ پەکەکێ هنارتینه‌».

مومکن نینە مرۆڤ تێبگەهیت ئاپۆ، هزرێن جودا دپارێزیت، ئاپۆ هندەک جاران گەلەک پێشڤە دچوو و شاشیێن مەزن دکرن بۆ نموونە: نامەیەکا ئاپۆی یا هەڤدیتنێ هەبوو کو تێدا رەخنه‌یان ل لەتیفە خانمێ دگریت، ل سەر ڤێ چەندێ کو لەتیفە خانم گۆتییە: «مستەفا کەمال ئەتاتۆرک پەیوەندیێن سکسی دگەل ژنێن جەنەرال و رێڤەبەران دا هه‌بوون»، ئۆجالان گەلەک ب توندی رەخنەیان ل وێ دگریت ل سەر ڤێ ئاخفتنا وێ و دبێژیت: «لەتیفە خانم، د مستەفا کەمال ئەتاتۆرک نەگەهشتییە “لەتیفە خان هەڤژینا کەمال ئەتاتۆرک بوو”، مستەفا کەمال ئەتاتۆرک ب وی شێوازی پەیوەندیێن ئازاد ئافراندن “ئانکۆ ل ڤێرێ ئۆجالان رەواتیێ د دەتە پەیوەندییا نەشەرعی و نەئەخلاقی یا مستەفا کەمال ئەتاتورک دگەل ژنێن بەرپرسێن ترکیێ”  ئەڤ تێزە نەدبوو ب دەستێ رێڤەبەرێ رێخستنەکێ بهێنە پێشئێخستن.

واته‌ ئەم تێزێن کەمالیزمێ و خواندنێن کەمالیزمێ ب تەمامی رەد دکەین و تەڤلی وان نابین، ئاپۆ هەتا خواندنێن خوە یێن ل سەر لۆزانێ باش زڤراندن، ئانكو ئاپۆ دگۆت: «لۆزان نە ل دژی کورد و کوردستانێ بوو، نها هندەک خالێن تایبەت یێن وێ د دەتە پێش و دبێژیت: ڤان گۆتنێن ئۆجالان هەموویان دانە بەر هەڤ وێ تێگەهەک “کۆنسەبتەک” ژێ دەرکەڤیت كو د ڤێ کۆنسەبتێ دا تشتێ کو ئەم ژێ تێدگەهین دژاتییا ماف و ئازادییا کوردان دکەت کو بگەهنە ستاتۆیەکێ، و دەستەکەفتێن مللەتی یێن حالێ حازر گەلەک ب سیستەم رێک لێ دهێتە گرتن، ئەم ڤان تێزان راست نابینن.

ئەم دبێژین ئۆجالان پشتی گرتنا خوە دشیا ڤی کاری بکەت و بێژیت من باوەری  ب هەڤالێن خۆ و مللەتێ خۆ و رێكخستنا خۆ هەیە، ئەز نها ئێخسیرم د دەستێ دەولەتێ دا، من دبەنە جهەکێ کو دبن کۆنتورۆلا “گەنەل کۆرمای باشقانی” دا یە ئەز ژ ئەڤرۆ پێڤە رێڤەبەرییا پەکەکێ ناکەم و ئەز نەشێم پەکەکێ ل ڤێرێ ئیدارە بکەم، ئەڤ تشتە مومکین نینە.

چاڤەرێ بەشێ پێنجێ بن…