ئۆجالان و نه‌رینێن گه‌نی ل ده‌ربارا ژنێ
ئه‌ڤرۆ 25 مژدارێ یه كو دبیته رۆژا جیهانی یا ته‌كۆشینا ل دژی توندوتیژییا دژی ژنێ، ب ڤێ هه‌لكه‌فتێ ئه‌م دێ ب كورتی وان تێزێن ئاپۆی د ژنۆلۆژیێ دا باس كرین ل بیر ئینین، هه‌موه‌خت كانێ ب چ ئاوا په‌كه‌كێ ئه‌ڤ گۆتنێن كو ئاپۆی ژ هزر و خه‌یالا خوه نڤیساندینه وه‌ك ده‌ستوور و زانست ناس كرییه و قه‌بوول كرییه.
ئۆجالان د ڤێ پرتووكێ دا وها خوه دده‌ته ناس كرن كو ئه‌و یه‌كه‌م كه‌سه ل ده‌ربارا ژنێ نڤیساندییه و په‌كه‌كه ب هه‌موو عاقلێ خوه شه‌رعییه‌ت دایه ڤان گۆتنێن ئۆجالان و وه‌ها هزر دكه‌ت كو ئازادییا ژنێ ل سه‌ر ده‌ستێ ئاپۆ ئافری یه.
ل ڤێرێ ئەم دێ چەند میناکان ل سەر وان داھێنانێن زانستی! یێن ئۆجالان ل دۆر دیارده‌یا ژنێ باس كرین رێز که‌ین، داکو تێبگه‌هین ئه‌رێ بهایه‌كێ زانستی ھەیە؟ یان ژی خورافاتن!
زه‌لام درنده‌یه و ژن فریشته‌یه
ئۆجالان د به‌شه‌كێ ڤێ پرتووكێ دا پیسبوونا خوه‌زای ب زه‌لامی ڤه گرێدده‌ت و ژینگه‌هـ پارێزیێ ب ژنێ ڤه، ل جهه‌كێ دی دبێژیت: «ژن فریشتەیە و زەلام درندە»، ئۆجالان د پەرتووکا ژنۆفۆبیا دا، جیھانێ ل سەر دوو پشکان دابه‌ش دکەت، پشکا خێرێ و یا شەری، بێ گومان د ڤێ دابه‌شكاریێ دا خێرێ دده‌ته پال ژنێ و شەری ژی ددە‌ته پال زەلامی، لێ به‌لێ یا راست ئۆجالانی ئه‌ڤ تێزه ته‌نێ ژ بۆ راكێشانا سه‌رنجا ژنێ چێكرینه، ژ به‌ر كو تێزێ زەلامێ درندە و ژنا فریشتە نە ب ته‌نێ چ بنەمایێن زانستی نینە، بەلکو تێزەکێ ھند نا مرۆڤاتی یە، زانست شەرم دکەت وه‌ك تێز قەبوول بکەت.
ئۆجالان: ژ بۆ كو ژن ئازاد ببیت، پێدڤییه سێكسی ژ خوه قه‌ده‌غه بكه‌ت
ئۆجالان تێزێن جورا و جور د پرتووكا ژنۆلۆژیێ دا ب ناڤێ زانستێ ژنناسی دروست کرینه، به‌حسا سێكسی و عه‌شقێ دكه‌ت، لێ ب ئاوایه‌كێ پرعه‌جێب و پر نالۆژیكی.
ئۆجالان دبێژیته ژنێ: «زەلام دل رەقە و بێ ئەخلاقە، وەک وێ یه‌كێ یە د قەفەسێ دا دگەل پلنگی بنڤی، تایبەت ئەگەر پلنگ یێ برسی بیت، مان دگەل زەلامی ژی ھەمان رەوشا پلنگێ برسی یە»
لێ به‌لێ کومێدیا د ڤێرێ دا یه ئۆجالان پشتره دهێت و دبێژیته زەلامی ژی: «مان دگەل ژنێ سڤکاتییە، ئەز ب خوه ل گۆر ڤێ ستاتۆیا ھەیی ژیانا دگەل ژنێ، گەلەک کریت، پیس و شاش دبینم».
هه‌موه‌خت ئۆجالان دبێژیت: «ژن پێدڤییه سێکسی د ژیانا خۆ دا قەدەغە بکەن، ئەگەر نە ناگەھنە ئازادیێ»
ب كورتی ئەڤە نەرینێن ئۆجالانی نه ل دۆر ژنێ و زەلامی، بێ کو چ بەلگەیەکا زانستی و دیرۆکی ژنێ دکەته خودانا ھەمی داھینان و دەستکەفتێن دیرۆکی، لێ ب ھەبوونا زەلامی ئەڤ دەستکەفت ژ دەست چووینه، تەماشە بکەن ئۆجالان جار ژنێ بلند دکەت، جار ژی ژیانێ دگەل ژنێ ب پیس و کرێت پێناسه دكه‌ت، ئه‌رێ ئه‌ڤه زانسته؟ یان ژی ته‌خدیركرنا مەژی یە، یان خورافاتن ئاپۆی د ژنۆلۆژیێ دا باس كرین و په‌كه‌كه ب گوهێ گه‌لێ كورد دا دبێژت؟!
[mpc_alert preset=”mpc_preset_11″ icon=”fa fa-link” icon_color=”#ffffff” icon_size=”24″ icon_background_color=”#d0797c” icon_padding_divider=”true” icon_padding_css=”padding-top:25px;padding-right:35px;padding-bottom:25px;padding-left:25px;” font_preset=”mpc_preset_13″ font_color=”#ffffff” font_transform=”uppercase” font_align=”left” content_border_css=”border-radius:5px;” content_padding_divider=”true” content_padding_css=”padding-top:25px;padding-right:25px;padding-bottom:25px;padding-left:35px;” enable_dismiss=”true” dismiss_padding_divider=”true” background_color=”#df8384″ border_divider=”true” border_css=”border-color:#d0797c;border-style:solid;border-radius:5px;” padding_divider=”true” margin_divider=”true” margin_css=”margin-bottom:30px;”]
تەڤلیهەڤیێن ھزرا ئاپۆی د مژارا «ژن، سێكس و ئازادیێ» دا
[/mpc_alert]
