وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.

ئۆجالان د بەشکە ئاخافتنا خوە دە ژ شاندا ئیمرالیێ و رایەدارێن دەولەتا ترک رە دبیژە، سەرۆکێن کوردان یێن وەکە شێخ سەعید، سەید رزا و جەمیلێ چەتۆ چوون جەم مستەفا کەمال و داخوازا دلۆڤانیێ ژ وی کرن، لێ مستەفا کەمال دلۆڤانی ب وان نەبر. ئۆجالان ب ڤێ یەکێ دخوازە سەرۆکێن نەتەوی یێن کوردان کو تەڤ ژیانا خوە د بەرخوەدانا ل دژی داگیرکەران دەرباس کرن وەکە کەسێن بێ ئیرادە و ترسۆنەک نیشان بدە. لێ بەلێ دیرۆک شاهدە ل سەر ڤێ یەکێ کو ئەڤ سەرۆک و رێبەرێن نەتەوی یێن کوردان بەرەڤاژی ئۆجالان قەت تەسلیمی دەولەتێ نەبوون و ل هەمبەر دەولەتا ترک سەرێ خوە نەتەواند و ب سەربلندی ژ ڤێ دنێ بار کرن.

 ئۆجالان هەر وەها د ڤێ بەشا ئاخافتنا خوە دە هەسەدێ وەکە حەشدا شەعبی یا ئیسرائیلێ بناڤ دکە.

ئاخافتنا شاندا دەمێ ب ئۆجالان رە ب ڤی ئاوا ددۆمە:

سەرۆک: دبە کو ھوون بخوازن من تونە بکن (کاربدەستێن ترکیێ نەرازیبوون نیشان دان)، لێ ئەز دزانم، ئەڤ 30 سالن هوون من دبپارێزن.

بەرپرسێ یەکێ: ژ بۆی کو بکارین چێتر وە بپاریزین مە برێز ئەحمەد ئانی.

سەرۆک: ئەم تشتەکی خراب ناکن، ئەم کوردان نافرۆشن ئەز مامۆستەیێ بەرەڤانیکرنا ژ خوە مە، لێ نها خیانەت کر و ستاتیکۆ ب سەر کوردان دە سەپاند، نا دانوستاندن تێ کرن ل گۆری ڤێ ئاخافتن ل سەر رەوشێ تێ کرن، ئیسرائیل د خەباتێ دە یە، بەرێ خوە دا بەرپرسەکی و گۆت: هەڤالەکی تە ل ور روونشتبوو و من ژێ رە گۆت دێ هەسەدە ببە سەد هەزار کەس، نە ب دلێ وی بوو، تو ب ڤێ هێرس نابی، لێ بەلێ هەسەدە بوو سەد هەزار، ئیسرائیلێ حەشدا شەعبی یا خوە دروست کریە. کارایلان گۆتیە کو تەکنیکا وسا د دەست مە دە هەیە کو د دووراتیا 800 کیلۆمەترۆیان دە ئەم دکارین خوە بپارێزین، ئەڤ یان ئیرانێ ئەڤ تەکنیک ب وان دایە یانژی ئیسرائیلێ، راستە ئەنجاما ڤێ دبە بگهیژە دەولەتبوونێ، لێ بەلێ سەرکەفتنا وێ لاوازە، 50 سالان مە شەر کر، پڕ زەحمەت بوو، ئەز د خوەشیان دە نەدکاریم پاری بکم دەڤێ خوە دە هوور بکم، جەوهەرا پرسگرێکا کورد وسایە خوە ژ لووتکەیێ ئاڤێتیە خوار، شێخ سەعید، سەید رزا و جەمیلێ چەتۆ چوون جەم مستەفا کەمال و داخوازا دلۆڤانیێ ژ وی کرن، لێ مستەفا کەمال دلۆڤانی ب وان نەبر، نها کوردەکی جەحشێ وسا ژی هەیە ئیرۆ ب وە رە یە و سبە ب ئیسرائیلێ رە، یا کو ژ وە رە پێویستە هێزا ئیدۆلۆژیکە. ئەو دبێژن کو ڤێ یەکێ ل سەر بنگەھا باوەریێ دکن، لێ ئەڤ نە مەسەلەیا باوەریێیە، راستی و رەئالبوون ھەوجە دکە، پێویستی ب ستراتەژی و تێگهشتنا باش ژ دەولەتێ هەیە و پێویست دکە هەڤپەیمانێن خوە پڕ ب باشی هلبژێرن، خالا کو باخچەلی گهشتیێ نیشانەیا پێگهشتنا شۆرەشا نەتەوەپەرستانە.

بەرپرس: برێز عەبدوللا شۆربە و خوارن؟

سەرۆک: دبە.

دەست ب ئانینا خوارنێ بۆ سەر میزەی کرن، وان شۆربە، مریشک، برنج، زەلاتە و تۆست ژی ئانین، مە هەم خوارن خوار و هەم ژی ئاخڤی.

پەروین بولدان: ل ڤر شەرت و مەرج بۆ تۆمارکرنا ڤیدەئۆیێ ژ بۆی کۆنگرەیێ هەیە…

بەرپرسێ یەکەم: ئەم د ڤێ مژارێ دە 51% نە، یانی سەدی 51% د خالەکا ئەرینی دە نە. ئەڤ مژار ژ بۆی مە پڕ گرینگە، ژ بەر کو ئەڤ پاراستنا مەحرەمیەتێ یە، هەگەر کو ئەڤ قەیدا ڤیدیۆیێ بکەڤە ناڤا ئینتەرنێتێ دە ئەڤێ بهێلە کو ئەڤ پێڤاژۆ سالەکێ پاشڤە بچە، ئەڤ ژی خالەکە پڕ نەباشە. لۆما پێویست دکە ل سەر ڤی مژارێ ب سەرۆک کۆمار رە دانوستاندن وەرە کرن.

 پەروین بولدان: سەرۆک، مە پەیاما وە ژ سەرما ئۆزال رە راگهاند، رەوشا وی یا تەندروستی هنەکێ نەباشە لۆما پەیاما وە مە دا دەستێ کورێ وی.

پەروین بولدان: گەلۆ ژ بۆی هاتنا سەزگین تانریقوولوو ئۆزگوور ئۆزەل ژ بۆی ڤڕ ت هەماهەنگیەک هاتیە کرن؟

سەرۆک: ب تەنێ وەکە پەرسپەژتیف ئەز ئاخافتمە، پرسا جەهەپێ د ڤان نیزیکان دە وێ ببە پرسەکە گرینگ.

پەروین بولدان: هەڤسەرۆکێن مە ب جەهەپێ رە جڤینەک ل دار خستن.

سەرۆک: ئەز ژی ل ڤڕ ب دەولەتێ رە دخەبتم، ت ئەلەقەیا وێ ب ئاکەپێ ئان ژی تفاقا جمهۆری رە تونەیە، جەهەپە خوە وەکی خوەدیێ دەولەتێ دبینە، راستە؟ ڤایە ئەم ب دەولەتێ رە دجڤن، ئەگەر کۆمیسیۆنەک یان شاندەیەک هەبە ئەز بێ گومان دخوازم ب رێیا وان ب جەهەپێ رە بجڤم.

بەرپرس: سەزگین دکارە وەرە، لێ بەلێ ئەز نەباوەرم ئۆزگوور ئۆزەل بکارە وەرە، نزانم.

سەرۆک: ئارمانجا مە نە ئەوە کو ئەم تفاقا جمهۆری ئان ژی تفاقا ترکیەیێ قەزەنج بکن. ئارمانجا مە خورتکرنا دەمۆکراسیا ترکیەیێیە. گەر ئەم بسەرکەڤن، دەمۆکراسی دێ خورت ببە و کۆمارا دەمۆکراتیک دێ بهێزتر ببە، ئەمێ خالێن تایبەت ب دەمۆکراسیێ د ناڤا دەستوورا بنگەهین دە ب جی بکن، هەتا کو پرسگرێکا کورد جارەسەر نەبە، دەولەت نکارە دەمۆکراتیک ببە، پرسگرێکا کورد مەسەلەیا مان و نەمانێ یە، ئەم هەول ددن کو وێ چارەسەر بکن، بلا هنەکێ گوهدار بن، من نامە ژ نومان کۆرۆلمووش رە ژی شاندیە و من ژێ رە گۆت گوهداریا من بکن، ئەم داخوازا کۆمارا دەمۆکراتیک دکن. چما هوون ل دژی ڤێ یەکێ نە و هوون ئیتیراز دکن؟ موستەفا سوبحی هات، د رێی دە ئەو کوشتن، کۆچگری ب تەڤاهی هات وێرانکرن، شیخ سەعید، سەید رزا، سەعید ئەلچی، قۆرمزی تۆپراخ، ماهیر چاپان، دەنیز گەزمیش… ئەز بسەرکەتم و ل جەم وە مە، 30 سالن ئەز ل ڤڕم ب دەولەتێ رە ئەلەقەدارم، مالبەتەکە مەزن یان ژی عەشیرەتەکە من یا مەزن تونەیە، پشتەڤانیەکە وسا من تونەیە، ب هن ژێهاتیێن خوە من ئەڤ مژار گهاند ڤێ ئاستێ. دەمیرەل چ دگۆت؟ داوی سەرهلدانا کوردان، گومان تونە کو ئەز کەسێ هەری باشم ژ بۆی سەرخستنا داوی سەرهلدانا کوردان. ئەز ناخوازم پەسنا خوە بدم، من ئەو هشیار کر و ژێ رە گۆت، هوون ب ئینکارکرنا کوردان داویا خوە لەزتر دکن، ئۆزال گۆت، ئەرێ تشتێ تو دبێژی راستە، لێ بەسە.

 «ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»

ددۆمە..