هه‌ر سالا رێخستنا په‌كه‌كێ گۆتبه ئه‌مێ به‌رخوه‌دانێ گه‌ش بكن، ل وێ سالێ ئاگرێ سه‌ر پشتا كوردان گه‌شتر كرییه، ڤێ به‌رخوه‌دانا ساخته یا كو رێخستنێ ده‌رباسی باشوور كری، ته‌نێ مالوێرانی ژ کوردان رە ل په‌ی خوە ئانییە.
د سالا 2017ان ده رێخستنا په‌كه‌كێ تام ب ئاوایەک مافیاواری و گرووپێن ناڤده‌وله‌تی یێن ته‌وانان ل باشوور ته‌ڤ گه‌ریایه، ده‌ڤ ژێ به‌رده كو عه‌سكه‌رێ ترك كێشی ڤێ په‌رچه‌یا وه‌لات كر، ئه‌م ل ڤر باس ل وێ ده‌رده‌سه‌ریێ دكن یا كو ل سه‌ر گه‌لێ به‌له‌نگاز باراندی.
تو كه‌س ژ ته‌وانێن رێخستنێ رزگار نه‌بوو، نه پێشمه‌رگه، نه كادرۆیێن پارتیێن كوردستانی و نه‌ژی شێنی و كاسبكارێن باشوور، به‌لكو رێخستنێ ب ته‌رزێ فلیمێن هۆلیۆدێ كه‌چێن بچووك ل سه‌ر رێین دبستانێ ژی ره‌ڤاندن.
به‌لێ به‌رخوه‌دانا په‌كه‌كه قالا وێ دكه، ئه‌ڤ كارێن گه‌مارن یێن کو ده‌ربڕینێ ژ گۆپیتكا ئه‌خلاقێ رێڤه‌به‌رێ ڤێ رێخستنێ دكه.
