وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
تشتا بالکێش د ڤێ بەشا ئاخافتنێن شاندا دەمێ و ئۆجالان دە ئەڤە کو ئۆجالان باسی دروستبوونا ئیسرائیلا دویەمین (کوردستانێ) دکە و دبێژە ئاستەنگا هەری مەزن ل هەمبەر پلانا ئاڤاکرنا دەولەتەکێ ژ کوردان رە ئەزم، و ڤێ یەکێ ب فەخر و شانازیەکە مەزن ڤە باس دکە، ئۆجالان هەر وەها د ڤێ بەشا ئاخافتنا خوە دە هەسەدێ وەکە حەشدا شەعبی یا ئیسرائیلێ بناڤ دکە و پەسنا مستەفا ئاتاتورک ددە…
ئاخافتنا شاندا دەمێ ب ئۆجالان رە ب ڤی ئاوا ددۆمە:
پەروین بولدان: د ھەڤدیتنەکێ دە ب سەرۆککۆمار رە، مە ل سەر چەند قانوونان نیقاش کر کو پێویستە ژ ھێلا پارلەمەنتۆیێ ڤە وەرن پەژراندن.
سەرۆک: وێ قانوون ژ بۆی پاش کۆنگرەیێ بمینن، پێش کۆنگرەیێ نە راستە کو قانوون وەرن دەرکرن، ب یا من هەموو دەستپێشخەریێن سەرۆککۆمار راستن، ژ ئالیێ منڤە پرۆسا هلوەشاندنێ ب داوی بوویە، لێ ئەڤ نە هەر تشتە، هەیانی ئەڤ ب داوی نەیێ نابە ت تشتەک دن ببە رۆژەڤ.
پەروین بولدان: پێشنوومەیا سزایان ڤێ ھەفتەیێ دێ ل پارلەمەنتۆیێ وەرە پێشکێش کر، پێش هاتنا قانوونێ ژ بۆی ناڤا پارلەمەنتۆیێ مە هەول دا بزانین گوهەرینێن چەوا دێ د قانوونێ دە وەرن کرن.
سەرۆک: ئەڤ نەراستن، هەیا کو ئەم مژارێن دن چارەسەر نەکین ب رۆژەڤکرنا یاسایان نەراستە. ھەر کەس دزانە موستەفا کەمال چاوا شەر کریە، هەر کەس شەرێ ئانزاکان دزانە، یێن کو ھەری باش شەر دکن دکارن ئاشتیا ھەری باش چێکن. ئەتاتورک شەرێ هەری مەزن کر و ئاشتی چێکر. ھەر کەس دزانە کا ب یەونانیان رە چاو ئاشتی چێکر. یەونانیان ئەتاتورک ژ بۆ خەلاتی بەربژێر کر. نھا تێن و دبێژن ئاشتی نابە، ئەڤە دەرەوە، ئەگەر ئەو ب راستی ژی ب موستەفا کەمال ڤە گرێدایی نە، دڤێت ئەو بێن پەسنا کەسایەتا ئاشتیخوازا ئەتاتورک بدن. ژ بۆی سەرۆککۆمار ژی گەر ئەڤ بێ بەرچاڤ وەرگرتن دێ پیڤانەک دەستکەفت دەستکەفت هەبە، هەگەر ژی ئەڤ بەرچاڤ نەیێ گرتن پیڤانەک شکەستن شکەستن وێ هەبە. ئەڤ هەڤسەنگییا هێزێن ناڤدەولەتی یە، قارایلان ژی باسی ڤێ یەکێ کریە، ئەز نزانم مووشەک و چ ب وان دانە، گەر ئەڤ نەیێ بەرچاڤ وەرگرتن دێ ژ سلێمانیێ هەیانی عەفرینێ هەموو ببە مینا غەززەیێ، ئیسرائیلێ ئامادەکاریێن ڤان هەموویان کرنە، هەر رۆژ باسی غەززەیێ تێ کرن، لێ بەلێ غەززە قەدییا و ئیدی غەززە تونەیە. ئیسرائیل تەقەمەنیەکە کو پڕ بهێزە، و ئیسرائیل دخوازە کوردان ژی بخە ناڤا پلانا ب غەززە کرنا هەرێمێ. یەکانە ئاستەنگا ل بەر ڤێ یەکێ ئەزم.
دبێژن زلامەکی کو قەدیایە و تشتەک نەمایە چما هوون وەکە موخاتەب وەردگرن؟ گەر هوون ب ڤی رەنگی بفکرن… پەکەکە ئامادەیە و هندەک ژ وان هێرسن، گەر ئەز ژ پێڤاژۆیێ خوە ڤەکشینم وێ دەمێ دێ شەرێ راست دەست پێ بکە. ژ خوە پەکەکێ گۆتبوو کو خوە ژ بۆی شەری ئامادە کرییە، ئەنجاما ڤێ کارەساتە و پلانا ب غەززە کرنێ ئەڤە کو ئەز باس دکم.
ترامپ و نەتەنیاهۆ رێکەفتنەکە نوو ئەنجامدایە، پلانێن وان یێن نوو هەنە، ئەو دبیژن یا کو ئەم بخوازین دێ ل رۆژهلاتا ناڤین هێت جیبجی کرن و چەندین غەززەیێن نوو چێکرنە. چ بوو، ژ بۆی کۆبانیێ ژی دگۆتن کۆبانێ ڤایە دکەڤە، کۆبانێ کەت، ئەڤ هەموو دەرەو بوون و رۆژا کو داودئۆغلو ژی هات ڤڕ، ل کۆبانیێ نیزیکی 300 کەسان هاتن کوشتن. ئەڤ هەموو هەڤدەم بوون لگەل ڤان رۆژان. رۆژا کو هاکان فیدان ژی هاتی ترومبێلەکا وی هات تەقاندن، هاکان ژ من رە گۆت ئەزێ بچم بزانبم چ قەومیە. ئەڤ نە بوویەرێن نەچاڤەرێکری نە، مە د سالا 1993 دە ئاگربەست راگهاند، فەرماندە بتلیس هات کوشتن، پشترە 33 لەشکەر ژی هاتن کوشتن، ئەز دبێژم ژ بۆی ئاستەنگ کرنێ ئامادەمە، ڤێ یەکێ ت عەلاقەیا خوە ب تەسلیمبوونێ یان بێهێزیێ ڤە تونەیە، بلا ببێژن دەرفەتا دەولەتبوونێ ب دەست مە کەت، ئەڤ سەرکەفتنەکە نە راستە، ژ بەر کو دەولەت بووتە و دخوازن تەڤ کورد عیبادەتا وی بووتی بکن.
دبێژن لێ بنێرن، دەما دەرفەتا دەولەتبوونێ ب دەست مە کەت ئاپۆیێ خایین رێ ب دەولەتبوونا مە نەدا. وێ دەستپێکێ بارزانی ڤێ یەکێ ببێژە، ژ بەر کو ئەڤ پلان د رۆژەڤێ دە یە. بەحسا ئیسرائیلا دویەمین دکن، ژ خوە ئیسرائیلا دویەم هەیە، نە یا منە، ئەڤە کو تو پشتگریێ لێ دکی. دخوازن ئیسرائیلێ بکن هێزەکە سەردەست د رۆژهلاتا ناڤین دە. هاتن و چوونا ترامپ و نەتەنیاهۆ ژ بۆی ڤێ یەکێ یە. ستراتەژیەکە 5 قۆناغییە، سێ قۆناغێن یەکەم غەززە، سووریا و لبنان ب داوی بوونە. دو قۆناغ ماینە کو ئەو ژی ترکیە و ئیرانە. یەک ژ خالێن هەری گرنگ یێن ڤێ ستراتەژیێ کوردن، ئیسرائیل چەوا دخوازە ڤێ بکار بینە؟ نها ئارمانجا ئیسرائیلێ ئەڤە کو من تونە بکە، قەندیلێ ژی ئەو عەقل تونەیە کو ڤێ یەکێ ئاستەنگ بکە، ژ ئالیێ ئەردنیگاری ژی دەرفەتا قەندیلێ تونەیە، قەندیل د بن باندۆرا ئیرانێ و هەسەدە ژی د بن باندۆرا ئیسرائیلێ دە یە، ب تەنێ ئەز دکارم ڤێ یەکێ ئاستەنگ بکم، ئەز دبێژم تێکلیێن ستراتەژیک ب ترکیەیێ رە (موخاتەبی بەرپرسێ دویەم یێ ترکیەیێ) هاکان ئەڤ یەک قەبوول نیە، چما؟
بەرپرسێ دویەمین یێ ترکیەیێ: مەبەستا من ئەڤە کو قۆناغ ب قۆناغ ئەم بچن.
سەرۆک: بەلێ، ئەز ڤێرژنی پێشکەش دکم، د ناڤا ڤی ڤێرژنی دە جی و مەکانێ من دێ ل کۆ بە؟
بەرپرسێ دەیەمین یێ ترکیەیێ: ئافراندنا عەقلێ هەڤبەش.
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
ددۆمە..
