وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران و ژ وان مژاران ژی رەوشا تەندروستیا سرری سوورەیا ئۆندەر کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
ئاخافتنا شاندا دەمێ ب ئۆجالان رە ب ڤی ئاوا ددۆمە:
سەرۆک: د دەربارا سرری ژی گومانێن من هەنە، د دەربارا ئۆزال ژی گومانێن من هەبوون و هێژان ژی من ئەو گومان مانە، کی دزانە دبە سبێ ب سەرێ من ژی وەرە، ئەولەهی ل ڤڕ د ئاستەک بلند دە یە، لێ دڤێت ئەڤ پێڤاژۆیە بلەز وەرە ئەنجامدان، ژ ئەمرە رە ژی دبێژم گەر سێ مەهان بمینە پڕ باش دبە “ب دەستێ خوە ل سەر ماسەیێ خەتەک کشاند و گۆت”، پێڤاژۆ ب ڤی ئاوا بەر ب هلوەشینێ ڤە دچە، ئەز دبێژم گەر سێ مەهێن دن ئەم بێهن فرەهـ بن پێڤاژۆ دێ بەر ب کو دە بچە.
پەروین بۆلدان: ژ بۆ بەشداربوونا د کۆنفەرانسەکێ دە مە سەردانا رۆمایێ کر و ئۆزگوور ل ور بوو، ل ور ئۆتۆمۆبیلەکێ خوە ل ئۆتۆمۆبیلا من دا و راستی قەزایەک ترافیکێ هاتین.
سەرۆک: ها ئەڤە، وان دەست ب خەباتێ کریە، ئەو دەما کو ئەز ژی چوویم رۆمایا ئیتالیایێ، مۆئساد ل هەر دەرێ هەبوو. سازییا ئیستیخباراتا ئامەریکی ژی تەڤلی لیستکێ کر، رۆژنامەڤانەکی ژ من رە گۆت کو ل رووسیایێ ئەندامەکی سازییا ئیستیخباراتا رووسیایێ گۆتیە ئەم دکارن وی ڤەشێرن، ئەو هێز هەیە، ئەز ئیسرائیلێ بەرچاڤ دگرم ژ بەر کو گەر وسا نەکەم ئەزێ وەندا بکم، رەوش پڕ باشتر ژ من نرخاندیە، ئیسرائیل دزانە کو کی رەوشا ستراتەژیک یا کوردان ژ خوە رە بکاربینە وێ د رۆژهلاتا ناڤین دە سەردەست بە. ئیسرائیلیان پێش من ئەڤ رەوش فێم کریە، ئەز ژ ڤێ رە دبێژم پرتۆ ئیسرائیل، سەدسالا یەکما خوە ب ترکیەیێ رە ب تێکلیان دەرباس کر ژ بۆی کو ئیسرائیل پێگەها خوە بهێز بکە، ئەز ژ ڤێ رە دبێژم پرتۆ ئیسرائیل، ل سووریایێ ژ من رە گۆتن تو ژ سووریەیێ دەرکەڤە هەر چ تشتا تو بخوازی ئەمێ ب تە بدن تو ل سووریەیێ مەترسیەکا مەزنی ل سەر ئیسرائیلێ.
وەزیرێ کارێن دەرڤەیێ وێ دەمێ ئیسحاق شامیر بوو، وی سالا 1982 ژ من رە گۆت، ھوون ژ مە چ دخوازن، چما ھوون ڤان جوانان ل دژی مە بکار تینن؟ قارایلان ژی گۆت ل سەر ئاستا دەولەتان ئەلتەرناتیڤێن مە هەنە، ئیسرایلێ ئەڤ کارت پر باش حیس کریە و پڕ باش ڤێ کارتێ بکار تینە، بوویەرا ترافیکێ یا رۆمایێ ژی ئەڤە، تو فێم ناکی و تە دخن ناڤا ناکۆکیان دە، زێدەتر ژ 50 بوویەرێن وەها هەنە کو یەک ل پەی یەک پێکهاتنە.
موخاتەبی پەروین بۆلدان سەرۆک گۆت، گەر تو وسا دفکری ئەو بوویەر بوویەرەکە ترافیکی یا نۆرمالە تو کەسەک پڕ سادەیی، دبە پشتی سرری نۆبەتا تەژی وەرە.
بەرپرسەکی ترکیەیێ: خوەدێ نەکە.
سەرۆک: ئەز دبێژم کو ئەو ڤان تشتان دکن دا کو پێڤاژۆیێ تێک ببن، ئەو ژی وان کەسێن کو هێسان دبن ئارمانج باش ناس دکن، ژ خوە هوون چیرۆکا “عەبدی ئیپەکچی” دزانن، ئەڤ خالێن ستراتەژیکن و ب رایا من پەروین بولدان ل رێزا پێشیێ تێ، ژ بۆی ترساندنێ ئەز ڤان ئاخافتنان نابێژم، بەلکو ژ بۆی کو تەدبیرێن پێویست بگرن، ئەز وسا دبێژم.
گرینگیا ئیمرالیێ ژ بۆ من ئەڤە کو ئەو ژ دەستێن مۆئسادێ دوورە، (رایەدارێ ترکیەیێ ب لڤاندنا سەرێ خوە گۆتنێن سەرۆک ئەرێ کرن). ئیسماعیل ھەنیە چوا کوشت، سەرۆککۆمارێ ئیرانێ ژی چوو، (مەبەستا وی مرنا گومانبارا ئیبراھیم رەیسی بوو) مرنا وی ب گومانە، سەرۆکێ حزبوللاهێ ژی هەر ب ڤی ئاوایە، سەرکردەیێن حزبوللاهێ یەک ب یەک ژ هۆلێ راکرن. ڤڕ ئەولەیە، لێ دبە دەستێ وان بگهیژە ڤڕ ژی.
رایەدارێ ترکیەیێ: ژ بەر ڤێ یەکێ یە کو برێز ئەحمەد ژی ل ڤڕە، بلا ئەم برێز ئەحمەد ب تە بدن ناساندن، (ئەو سێ رایەدارێن کو ل گراڤێ پێشوازی ل مە کرن وەکە سەرۆک هاتن ناساندن).
سەرۆک: گەلۆ برێز ئەحمەد وێ هەر تم ل ڤڕ بە؟
رایەدارێ ترکیەیێ: برێز ئەحمەد ژ بۆی زێرەڤانیێ هاتیە، پاراستنا ل دژی سازیێن ئیستخباراتی ژی، بلا ترسا وە نەبە.
سەرۆک: د دەربارا ڤان گەفان دە هوون چ دبێژن؟
رایەدارێ ترکیەیێ: ب کەنی ڤە، هەڤ دو تژی نەکن.
سەرۆک: ئەڤە شکبارییە کو تایبەتمەندییا منە، پڕ لێکۆلینێ دکم، ئەڤ شکبارییە ژی ژ بۆی بەردەوامییا ژیانێ یە، شکباری ب واتەیا وێ یەکێ یە کو راستیان دبینی و باش نرخاندنێ ژێ رە دکی و هەول ددی کێمترین زەرەر و زیان بەر ب دەولەت یان رێخستنا تە بکەڤە، ئەز نەچارم وسا بکم، موخاتەبی پەروین بۆلدان سەرۆک گۆت: تو هاتن و چووینێ دکی لۆما پێویست دکە پڕ شیار بی، برێز ئۆزگوور تو ژی ل ڤڕی، گرووپا پارێزەران پڕ بەرفرەهە، و ژ ڤڕ پێ دە وێ زیدەتر وەرە بەرفرەهکرن و کار ژی وێ بەرفرەهتر بن.
هاکان (مەبەستا وی بەرپرسیارێ دویەمین یێ ترکیەیێ یە) باسی رەوشا هەیی دکە، لێ بەلێ نە وسایە، پرسا دەولەتێ وێ چەوا چارەسەر بکین، من د وارێ دەولەتێ دە لێکۆلینەک هوور ل سەر لینین و مائۆ کریە، لینین د ڤی واری دە کارەساتە، هنەک کەسان هەر نها دەستپێکریە و دبێژن خیانەت ل سۆسیالیزمێ کریە، بریاربوو نامەیا دۆغۆ پەرینچەک هاتبا، گەلۆ نەهات؟
پەروین بولدان: رۆژا کو سرری نەخوەش کەتی سەردانا دۆغۆ پەرینچەک کربوو و ب تەلەفۆنێ ژ من رە گۆت کو هەڤدیتنا وان پڕ باش بوو، گەر پەیامەکە نڤیسکی هەبە هێژان نەگهشتیە دەستێ مە و هایا مە ژێ تونەیە.
سەرۆک: سلاڤێن من بگهینن دۆغۆ پەرینچەک، ل سەر خاترا سرری بلا رایا خوە ب نامەیەکێ ژ من رە بشینە.
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
ددۆمە..
