وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
ئاخافتنا شاندا دەمێ ب ئۆجالان رە ب ڤی ئاوا ددۆمە:
سەرۆک: بەلێ، سلاڤ ژ زاخۆ و هەڤالێن وێ رە، ژ بۆ ئامادەکرنا بەرنامەیەک گرینگ و مەزن ئەزێ ل سەر شەرع و سووریەیێ، کو ناڤەندا عەرەبانە، بسەکنم. باشە، بلا ئەم ب هەڤ رە بن، بلا ئاخافتنا داویێ یا تە بە، بلا وەکە کو ئەم مال ژ ئاگر خەلاس دکین تەڤ نەگەرین، نابە ئەم گاڤێن یەکئالی باڤێژن (رایەدارێ ترکیەیێ ژی ب لڤاندنا سەرێ خوە ئاخافتنێن سەرۆک پەژراندن). ترکمەن ژی گرینگن، ئارتووک و تووتووش هەموو تێنە بەردان، ژ بەر کو ترکچیەتیێ ئامادە دکن و پشترە کۆمکوژیێ دکن، ئەڤجا عەرەب ژی د بن ناڤێ وێ یەکێ کو عەرەبن ت ترکمەنەکی ناهێلن، ل شام و حەلەبێ ژی هەنە، شەرع نەتەوەپەرەستەکی توندرەوێ عەرەبە، دەمۆکراسیا هەرێمی یا کو ئەز باس دکم ژ بۆی ڤێ پێکهاتەیێ ژی پر باشە، نەفەسێ ب وان ددە، هەزار سالن تورکمەن ل ور نیشتەجینە، ئیبراهیم هنەکێ تێگهشتیە، لێ ئەگەر تو ل سووریەیێ وسا بکی ئەزێ ڤەکشم، یێن کو لۆبیا عەرەبی دکن وێ بسەکنن، نابە ئەڤ ببن کارتێن زەختێ، میساقا مللی ناڤەرۆکا هەڤپەیمانیا کورد و ترکانە ل دژی گەفان، داخوازا گارانتیێ دکین، د دەستوور دە ژی داخوازا گارانتییا دەستووری دکین.
رایەدارەک ترک: چاڤێ هەر کەسی ل سەر وێیە، ت کەس نکارە ب تەنا سەرێ خوە تشتەکی بکە.
سەرۆک: وەکە پێنگاڤا یەکەمین ئەڤ هەڤپەیمانتی ل سووریەیێ تێ جیبجیکرن، پلانا مە یا یەکەمین ئەڤە، ژ بەر کو سووریە وەکهەڤی ترکیەیێ یە و وێ ترکیەیێ بهێز بکە، رەهەندەک عەشایری و لۆبیەک عەرەبی ژی هەیە بلا ئەم ب ڤان نەیێن خاپاندن، سووریە ژی ب قاسی ترکیەیێ ب نرخە، بلا کەس ژی بەلاش ژ بەر ئاخافتنێن من باسی نکۆریدۆرێ نەکە، سلاڤێن من بگهینە زاخۆ و هەڤالێن وێ، داخوازا دەمۆکراسیا هەرێمی ژ بۆی تەڤ پێکهاتەیێن سووریەیێ دکم، بلا د ناڤا نوسەیری، دۆرزییان و ل شام و حەلەبێ ژی خوە بهێزتر بکن. بلا هەسەدە خوە زێدەتر بهێز بکە، ل ور هێزا وێ یەکێ مە هەیە کو خوەدیتیێ ل هەر کەسی بکین و ت کەس نکارە پێشیێ ل مە بگرە.
پەروین بولدان: رۆژا 14ێ نیسانا 2024ان، رێخستنا ژنێن کورد ب ئامادەبوونا نوونەرێن چەند پارتیێن سیاسی جڤییا، و پلاتفۆرما ژنێن کورد ئاڤاکرن، ب تەنێ پەدەکە بەشدار نەبوو و د داخویانیەک هەڤبەش دە داخوازا یەکیتیا نەتەوی یا کوردان و دروستکرنا هشێ هەڤبەش یێ کوردان کر.
سەرۆک: مژار و پرسا ژنان پر گرینگە، وێ گۆتووبێژان ل سەر بکین و وێ باس بکم کا چما ژن و پرسا ژنان گرینگە؟ دبێژن ژن نیڤا زەلامی یە، هەیا کو ژن نەبە زلام ژی نابە، لێ ئەز تشتەک جیاواز دبێژم.
وە بەحسا هەڤژینا بادیئۆ ژی کربوو، نە وسایە؟ سەدەما ڤێ یەکێ کو مرۆڤایەتی ئەوقاس رووبروویێ کۆمکوژی و کارەساتان بوویە کۆلە کرنا ژنانە، یەک ژ تایبەتمەندیێن من یێن سەیر ژی تێگهیشتنە ژ ڤێ راستیێ. ژیانکرنا من ب ژنان رە عەجێبە، گومانێن من پرن، ل گۆر من ئەگەر ئەڤ ناکۆکی نەیێن چارەسەرکرن، وێ پرسگرێکێن پر کوورتر سەرهلدن، د ناڤا جڤاکێ دە زلامەک ژ بۆی کو بزەوجە پێویست دکە مەزنبوونا خوە بسەلمینە، هەر ژ سەردەما سوومەریان، سەردەما خوەداوەندان، مرۆڤایەتی هەیانی نها پاشڤە چوویە، سوومر پرە ژ چیرۆکێن ژنان، تەوراتش ژی هەر وسا، نیڤا قورئان و ئیسلامێ ژی هەر دەربارا ڤێ یەکێ یە، یا کو ئیرۆ کاپیتالیزم ژی ل سەر لنگان هشتیە ئەڤ ریکلامە کو ل سەر ژنان و ب رێیا ژنان ڤە تێ کرن، ئەڤ نووژەنییا کو ئەز دخوازم بکم ئەڤە کو هەر رۆژ د بن ناڤێ ئەڤینێ دە جینایەت تێن کرن، ب ڤێ رە ژی ئاستەنگیێن ل هەمبەر ژیانا ژنان هەنە، بەلێ ژن کرنە ئاموورەک ژ بۆی ریکلامێ، لێ د بن ڤێ دە چ هەیە؟ ئەز دخوازم ڤەکۆلینەکە بنەرەتی د ڤێ دەربارێ دە بکم، ئەڤ هەڤدیتن ژی هەر د ڤێ دەربارێ دە نە، موخاتەبی پەروین بولدان: خویایە هوون ژی چاڤدێری و دویڤچوونێ ژ بۆی ئازادیێ دکن، ل ڤر ب تە هاتبوو گۆتن دایکا ژن و من ژی گۆتبوو ژنا ئازاد.
پەروین بولدان: برێز سەرۆک وە میناکا نەفرتیتیێ ئانیبوو.
سەرۆک: ل ئیراقێ هەیا ئۆرفایێ چیرۆکێن ژنبوونێ هەنە، گۆتنەکە سیمۆن دیبۆڤار کو دبێژە ژن ژ دایک نابە بەلکو دروستکری یە هەیە، ئەڤ د پرتووکەکێ دە ب ناڤێ ئەخناتۆن ژی هەیە، نەفرتیتی پرەنسێسەکە میتانی یە، ل ور پەیڤەک وەکە پەیڤێن کوردی هاتیە بکارئانین ل بیرا من نایێ، باڤێ وێ نامەیەک ژی ب وێ رە شاند جەم فیرعەونێ مسرێ، و وێ ژی یا ب چاڤێن خوە دیتبوو باس دکر، د کۆچکێن میتانیان دە پودوهەپا، ل بابل ژی سەمیرامیش تەڤ ژ ڤێ چاندێ نە. ل هەر جیەکێ بووک ژ وان رە هاتنە برن، ل ڤر چیرۆلا ژنبوونێ هەیە، چەوا ئەم دکارین ڤێ چاندێ ئازاد بکین؟ ژ ئالیێ دیرۆکی ڤە ئەم دکارین بگهین ناسنامەیا ژنەک ئازاد، موخاتەبی پەروین بولدان: تو ژنەکە چالاکی.
پەروین بولدان: گەلێ هەکاریێ تەڤ چالاکن.
سەرۆک: لێ یا گرینگ ئەڤە کو ڤێ یەکێ بکین چاند.
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
ددۆمە..
