وەک تێ زانین شاندا دەم پارتیێ ژ بۆی هەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025 دە، سەری ل گرەڤا ئیمرالیێ دابوو، د ڤێ هەڤدیتنێ دە ئۆجالان و شاندا دەمێ دانوستاندن ل سەر گەلەک مژاران و ژ وان مژاران ژی رەوشا تەندروستییا سرری سوورەیا ئوندەر کربوو، تەڤی کو هنەک ژ ئاخافتنێن د ڤێ هەڤدیتنێ دە هاتبوون پارڤەکرن ژی لێ بەلێ هەموو ئاخافتن نەهاتبوون پارڤەکرن، ژ بەر ڤێ یەکێ دارکا مازی خوە گهاند یەک ژ ئەندامێن شاندێ و کاری ناڤەرۆکا ئاخاڤتنێن د نێڤبەرا شاندا دەمێ و ئۆجالان دە هاتین کرن ب دەست بخە و ئەمێ د ڤێ نڤیسێ دە وان ئاخافتنان وەک خوە پارڤە بکن.
ئەڤ ئەندامێ شاندا دەمێ دبێژە، پشتی کۆنترۆلەکە رووتین ل بەر دەریێ گرتیگەھێ، ئەم کەتن ئۆدەیا رێڤەبەرێ گرتیگەھێ، پشتی کو ئەم پێنج دەقەیان ل ور مان، پشترە ئەم چووین ھۆلا جڤینێ. دەما ئەم چووین هێژان سەرۆک “ئۆجالان” نەهاتبوو، ب گشتی سەرۆک بەری مە دھات ھۆلێ و پێشوازیا مە دکر، لێ ڤێ جارێ وسا نەبوو. پشتی دەمەک کورت ئەم ل ھۆلێ مان، سەرۆک ھات، پاش کو ل حالێ مە پرسی ل سەر جیهێ خوە روونشت.
ئەڤ ئەندامێ شاندا دەمێ کو نەخوەست ناڤێ وی وەرە ئەشکەرە کرن دبێژە، پشتی هاتنا سەرۆک ئۆجالان دانوستاندنا مە ب ڤی ئاوا دەست پێ کر:
سەرۆک: مە 12 سالان لگەل سڕی سوورەیا ئۆندەر خەبت کر، گەلۆ ئەو دێ ساخ بمینە؟
پەروین بولدان: ئینشاللاھ.
سەرۆک: رەوشا وی یا نھا چاوایە؟
پەروین بولدان: رەوشا وی وەکی خوە مایە، خەتەری ل سەر ژییانا وی مایە، پزیشک دبێژن، کو گەلەک پرسگرێکێن دلێ وی تونە نە، لێ ئەم نکارین تشتەکی ل سەر مەژیێ وی ببێژین، پڕ ب لەزگینی ئەو برن نەخوەشخانەیێ و ئەو برن نەخوەشخانەیێ و عەمەلیاتا بلەز بۆ ھات کرن.
سەرۆک: من بەحسا گومانەکێ کر، ئەڤ بوویەر ب سالڤەگەرا بوویەرا ئۆزال رە ھەڤدەمە، ئۆزال ژی ژ بەر دلێ خوە مر. پر ئەجێبە کەتنا وان ژی دشبهە هەڤ، وێ دەمێ ل با وە بوو؟
بولدان: وێ دەمێ چووبوو سەردانا دۆغو پەرینچەک و دوو رە ب ھەڤالەکی خوە رە ڤەگەریابوو مالێ، هەڤالەکی وی ل مالێ ب وێ رە بوو و ژ نشکا ڤە رەوشا وی خراب بوو، وی ب خوە داخواز ژ هەڤالێ خوە کریە تەلەفۆنا هەوارهاتنێ 155 بکە.
سەرۆک: گەر 10 دەقیقە دەرەنگ بمایا ئەو دا جانێ خوە ژ دەست بدە، مینا بوویەرا تورگوت ئۆزالە و ئەڤ جیهێ پرسێ یە ژ من رە. ئەز مەراق دکم گەلۆ ھندەک بەشێن دن یێن لاشێ وی خراب بوون؟ چ تێکلیا ڤێ یەکێ ب خەراب بوونا ئۆرگانێن دن یێن لاشێ وی رە تونەیە؟
پەروین بولدان: نا، سەرۆکێ من، د پشکنینا خوینێ یا یەکەم دە ل پەی ژەهریبوونا وی گەرییان، لێ تشتی ووسا تونەبوو.
سەرۆک: گەلۆ بەرێ کریزا دل دەرباس کریە؟
پەروین بولدان: نا، لێ پرسگرێکەک وی ب دەمارا “ئائۆرت” رە ھەبوو، ئەڤ دەمارا وی مەزن بووبوو.
سەرۆک: ژ خوە رایەداران ئەڤ دزانیبوون، دەرباسی بە، ئەم چ بێژن، ب راستی من دخوەست ب وی رە باخڤم، نەخوەشیا وی زوو بوو، پرسگرێکا ل ڤر ئەڤە کو دەم، شەرت و مەرج و دەرفەتێن وە تونە نە، وەکە کو مە دخوەست ئەم نەکارین باخڤین. گرینگییا سرری سوورەیا ئەڤ بوو کو ترکمەن بوو و خوەدی کەساتیەکە پڕ باش بوو، و ب خەباتا خوە باندۆرەکە باش ل جڤاکێ کربوو، ترسێن د ناڤا جڤاکێ و د ناڤا پەرلەمەنتۆیێ دە شکاندبوو، یا کو باسی چاندا ئاناتۆلیێ دکین ئەڤە. ئاشتی هەر ئەڤە، چاندا ئاناتۆلیێ ب چاندا ترکمنەیێ رە ب هەڤرە هلگربوون، ئەو کەسایەتیەک وسا بوو، ژ چاندا بابا ئیسحاق دهات، ناڤەرۆکا ترکمەنێ راستەقین ئەڤ بوو، باشترین ناسنامەیا ئاشتیێ، چاندا باشترین ئاشتیێ ل دژی چاندا دژمن کرنا ب دارێ زۆرێ و نەتەوپەرستییێ یە. سەدەما منا سەرەکە ئەڤ بوو کو ئەز بێژم دڤێت ئەم ڤێ بوویەرێ لێکۆلین بکن، ئەز دبینم کو گەلەک کەس دچن با وی و رێزێ ل وی دگرن و رێزگرتنا ل تێکۆشینا وی ب ئەنجام گهاندنا ھەولدانێن وی یێن ژ بۆ ئاشتیێ یە و ئەز تەنێ ڤێ یەکێ ھێڤی دکم. ھوون دکارن پەیاما من ب نڤیسکی ئان دەڤکی بگھینن وی؟
پەرڤن بولدان: نا سەرۆک، ئەو هێژان بێھشە. دەما کو هات سەر هشێن خوە، ئەمێ پەیاما وە راگھینن.
سەرۆک: باشە من فێم کر.
پەروین بولدان: مە سەردانا سەرۆککۆمار کر. ئەز و سرری ب ھەڤ رە چوونە جەم سەرۆککۆمار. ھەڤدیتنەک باش بوو و مە پەیامێن وە گھاندن. مە ل سەر مافێ ھێڤیێ، رەوشا گرتیێن نەخوەش، گوھەرتنێن د قانوونا سزایان دە و گەلەک مژارێن دن ئاخڤی. هەولەستا وی پڕ باش بوو و تەکەزی ل سەر پشتەڤانییا خوە ژ بۆی پێڤاژۆیێ کر، پڕ ب هویری ئاخافتنێن مە گوهداری کرن و فەرمان ل ئەفقان ئالای و ئیبراھیم کالن کر کو راپۆرەک بەرفرەھ ل سەر ھەڤدیتنێن مە ئامادە بکن و تەکەز کر کو دیالۆگا مە دێ ژ بۆ چارەسەرکرنا پرسگرێکان بەردەوام بکە و ئەم دێ پشتی کۆنگرەیێ گاڤێن بلەزتر باڤێژن.
سەرۆک: رێ ڤەکرییە، دەستێ ئەردۆگان ژی ڤەکرییە، پێشبینیا من ژی ئەڤە، ئۆزال ژی ووسا بوو، سەرۆککۆمار بوو، دەما سەرۆککۆمار ووسا دبێژە یێن کو ب ناڤێ دەولەتێ دخەبتن شەری گۆر دکن، گەلۆ تشتەک ووسا دبە؟ دڤێت جددی و سەمیمی بی، ت ئاستەنگ ل پێشییا سەرۆکێ دەولەتێ تونەیە، دڤێت پراکتیکا وە هەبە، ھنجەتێن وەکی پرسگرێکێن تەکنیکی نایێن قەبوولکرن، ئەز ئۆپۆزسیۆنم و ئەز رێزێ ل وی دگرم، چما ھوون وەک دەولەت رێزێ ل سەرۆککۆمار ناگرن؟
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
