گەلۆ ئاپۆ «مقاولێ» کۆمارا ترکیێ یە؟ بەشا سێیێ

گەلۆ ئاپۆ «مقاولێ» کۆمارا ترکیێ یە؟ بەشێ سێیێ

گەلۆ ئاپۆ «مقاولێ» کۆمارا ترکیێ یە؟ بەشێ سێیێ

ل تلێگرام و تویتەری مه‌ ببینن
https://t.me/DarkaMaziArami

Posted by ‎داركا مازى – كوردى‎ on Thursday, March 5, 2020

بەشێ سێیێ

ژ بلی گرتن و دادگەهکرنا ئۆجالان هەم د پەکەکێ دا هەم ژی د باکورێ کوردستانێ دا، گەلەک گوهارتنێن مەزن هاتن ئەنجام دان، ب راکرنا بریارا سێدارەدانێ ژی ئەڤ گوهارتنە بلەزتر هاتنە كرن، ل دەستپێکێ ژی ڤه‌كێشانا گەریلایان ژ چیایێن باکورێ کوردستانێ.

ل باکورێ کوردستانێ ژ سالا 1999 هەتا 2017ێ ب بەردەوامی دانوستاندنا گوهارتن و نووکرنا سیستەمی و دوباره‌ ئاڤاکرنێ د هاتن کرن.

ژ بۆ کوردان شۆرشا «عەقلی» دەستپێکر

ل سالێن 1990ێ دەولەتا ترک گەلەک ب دژواری ل دژی کوردان راوەستیا، ب دەهان هزار بوویەر روودان و بکوژێن د دیار نه‌بوون، لی هەڤدەم ل وی دەمی د شیان خۆ ل سەر پێیان بگرن، پارتییه‌كا وەک DEHA بریارا گرتنا وێ دهێتە دان، ئەو مرۆڤێن دەمێن گەلەک دژوار بووراندین ب تومەتا پارادیکما «سەرمەشق و میناکێ زال و چارچووڤێ هزری و فەرهەنگی یە کو کۆمەک ژ میناکان و تیۆرییان ژ بۆ گرۆپەکێ یان جڤاکەکێ دروست دکەن» نوو نەفام کرییە و ب بەهانەیێن جودا ژ مه‌یدانا سیاسی هاتن دوورئێخستن، نه‌تنێ DEHA به‌لكو پرانییا سازیێن کولتووری، هونەری و ژنان ب وی دەردی چوون و ده‌ست ب دوباره‌ پێگه‌هاندنا رێخستنێن ب رەنگێن کوردی و بەرخۆدانێ كرن.

ئانکو گوهارتنێن گەلەک بنگەهین دهاتنه‌ كرن، کوردستانیبوون و ب ژیانا ب رەنگێ نەتەوەیی ب بەرتەنگ و پاشڤەمایی دهاتنە نرخاندن، عه‌قلیه‌ته‌ك دهاته‌ ئاڤاکرن و ل گۆر وێ عه‌قلیه‌تێ گەلەک پەیڤ هاتنە گوهارتن، تەرمینۆلۆژیا «فەرهەنگا دهێته‌ بکارئینان» بەرێ یا خه‌باتا پەکەکێ هات سەر راستکرن، ل جهێ «کوردستانێ کۆمارا ترکیا و ل جهێ نەتەوه‌یا کورد نەتەوه‌یا دیمۆکراتیک، هه‌روه‌ها ل جهێ خه‌باتا رزگارییا نەتەوەیی یەکێتی و براتییا گەلان هات جێبەجێ کرن».

عه‌بدوللا ئۆجالانی مافێ کوردان یێ ل گۆری دەستۆرێ نەتەوەیێن یەکبوویی ل سەر ناڤێ کوردان بکار ئینا، مافێ کوردان یێ دەولەت ئاڤاکرنێ و خۆ ب رێڤەبرنێ راده‌ستی کۆمارا ترکیێ کر، گەلۆ ژبه‌ر چ؟

ئۆجالان کەسەکێ مقاولە؟

تایبەتمەندییەکا پەکەکێ یا گەلەک مەزن ئەڤەیە کو دشێت سیستەمێ خۆ و تایبەتمەندیێن خۆ ڤەشێریت، دەمێ مرۆڤ ژ دوورڤە بەرێ خۆ ددەتێ هەموو تشت نۆرمال دهێنه‌ دیتن، لی دەمێ مرۆڤ ب چاڤێ زانینێ بەرێ خۆ بدەتێ قەت كار ل گۆری كو مرۆڤ بخوازیت ب رێڤەناچن و کێماسیێن جددی دیار دکەن.

نموونە، ژ بۆ خه‌باتا رزگارییا کوردستانێ، 40 هزار مرۆڤان ژیانا خۆ ژ دەست دا، لێ د هەمان دەم دا ل وێ پارچه‌یا کوردستانێ زمانێ کوردی گەلەک لاواز بوویە و بەر ب ژناڤچوونێ ڤە دچیت، جهەکێ وەک ئامەدێ کو وەک پایتەختا کوردستانێ دهێتە نیاسین و DEHA ل وێرێ 60٪ یا دەنگان ب دەست خوە ڤە دئینیت، گەلەک کێم ب زمانێ کوردی د ئاخڤن، دوورکەفتن ژ زمانێ کوردی و ته‌ڤلیهه‌ڤبوونا وان دگەل جڤاکا ترک، پرانییا جاران پاش سالێن 2000ێ د گەل سیاسەتا دیمۆکراتیک زێده‌تر بوو، ل سالێن 2000ێ کوردان حەلیان قەبوول کر و مرۆڤ دشێت بێژیت «حه‌لیانا كوردان» ژی ڤی دەمی هاتییە قەبوول کرن.

بەلێ ل باکورێ کوردستانێ، حەلیانا ناسنامه‌یا کوردی پەیوەندییەکا نێزیک د گەل پەیمانێن ئۆجالان و دەولەتێ هەیە، د ناڤبەرا ئۆجالان و ده‌وله‌تا ترك دا پەیمان هاتنە چێکرن، ئەڤ پەیمانە ل ڤان 20 سالێن دوماهیێ ل باکورێ کوردستانێ، پیسکۆسۆسیال «دەرۆنناسی یا جڤاکی» و د رەوشا سیاسەتێ دا ژی مرۆڤ دشێت فام بکەت، د هەمان دەم دا د نۆتێن هەڤدیتن و د پرتۆکێن ئاپۆی دا، مرۆڤ دشێت ب زەلالی ڤی ئەنجامی ببینیت، مرۆڤ دشێت د بەلگە کرنا پەیمانێن ئۆجالان د گەل دەولەتێ و د دیمەنێن لێپرسینێ دا ژی ببینیت.

پرۆسه‌یا لێپرسینا ئۆجالان پرۆسه‌یا دروستکرنا پەیمانا دەولەتا ترکیێ دگەل ئۆجالانی یه‌

ل سالا 1999ێ وه‌ختا ئۆجالان دئینن ترکیێ، وەسا دهات نیشاندان کو لێپرسین دگەل ئۆجالانی دهاته‌ ئەنجام دان، جهێ لیپرسینێ گرئاڤا ئیمرالیێ بوو، چ عه‌جێبه‌ کو پشتی هاتییه‌ دادگەهـ کرن و مافێ سێدارەدانێ ژی ل سەر هاتیە سەپاندن لێ دیسان ژی لێپرسین بەردەوام بوو، د راستی دا ڤێ لیپرسینێ پرۆسه‌یا دانوستاندنان زیدەتر لێکر و ئارمانجا ڤێ لێپرسینێ چێكرنا هه‌ڤپشكی و شریكاتیێ بوو.

زیندانا ئیمرالیێ ب زێره‌ڤانییه‌كا ئاست بلند دهێتە برێڤەبرن، هەموو کونجیکێن وێ د بن چاڤدێریێ دا نە، ژوورا ئۆجالانی یا لێپرسین تێدا دهێته‌ کرن دو کامیرە ل ئەردی و دو ل بانێ وێ هەنە، 24 دەمژمێران ئەڤ لێپرسینه‌ و دانوستاندنه‌ دهێنە كرن و تۆمار کرن، لێپرسینا ئۆجالانی بارا پتر ژ لایێ ئەندامێن میتێ و سوپای دهات برێڤه‌برن، داكو پاش ژ لایێ دۆزگەران ڤە بهێته‌ برێڤه‌برن، ئەو کەسێ کو لێپرسین ب رێڤەدبر جەنەرال حەسەن ئاتیلا ئۆغر بوو، گەلێ کورد هەتا سالا 2011ێ ژی نەدزانی کەسێ کو لێپرسینێ ب رێڤەدبەت حەسەن ئاتیلایە، دەولەتێ ناڤ و نیشانێن وان کەسێن لیپرسین دگەل ئۆجالان ئەنجام د دا ڤەشارتی دهێلان، پشتی کو ل ترکیێ دا سیستەما کۆمارێ هاتییە گوهۆرین، ناڤێ حەسەن ئاتیلا ئۆغر هاتە زانین.

ئاتیلا ئۆغر، فەرمانبەرەکێ گرنگێ دەولەتا ترکیێ یه‌، ئەو فه‌رمانبه‌رێ بژارده‌ یێ ده‌وله‌تێ یه‌، وی ژ سالا 1971-2007ێ د وارێ لەشکری دا خزمەتا دەولەتێ کرییە، پشتی سالا 1981ێ ل کوردستانێ وەک فەرماندارێ هه‌والگیرییا جەندرمه‌یان بوو، ئانکو ئەو کەسەکێ هه‌والگیری بوو، د بەرزە کرنا گەلەک گەریلایان دا رۆلەکێ مەزن گێرایە، گەلەک ئۆپەراسیۆن ب رێڤەبرینە، ئەو کەسەکێ خۆبەخشێ دەولەتا کەمالیزما ترک و فکرا کەمالیزمی بوویە، پشتی ئاکەپێ حکوومەت ب دەست خۆ ڤە ئینایی و دەولەت ژ خەتا کەمالیزمێ هاتییه‌ دوورخستن، ئاتیلا ئۆغر دەست ژ ئەرکێ خۆ یێ سه‌ربازی کێشا و ئەڤ کەسە ل 5/8/2013ێ ل سەر دۆزا «ئەرگەنەکۆنێ» هاتە گرتن.

یالچین کوچوکی کو ل سالا 1990-1998ێ وەک دوست و شیره‌تكارێ ئاپۆی کار دکر، د گەل ئاتیلا ئۆغر د ئێک دەم دا دهێنە گرتن، ڤان دو کەسان باش ئێک دو ناس دکر، هەردو هەڤال بوون و ئەندامێن ئێک سیستەمی ئانکو ئەرگەنەکۆنی بوون.

جودا ژ ڤێ حەسەن ئاتیلا ئؤغر، هەڤالێ دوستەکێ دی یێ ئۆجالان ب ناڤێ «دۆغۆ پەرینچەک» بوو، و ل سالا 2015ێ تەڤلی پارتیا «دۆغۆ پەرینچەک» دبیت.

گەلۆ ئاپۆ د گەل کیژ بالێ دەولەتێ پەیمان دروست کر

پشتی ئاکەپە هاتییه‌ سەر حوکمی، هێدی هێدی مەعدەنێ کۆمارا ترکیێ هات گوهارتن، پارادیکمایا دەولەتێ هات گوهارتن، کەمالیزم ئێدی نە به‌هایه‌كێ سەرەکی بوو، هەم د ناڤا سوپای دا هەم ژی د ناڤا میتێ دا هزرێن کەمالیزمێ دهاتە ژناڤبرن.

ژ دەستپێکی ئەو بالێ ئۆجالان د گەل دا د پەیوەندی و رێككه‌فتنێ دا بوون، بالێ ئەرگەنەکۆنێ بوو، ئانکو بالێ «کەمالیست» بوو، ئەو دەولەتا نوو یا ب رەنگ ئاکەپە ئێدی دکەفتە د ناڤبەرا پەیوەندیێن ئۆجالانی و بالێ کەمالیست دا، ئۆجالان ژی ئێدی د هەر پرۆسه‌یه‌كا هه‌لبژارتنێن ترکیێ دا ئاگربەست رادگەهاندن، ڤێ چەندێ ژی مفا ژ بۆ ئاکەپێ و هه‌ڤالێ وێ یێ وی دەمێ «فەتحوللا گویلەن» چێدکر کو د ناڤا سوپای دا بهێز ببن، ئەڤ هەلوه‌ستا ئۆجالانی کەمالیست دل گران کرن، ئێدی هێدی هێدی پەیوەندیێن خۆ د گەل ئۆجالانی کێم کرن، ئەڤ پەیوەندییە ئاشکرا کرن و ژ بۆ رایا گشتی ب بەلگەڤە دیار کرن.

ل دەستپێکێ حەسەن ئاتیلا ئۆغر پەرتۆکەک ب ناڤێ «من چاوا لێپرسین دگەل ئاپۆی کر» نڤیسی، حەسەن ئاتیلا دبێژیت: «کو عه‌بدوللا ئۆجالانی ل سالا 1999ێ هەڤالێن خۆ چاوا فرۆتن و تا چ رادە حەز ژ مستەفا کەمال ئەتاتورکی دکەت و ژ بۆ کو نەهێتە سێدارەدان چ گۆتن و چ کار کرینە من نڤیسینیه‌».

ئەو پرۆسه‌یا ب ناڤێ ئاشتیێ ل 6/2/2014ێ دا د ناڤبەرا پەکەکێ و ئاکەپێ دا هاتییه‌ ده‌ستپێكرن و د هەمان دەم دا، پەیوەندیێن د ناڤبەرا هاکان فیدانێ سەرۆکێ میتێ دگەل عه‌بدوللا ئۆجالانی، بالێ کەمالیست یێ دەولەتێ گەلەک دلگران کربوو، وان ژی ل بەرانبەری ڤێ چەندێ دیمەنێن لێپرسینێن ئاپۆی بەلاڤ کرن، ئەڤ دیمەنە د کانالێ «Ulusal TV» دا کو یێ دۆستێ کەڤنێ عه‌بدوللا ئۆجالانی «دۆغۆ پەرینچەک»ی بوو هاتنە بەلاڤ کرن.

وەکو دهێتە زانین دۆغۆ پەرینچەک کەسەکە ب سالان ل ژێر ناڤێ چەپاتیێ خزمەتەکا مەزن ژ بۆ ده‌وله‌تێ کرییە، ب بەلگە کەسەکێ کەڤن یێ ئەندامێ میتێ یە، نەژادپەرەستەکێ ترکە، لێ بەلی د گەل دەستهەلاتدارییا ئاکەپێ دا و ل دژی وێ پرۆسه‌یا دەولەتێ گرتییە بەر خۆ دلگران بوو، وی ژی کارتا ئۆجالانی بکارئینا، ئارمانجا وی دژاتیکرنا بالێ دەولەتێ یێ ئیسلامی بوو، د ڤی بابەتی دا ئۆجالانی ب رێکا پارێزەرێن خۆ ل دژی دۆغۆ پەرینچەکی سکالایێ ل دۆزگەرییا سته‌نبۆلێ تۆمار دکەت و د ڤی سکالایێ دا دبێژیت: «ئەز کەسەکم وەکو هۆستایێ ئاشتیێ مە، ئەو دخوازن ژ سەنگا من کێم بکەن، وەکو مە یارییا ئەرمەنان خرابکری ئەم دێ ڤێ یاریێ ژی خراب کەین، د ڤان دیمەنان دا مۆنتاژ هاتییە کرن، ل سەر ڤان خالان سکالایێ ل دژی دۆغۆ پەرینچەکی تۆمار دکەم».

دیمەن پارچە پارچە هاتنە بەلاڤکرن، رێڤەبەرێن پەکەکێ ژی نەدخواستن ئەڤ دیمەنە بهێنە بەلاڤ کرن، لێ بەلێ پشتی پرسیار ل سەر ڤان دیمەنان زیدەبووین نەچاربوون هندەک بەرسڤان بدەن، مستەفا قارەسۆ دگۆت: «ئەڤ دیمەنە مۆنتاژ کرینە و دخوازن سەرۆکێ مە ل پێش چاڤێن مە بشکێنن، ژ بەر ڤێ چه‌ندێ ژی پێویستە ئەم پتر ل سەرۆکی خۆ ب خۆدان دەرکەڤین، هزرا وی و پارادیکما یا وی ل هەموو قادان بەلاڤ بکین».

پەکەکێ بێ ناڤبر دگۆت ئەڤ دیمەنە مۆنتاژن و دخوازن پرۆسه‌یا ئاشتیێ ژ ناڤ ببەن، لێ بەلێ دۆغۆ پەرینچەک و هەڤالێن وی ئەڤ دیمەنێن ئۆجالان دگەل دەولەتێ پێشکێشی دادگەهێ کرن و دیار بوو کو ئەڤ دیمەنە مۆنتاژ نینە و دۆغۆ پەرینجەک بانگەوازی ل پارێزەرین ئۆجالان و هندەک سیاسەتمەدارێن کورد کر کو ئەو ب خۆ بهێن بەرێ خۆ بدەنە وان دیمەنان و ئۆجالان ناس بکەن، ئەڤ دیمەنێن کو پەیوەندیێن ئۆجالان و دەولەتێ ئاشکرا دکەن ژ بۆ کو مرۆڤ دیرۆکا پەکەکێ و خه‌باتا باکورێ کوردستانێ فام بکەت، گەلەک زانیاری تێدا هەنە، ئەو فێلبازییا د ناڤبەرا ئۆجالانی و دەولەتێ دا هەیی ئێدی ئاشکرا ببوو و نەدشیان ڤێ یەکێ ب پەچنن، گەر مرۆڤ  ڤان دیمەنێن ئۆجالانی و نۆتێن هەڤدیتنێن وی بێخیتە د گەل ئێک مرۆڤ دێ بینت کو ئۆجالانی گەلەک سۆز داینە دەولەتێ و ژ لایێ دەولەتێ ژی ڤە هاتیە ئەرکدار کرن.

ئەرکێن ئۆجالان یێن «مقاول» یێ

د ڤیدیۆیێن لێپرسینێ دا ئۆجالان وەها دبێژیت: «ئەز چ تشتەکێ زێدە ناخوازم ئەز ب سنۆر ئامارێن شۆلی ژ وە دخوازم، ئەم دێ ب دانوستاندن پیلانان دروست کەین وی دەمی ژی هێزەکا بێ سنۆر هەیە نها دەولەت راستەوخۆ نەشێت ڤانە بکەت، ترکیا ب هێزا خۆ زەحمەته‌ بشێت بکەت، ئەمریکا ژی هێزا مقاولان بکار دئینیت وەکی دی چارە نینە».

 حەسەن ئاتیلا ئۆغر ژی وەها بەرسڤا وی ددەت: «تۆ مقاولی و ل سەر ڤان بابەتان بسپۆری، مقاول بکارئینان، مقاولی کرن ئەو بابەتن یێن تۆ تێدا بسپۆر، پێدڤییه‌ تۆ هاریکارێ مەبی». نوونه‌رێ دەولەتێ و ئۆجالان د بابەتێ مقاولیێ دا ل هەڤ کر.

گەلۆ ئەرکێ ئۆجالان چ بوو؟

ئارمانج ژ پەیمانا د ناڤبەرا ئۆجالانی و دەولەتێ دا کار کرنە ژ بۆ بهێزكرنا کۆمارا دیمۆکراتیک، ئۆجالان دبێژیت: »ئەز دێ ب دل و جان ڤێ چەندێ کەم و ئەز ناهێلم چ لایەنەکێ دی کوردان ژ بۆ خۆ بکار بینیت»، د رامانەکا دی دا ژی گۆتنا ئۆجالان پێدڤییه‌ وەها بهێتە خواندن «ئەز دێ پەیوەندیێن کوردان دگەل هەموو هێزێن دی ژناڤ بەم و دێ وان مەحکوومی دەولەتا ترکیێ کەم»، تشتێ ئاپۆی ب دەنگێ خۆ گۆتی ئەڤەیه:‌ «نها ئەڤە نە گەلەکێ دیرۆکی نە، نها ژی بوویەرێن وەها دهێنه‌ ئەنجام دان، ئەز دخوازم سەرنجا هه‌وە بکێشم سەر، هه‌گەر بابەتێ کوردان ئەم ساخلەم ب ترکیێ ڤە گرێنەدەین، رێیا ئاسیا ناڤین دێ هێتە گرتن، ڤێ قەت ژ بیر نەکەن».

ئاپۆ گرنگییەکا گەلەک مەزن د دا مەزنکرنا ترکیێ و وەها دبێژیت: «هەموو دەولەتێن دنیایێ ب ڤێ رێکێ فشار ل سەر ترکیێ کرن، نها كار بەره‌ڤاژی دزڤریت، ل گەل هەرێمێ ترکیا هەموو دنیایێ دێ گریتە بن کارتێکرنا خۆ، رووسیایێ دێ گریتە بن کارتێکرنا خۆ، بەریتانیا خلاس، ئەمریکا دکەڤیتە پلانا دووێ، ژبەر ڤێ ئەز دبێژم ئەز دێ مفایەکێ زیدە گەهینم ترکیێ».

ئەڤ هەستیارییا ئاپۆی یا پاراستن و پێشئێخستنا ترکیێ د هەر ره‌وشه‌كێ دا بەردەوام کر، ل هەموو پارازنامێن خۆ دا ل شوونا کو كۆمكوژیێن دەولەتا ترک یێن ل گەلیێ زیلان، دێرسمێ و گەلەک جهێن دی وه‌كو گونه‌هبار باس بکەت، ئاپۆی ل سەر ڤان كۆمكوژییان مۆدەرنیتا کاپیتالیست، یەکیتییا ئەورۆپا، ئەمریکا و ئیسرائیلێ ددەته‌ نیشاندان و ل جهێ کو فاشیزما ترکیێ گونەهبار بکەت، یاسایا ئەورۆپا تاوانبار دکەت، ئانكو تشتێ کو پر فەلسەفی و دیرۆکی دهێتە دیتن د بنگەهێ خۆ دا ژ بۆ پەردەپۆشکرنا فاشیزما دەولەتا ترکیێ یه‌، ئۆجالانی ژ بۆ مەزنکرنا دەولەتا ترکیێ ئەرکێن ژ دەستێ وی دهێن جێبەجێ دکەت، دوماهی جار ل 2/5/2019ێ ب رێیا پاریزەرێن خۆ ل دەربارێ رەوشا سووریێ و رۆژئاڤا دا وەها دبێژیت: «پێدڤییه‌ کورد حەساسییەتا ترکیێ ل بەر چاڤ بگرن».

کورد وێ ببن خوینا تازە یا کۆمارێ

دەما مرۆڤ وان ڤیدیۆیێن لێپرسینێ دبینیت، دێ دبینیت كانێ ئۆجالان چ هاریكاره‌كێ ستراتیجی یێ ده‌وله‌تا تركیێ یه‌،سۆزا دەستپێکێ ئۆجالانی دایه‌ دەولەتا ترکیێ ئەڤە بوو کو «گەلێ کورد ژ بۆ خزمەتا دەولەتا ترکیێ ئامادە بکەت»، ل سەر ڤی بابەتی وەها دبیژیت: «ئەز ل ڤێرە یارییا ناکەم، ئەز گەلەک ڤەکری دبێژم بلا دەولەت مەجالێ خزمەت کرنێ بۆ من ڤەکەت، هوون دێ بینن پێشکەفتنێن کو هوون پێ باوەر نەکه‌ن دێ دروست بن، من دوهی ئەڤە گۆت، یه‌عنی دخوازن گەلێ رۆژهلات (کوردێن باکورێ کوردستانێ) دێ کەمە خوینا تازە ژ بۆ کۆمارا ترکیێ، گەر وە ئەڤ مۆدێلە پەسەند نەکر هوون چ بخوازن ل من بکه‌ن».

نەپیلانگێرییا ناڤدەولەتی یە، ڤەگەریانا مالێ یە

بەلێ ناکۆکییا هەره‌ مەزن ژی د ڤێرێ دا یە، ئەو کەسێ کو دبێژیت ئەز رێبەرێ گەلی کوردم، بەرانبەر دەولەتێ ناخوازیت پەیڤا کورد بکار بینیت، ل جهێ کو بێژیت کورد دبێژیت «گەلێ رۆژهلاتێ ترکیا»، ئەڤ پەیڤا گەلێ ل رۆژهلات، پەیڤەکە کو فاشیزما ترک و کەمالیزم بکار دئینن، ل گۆری وان کورد نینن، بەلکو ترکێن رۆژهلات هەنە، ئۆجالانی ژی هه‌مان پەیڤ بکار دئینیت و ژ ڤێ پەیڤێ زیدەتر ژی دخوازیت گەلێ کورد بکەته‌ خوینا نوو ژ بۆ کۆمارا ترکیێ، کۆمارا ترکیا دێ پێ مەزن کەت و خزمەتەکا باش ژ بۆ کۆمارا ترکیا بکەت.

د هەمان دەم د وان ڤیدیۆییان دا ئۆجالان ل سەر بابەتێ کوردبوونا خۆ دا ژی وەها دبیژیت: «ئەز نەکەسەکێ خالس و موخلس کوردم، ئەز وەکو مللەت وەکو من گۆتی ئالیێ من یێ دایکێ تەرەفەکە و ئالیێ بابێ ژی تەرەفەک جودایە، ئەز خۆ ژ ترکەکێ گەلەک باشتر ترک حساب دکەم، ئەز ڤێ هەردەم ژی دبێژم چ نه‌ژادپەرەستێن ترک بلا خۆ ژ من ترک تر نەبینن».

بەلێ ئەو پلانگەرییا ناڤدەولەتی یا دهێتە باس کرن و بەرخۆدانڤانیا مەزن یا ژ بۆ ئۆجالانی دهێتە باس کرن ئەڤەیە یاکو نها مە باس کری، ئۆجالان نەبوویە قوربانیێ پیلانگێریەکا ناڤدەولەتی، ئۆجالان ڤەگەریایە مالا خۆ، نیشتیمانێ خۆ و ژ بۆ دەولەتا خۆ یا ترک ژی ژ هەر دەمەکی پتر خزمەتێ دکەت.

د بەشێ چاری دا ئەم دێ باس ل ڤان خالان كه‌ین:

– ئۆجالانی ب چ ئاوا کورد ئێخستن بن خزمەتا دەولەتا ترکیێ.
– گەریلا ل سالا 1999ێ د چ رەوشه‌كێ دا پاشڤە ڤەکێشان.
– کی ل دژی ئاپۆی دەرکەفتن.
–  ئۆجالان د لیپرسینا خۆ دا ناڤێن کێ بۆ ده‌وله‌تێ ئاشكرا كرن.
– ئۆجالانی سالوخەتێ رێبەریێ چاوا وەرگرت.

ژ بۆ زانینا بەرسڤا ڤان پرسیاران ل به‌ندا مه‌ بمینن

پوستێن ھەمان بەش