هەر ساڵێک پەکەکە گوتبێتی ئێمە بەرخۆدان دەبووژێنینەوە، لەو ساڵەدا ئاگری سەر پشتی کوردانی زیاتر گەش کردۆتەوە. ئەو بەرخۆدانە جەعلیەی کە پەکەکەی خزاندە باشووری کوردستان، تەنیا ماڵوێرانی کوردەکانی بەدوای خۆیدا هێنا.

لە ساڵی 2017دا پەکەکە لە باشووری کوردستان بەتەواو مانا رۆڵی مافیا و گروپە جینایەتکارە نێونەتەوییەکانی  گێڕا. سەربازانی تورکی ڕاکێشی ئەو پارچەیەی نیشتمان کرد. ئێمە لێرەدا باس لەو چەرمەسەریانە دەکەین کە پەکەکە بەخێرایی بەسەر خەڵکی باشووری کوردستانیدا باراند.

هیچ کەسێک لە تاوانەکانی پەکەکە بێ بەری نەبووە. نە پێشمەرگە، نە کادری حیزبە سیاسییەکان و نە دانیشتوان و کاسبکارانی باشوور، هیچیان لە جینایەتەکانی پەکەکە بێبەش نەبوون. پەکەکە بە شێوەی فیلمەکانی هالیوود، کچانی منداڵی لەسەر ڕێگای قوتابخانەکان ڕفاند.

بەڵێ ئەو خەباتەی کە پەکەکە باسی لێوە دەکات، ئەو کارە قێزەونانەن کە دەرخەری ئەخلاقی راستەقینەی بەڕێوەبەرانی ئەو حیزبەن.

ئاسایشی پەکەکە لە ڕۆژی 14ی ژانویەی ساڵی 2017 زایینیدا، لە پرسگەی پردە شالی بناری قەندیل، هاوڵاتییەکی بە ناوی عەلی وەسو عەبدوڵڵا، دەستگیر کرد کە پێشمەرگەی یەکەی 80ی سەر بە وەزارەتی پێشمەرگە بوو. ناوبراو خەڵکی گوندی خانەقای سەر بە شارۆچکەی وەرتێ بوو. ماوەی شەو و ڕۆژێک لە لای پەکەکە مایەوە و دوای ئەوەی کە هەڕەشەیان لێکرد، ئازاد کرا.

گریلاکان و لایەنگرانی پەکەکە لە ڕۆژی 13ی مانگی فێڤریەی ساڵی 2017دا بە بیانووی خۆپیشاندان لە کۆمەڵگەی خانەسۆری سەر بە شنگال، هێرشیان کردە سەر ماڵی شێخ حزرەت ڕەشۆ پاچۆ و ماڵەکەیان تێکدا. پەکەکە لەو هێرشەدا، ئاڵای پیرۆزی کوردستان و وێنەی بارزانیان لە ماڵی شێخ حزرەت سووتاند.

گریلاکانی پەکەکە لە ڕۆژی 10ی مانگی مارسی ساڵی 2017دا، لە ناوچەی شارۆچکەی پیرەمەگروون 3 کچی تەمەن 14 ساڵانیان لەکاتێکدا کە لە قوتابخانە دەگەڕانەوە بۆ ماڵەوە، رفاند. پەکەکە ئەوانی سواری ماشین کرد، دواتر کاتێک کە ئۆتۆمبێلەکە بەڕێ کەوت، 2 لەو کچانە توانیان خۆیان ڕزگار بکەن و ئەوی دیکەشیان بە زۆر بردە قەندیل و تا ئەمڕۆ هیچ زانیاریەک لەسەر چارەنووسی لەدەستدا نیە.

ئاسایشی پەکەکە لە ڕۆژی 7ی مانگی ئاوریلی ساڵی 2017دا، کچێکی گوندی ڕۆزاڤای سەر بە شارۆچکەی سنوونێی ڕفاند و بە زۆر ویستیان بیبەنە ناو ڕیزەکانی پەکەکە، بەڵام بنەماڵەکەی توانیان لە دووڕیانی بۆرەک تەقە لەو ئۆتۆمبێلەی ئاسایشی پەکەکە بکەن و کچەکەیان لێ بستێننەوە.

ژمارەیەک گریلای پەکەکە لە ڕۆژی 16ی ژوئیەی ساڵی 2017دا، داوایان لە هاوڵاتییەک بە ناوی کەمال ڕەشید حاجی کە بەرپرسی کومیتەی پەدەکە بوو لە سەرسنک کرد کە ئەوان بە ئۆتۆمبێلەکەی خۆی بۆ سنووری گارە بگوازێتەوە، بەڵام ئەو کەسە داواکەیانی ڕەد کردەوە، بۆیە لە لایەن ئەو گریلایانەوە دەستگیر کراو دوای ماوەیەک ئازاد کرا.

چەکدارانی پەکەکە لە 3ی ئاگۆستی ساڵی 2017دا، لە سنووری کۆمەڵگەی خانە سۆر تەقەیان لە دوو هاوڵاتی بە ناوەکانی فیراس نەواف محەمەد ئەحمەد، خدر عەلاف کرد. ئەو کەسانە لە ناوچەی زومار و لە هۆزی گەرگەریانن، لە ئەنجامدا هەردوو هاوڵاتییەکە بە سەختی بریندار بوون و دواتر فیراس نەواف لە نەخۆشخانە گیانی لەدەستدا.

لە ڕۆژی 20ی ئاگۆستی ساڵی 2017دا، ژمارەیەک لە گریلاکانی پەکەکە کە لە 8 ماشێنی تۆیۆتادا بوون و هەر ماشینێکیش تانکیەکی 2000 لیتریان پێوە بەستبۆوە، هەڵیانکوتایە سەر بەنزینخانەی گوندی میسکایاندا. گریلاکانی پەکەکە دووربینی بەنزینخانەکەیان لە کار خست و دواتر 10 هەزار لیتر بەنزین و 5 هەزار لیتر گازایلیان دزی و هەڕەشەی کوشتنیشیان لە خاوەن بەنزینخانەکەش کرد.

گریلاکانی پەکەکە لە ڕۆژی 25ی مانگی سێپتامبری ساڵی 2017دا، تەقەیان لە کادرێکی لقی 18ی پارتی دێمۆکرات بە ناوی بڵند عەبدی عەبدولڕەحمان و هاوڵاتییەک بە ناوی بارش ئەنوەر سەدیقی باکووری کوردستان کرد. لە ئەنجامی ئەو تاوانەدا کادرەکەی پەدەکە بە ناوی بڵند گیانی لەدەست دا و بارشیش بریندار بوو و هەر بە برینداری رفاندیان.

گریلاکانی پەکەکە لە ڕۆژی 26ی مانگی دێسامبری ساڵی 2017دا، دوو هاوڵاتی بێ دیفاعیان بە ناوەکانی هزرڤان پێشکەوت و محەمەد سەفەر دەستبەسەر کرد و ڕفاندنیان. دوای ئەوەی کە ئەو دوو کەسە بە سەختی ئەشکەنجە درابوون، ئازاد کران.

گریلاکانی پەکەکە لە ڕۆژی 1ی مانگی ژانویەی ساڵی 2016دا، لەسەر ڕێگای چەپێن شنگال، بە چەکی دەنگبڕ، تەقەیان لە دوو کارمەندی ئیدراەی رێگاوبانی پارێزگای دهۆک کرد و شەهیدیان کردن. ئەو دوو کارمەندە ناویان وەیس عەبدوڵڵا سەعید و عەبدولمەناف تەها بوو.

یەکێک لە تاوانە دڕندانە و قێزەونەکانی پەکەکە، لە رۆژی 8ی مانگی ئابی ساڵی 2014 لە دەوروبەری شارۆچکەی زاخۆ ڕوویدا. کاتێک گریلاکانی پەکەکە هەڵیانکوتایە سەر ماڵی کادرێکی دابڕاوی خۆیان و بەشێوەیەکی زۆر دڕندانە لەگەڵ کچە تەمەن 3 ساڵانەکەی کوشتیان. ئەو کادرە دابڕاوەی پەکەکە ناوی عوسمان عەبدولڕەحمان ئەحمەد و ناوی سازمانیەکەشی شۆڕش بالیچ بوو.

گریلاکانی پەکەکە لە کاتژمێر 12ی شەوی 21 لەسەر 22ی مانگی ئۆکتۆبری ساڵی 1997دا، لە ناوچەی “شێروانا مەزن” هەڵیانکوتایە سەر ماڵی دوو هاوڵاتی بی دیفاع بە ناوەکانی وەهاب سەلیم یەحیا حەسەن و یاسین عومەر حەسەن و خانووەکانیان سووتاندن.

ئەو ڕووداوە دڵ تەزێنە بەم شێوەیە بوو:

پەکەکە قەدیفا ئەیاس هاوسەری وەهاب و شەش منداڵەکەی بە ناوی زەریفە، ئیسحاق، دلۆڤان، تەحسین، ساجیدە و جاهیدە بە شێوەیەکی زۆر دڕندانە کوشت.

هەروەها هاوڵاتییەکی دیکەی بە ناوی یاسین بریندار کرد و هاوژینەکەی بە ناوی نەشمیل حەسەن یەحیا لەگەڵ 5 منداڵی بە ناوی کوردستان، خەلیل، نیشتمان، سیروان و جیهان کوشت. هەروەها کوڕێکی دیکەی یاسین بە ناوی نێچیروان بە سەختی بریندار بوو.

جێگای باسە، ئەو تاوانانەی کە پەکەکە لە باشووری کوردستان لە دژی خەڵکی بێ دیفاع ئەنجامیان دەدات، بۆخۆی بە خەبات ناویان دەبات. لەو رۆژەوەی کە پەکەکە لە باشووری کوردستان گیرساوەتەوە، رۆڵی گرووپی مافیایی دەگێڕێت و هەموو ئازایەتی خۆی لە هێرش کردنەسەر خەڵکی هەژاری باشوور دەبینێت و لەبەرامبەر داگیرکەراندا هیچ چالاکییەکی نیە. پەکەکە بۆ گەلی باشوور بۆتە بارێکی زۆر گران و باشووری کوردستان لە نەهامەتی و چەرمەسەری زیاتر هیچ خێرێکیان لەو حیزبە نەبینیوە.