وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
ئۆجالان د ڤێ بەشا ئاخفتنا خوە یا ب شاندا ئیمرالیێ و هنەک ژ رایەدارێن دەولەتا ترکیەیێ رە ب زەلالی دبێژە کو ئەو داخوازا تو دەولەتان ژ بۆی کوردان ناکە، بەلکو دخوازە داخوازێن وان یێن دەمۆکراسیێ بینە جی، ئۆجالان دبێژە، “ئەم ژ بۆی کوردان وەعدا نەتەو دەولەتێ نادن، لێ بەلێ تەلەبا وان یا دەمۆکراتیک و چاندی وێ وەرە پێکانین. ژ دەولەت نەتەوەکی زێدەتر وێ داخوازێن وان پێک بێن، د مەسەلەیێن دەمۆکراسی دە ئەز ب هەیەجانم، وەعدا دەمۆکراسی ژ بۆی گەل و وەعدا ئازادی ژ بۆی ژنان گەلەکی هێژایە. ل دەمێ من پەکەکە دامەزراندی ژی ئەز ئەڤقاس ب جۆش و هەیەجان نەبووم، ئەڤ یەک پڕ ب قیمەتە”.
ئاخافتنا شاندا دەمێ ب ئۆجالان رە ب ڤی ئاوا ددۆمە:
پەروین بولدان: سەرۆکێ من ئیسال نەورۆز گەلەکی ب جۆش دەرباس بوو، ب باندۆرا بانگەوازییا وە تەڤلیبوونا گەل پڕ خورت بوو، و ژ مە رە هات گۆتن وە ب زانەبوون داخویانیا نەورۆزێ رێنەکریە و وە گۆتیە بانگەوازییا من تێرێ دکە.
سەرۆک: بەلێ من پێویست نەدیت، بانگەوازی گرینگ بوو، بانگەوازییا من وەکە مانیفێستۆیەکێ بوو.
ئۆزگۆر: سەرۆکێ من د تەلەفزیۆنێ دە ب ناڤێ ڤەژینا کورد دۆکیۆمێنتەرەک ب 90 بەشان تێ وەشاندن، ژ زارۆکتییا وەڤە دەستپێ کرنە و درێژ درێژ ل سەر رادوەستن.
سەرۆک: بەلێ بالکێشە (ب کەنیڤە) کیژان تیڤیێ، ما تیڤییا مە؟
پەروین بولدان: بەلێ، ل مەدیا تیڤی و هەردویان ژی.
ئۆزگوور: د ڤێ بەرنامەیێ دە فۆتۆیەکێ وە هات وەشاندن کو بەریا نها وە ژی نەدیتیە، ژ سالێن تاپۆیێ وە ب پێنج هەڤالێن خوە رە ئەڤ وێنە گرتیە.
سەرۆک: بەلێ، ئەڤ سالا بەکەلۆریا بوو، (پشتی ڤان ئاخافتنان ب یەک دو خۆلەکان وەیسی، هامیلی و عۆمەر خەیری هاتن لگەل مە ل سەر میزێ روونشتن، وەیسی و عۆمەر ل کێلەکا سەرۆک روونشتن، هامیلی نێڤبەرا مە دە روونشت. ژ ڤڕ پێڤە د هەڤدیتنێ دە ئامادە بوون.)
سەرۆک: بەلێ ئەم ژ بۆی کوردان وەعدا نەتەو دەولەتێ نادن، لێ بەلێ تەلەبا وان یا دەمۆکراتیک و چاندی وێ وەرە پێکانین. ژ دەولەت نەتەوەکی زێدەتر وێ داخوازێن وان پێک بێن، د مەسەلەیێن دەمۆکراسی دە ئەز ب هەیەجانم، وەعدا دەمۆکراسی ژ بۆی گەل و وەعدا ئازادی ژ بۆی ژنان گەلەکی هێژایە. ل دەمێ من پەکەکە دامەزراندی ژی ئەز ئەڤقاس ب جۆش و هەیەجان نەبووم، ئەڤ یەک پڕ ب قیمەتە، خرابییا کاپیتالیزما هەیی بێ سینۆرە، شعوورێ ئینسانان هلوەشاندیە. د ئۆلان دە یۆتۆبیا جەننەتێ هەیە، کاپیتالیزمێ ئەڤ ژی مەهڤ کریە. بن ئەردێ خەلاس کریە، سەر ئەردێ خەلاس کریە، خەیالەکی ترسناک چێکریە، هنەک نڤیسکار، پرتووکا 84 هەبوو، ل سەر ڤێ یەکێ نڤیساندبوون. ئەم ل بەرامبەری وی دەرگەهەکی هێڤیێ ڤەدکن.
پەروین بولدان: د جڤاکێ دە جۆشەکی مەزن هەیە.
سەرۆک: ئەو کەسێن مووچەیێن کێم وەردگرن، کارکەر و گوندی هەموو د رەوشەکە ئالۆز دە دژین. ئەو بێنامووس سۆسیالیزمێ نزانن، ئەم دەرگەهەکی ژ بۆی سۆسیالیزمێ ژی ڤەدکن.
پەروین بولدان: سەرۆکێ من ب راستی ژی ئابۆری و پرسگرێکێن ئابۆری گەلەکی مەزنن.
ئۆجالان: تەنێ ئەڤژی نا، ئایدۆلۆژیا شەر و تەکنۆلۆژیا شەر ژی ئەساسێ دەولەتێ ڤالا دکن. ئەم دخوازن ڤێ قەتع بکن و پێشکەتنێن ئابۆری، جڤاکی و چاندی چێبکن. ئەمێ ئەردێ ژی بکن گۆلیستان، ب براتیەکی تازە ئەمێ ڤی تشتی سەرخینین، کاپیتالیزم یەکسانە ب تونەکرنا ئەتیکێ “رەوشتی” ڤە. ئەڤ بەری هەر تشتی ئەتیک تونە کر و حقووق دانی شینێ، پشترە حقووق ژی تونەکر. نها ژی ترامپ و چین کەتنە دەردێ وێ یەکێ کا نها نۆکلەر چاوا بکاربینن.
(سەرۆک بەرێ خوە ددە پەروین بولدان) و ژێ رە دبێژە خەباتکاری. هوون گەلەکی خەباتکارن. د ناڤا کوردان دە کەسەکی گەلەکی خەباتکار نینە. هامیلی ئالیێ تە ژی یێ پۆزەتیڤ هەنە، لێ بەلێ کێموکوریێن تەژی زۆرن، ل سەر مەسەلەیا زازابوون و بینگۆلێ. (دیسا بەرێ خوە ددە پەروین بولدان) من تو ژی گەلەکی رەخنە کربوو.
پەروین بولدان: بەلێ سەرۆکێ من ئەز گەلەکی گریابووم.
سەرۆک: بەلێ، دەربارا چاندا “ساتی” من رەخنە ل تە کر، ئەڤ چاند ب مە رە ژی هەیە، ژن ژ بۆ مێر و مالباتا خوە فەداکاریێ دکە، پێویستە ئەم ژ ڤێ یەکێ رزگار ببن، رۆژا ئەول من گۆت ژنەکە ئازادی، ژن گەر ئازاد نەبە نابە. بلا کەس شاش فێم نەکە ئەز مالباتێ رەد ناکم، تو دخوازی راستیا خوە ئیسپات بکی، ژنەک کو تەڤی ڤان هەموو تراژەدیان دخوازە لسەر لنگێن خوە بسەکنە، دڤێ رێز لێ وەرە گرتن، هایداری خوە بە هەر دەمێ خەتەرییا ئێریشکرنە سەر تە هەیە.
موخاتەبی :بەرپرسەکی دەولەتێ” ب رێڤەبەر رە مە نیقاشەک کر.
بەرپرسەک دن: بەلێ، مە بهیست، لێ سبێ تە دلێ رێڤەبەر قەزەنج کر و تو پرسگرێک تونەیە.
سەرۆک: ئەڤ قانوونا دانوستاندنێ یە، دەما کەسەکی دبینی تو دسەکنی و سلاڤی وی دکی، ئەز د بالکۆنێ دە بووم، من دیت دەستێ خوە بۆ من لڤاند و سلاڤی من کر و چوو، من تو دیتی، ئەز سەکنیم، چما ل شوونا وێ یەکێ کو تو سلاڤ بکی تە دەستێ خوە لڤاند و تو چووی، مەیموون ب لڤاندنا دەستێ خوە سلاڤی هەڤ دکن، بێ گومان ئەز ژی هێرس بووم، پشترە دەما بۆ جارا یەکێ ئەو هات یا د دلێ خوە دە من ژ وی رە گۆت، من ژ وی رە گۆت کا رەفتارێن وی یێن ل هەمبەر من چەوانە، من ژێ رە گۆت ل بەر چاڤێن من نەمینە، هەرە و ئەز تە نەبینم.
(ل ڤڕ ب کەنێ ڤە) گۆت، ئەتیک، ل من بنێرە بادیئۆ سلاڤێن تایبەت دشینە، بێی ئەتیک نابە ب قانوونێ ژی نابە، باشە ئەم دکارن ب داوی بینن.
مە ژ هەموو ئامادەبوویێن د سالۆنێ دە خاتر خوەست، سەرۆک گۆت، سلاڤێن من یێن تایبەت بگهینن تەڤ ئەندامێن سەندیکایا پارێزەران. وەیسی رۆژنامە هین نەهاتنە و دبە کو رێڤەبەر وان ئاستەنگ بکە. پێش کو ئەم هەموو ژ سالۆنێ دەرکەڤن باسی ئازادکرنا وەیسی هات کرن و بەرپرسان ژ سەرۆک رە گۆتن هەگەر د 28ی مەها نیسانێ دە نەیێ ئازادکرن وێ د دەمەکی کورت دە وەرە ئازادکرن. سەرۆک پرسی چەند مەهان یان چەند رۆژێن دن؟ د بەرسڤ دە گۆتن سێ مەهان، سەرۆک ژی موخاتەبی وەیسی ب کەنێ ڤە گۆت، هەیانی سێ مەهێن دن تو نکاری بسەکنی؟ وەیسی ب رێڤەبەر رە مە بەحسا ئازادکرنا تە کریە، ئەو ژی باس ل ڤێ یەکێ دکە کو وێ د سێ مەهێن بێ دە وەری ئازادکرن.
سەرۆک دەما رابووی و خوەستی بچە، گۆت: ئەز دفکرم کو ئەمێ دیسا وە ببینن. دڤێ مەهێ جارەکی ئەم وە ببینن. سلاڤێن من ژ هەر کەسی رە هەنە، سلاڤێن من ژ پارلەمەنتەران، ژ کۆما وە رە، جێگرێن سەرۆکێن کۆمێ، سزایی، دۆغان و کەچا وێ و عایشە گول رە هەنە، سلاڤێن تایبەت ژ هەر کەسێ رە.
پشتی دەرکەتنا ژ سالۆنا جڤینێ، ئەو بەر ب دەرەنجەیان چوون، د دەستپێکا دەرەنجەیان سەرۆک سەکنی و گۆت دبە کو ئەز بکەڤم، وێ دەمێ رێڤەبەر ل سەر دەرەنجەیان بوو هاتە خوار و دەستێ سەرۆک گرت و پشترە سێ هەڤالێن دن ل پێش و پاش ڤە ئالیکاریا سەرۆک کرن و ژ دەرەنجەیان هاتن خوار، ئەم وسا دفکرن کو د وێ دەمێ دە هنەکێ گێژ بووبوو ژ بەر کو بۆ دەما سێ ساعەتان روونشتبوو و دئاخڤی، د دەقەیێن داویێ یێن هەڤدیتنێ دە دەنگێ سەرۆک هنەکێ کێم بوو، ئەو وەستیایی خویا دکر. مە هیس کر کو هن پرسگرێکێن بهیستنێ هەنە. پرسگرێکا لنگێ حامیلی دەوام دکر، هنەک کانەپەیێن نوو ژێ رە بربوون، ب وەساییتا کو ئەم چووبوون ئیمرالیێ، ئەم جارەکە دن ڤەگەریان.
