سەرۆک: عۆمەر پر راست و رێکوپێکە، نڤیسێن وی پر بالکێشن، پر رێزدارە، د ناڤا مە دە تشتێن وسا چیدبن، نامەیێن وی دگهن من، ب راستی ژی نامەیێن وی پڕ بهێزن ژ بۆی من، من باوەر نەدکر ئەوقاس پێشکەتی بە.
سەرۆک: نا، نەگهشتینە دەست من، بلا نەسروللا و چەتین ژی ل سەر خەباتێن خوە بەردەوام بن.
ئۆزگوور: برێز سەرۆک هایا وە ژ لهەڤهاتنێن تایبەت ب ئەشرەفیێ و شێخ مەقسوود هەیە؟ ل ور ب رەژیمی رە لهەڤ هاتنە و یەپەگە ژ وان دو تاخێن حەلەبێ ڤەکشیایە، لێ ئاساییش و ئاساییشا هۆندرین هەر ل ور مانە و د دەستێ کوردان دە نە، پەڤگوهەرتنا دیلان پێکهات، ئاستەنگیێن ل هەمبەر چوون و هاتنێ نەمان، تێ گۆتن کو ئەڤ لهەڤهاتن ژ بۆی عەفرینێ ژی وەرە جیبجیکرن.
سەرۆک: ئەز وسا نافکرم کو شاش بە، دڤێ ل ور ستراتەژی ب ڤی ئاوا بە، ترکیە ژ فەدەراسیۆنێ پر دترسە، ئەز ب زانەبوون داخوازا خوەسەریێ ناکم، ئەز ناڤێ دەمۆکراسیا هەرێمی لێ دکم، لێ ئەڤ ژی ل سەرانسەری جیهانێ ب واتەیا ئۆتۆنۆمی و خوەسەریێ تێ. میناک لەندەن ب ڤی ئاوایە، ئەڤ پر گرینگە، ژ خەینی وی سەرۆک شارەداریێ کو هاتیە هلبژارتن پارێزگەر هەبوونا خوە تونەیە، پۆلیس و پێکهاتەیێن هەرێمی تەڤ سەر ب شارەداریێ نە و نها دخوازین ل ترکیەیێ ژی چارچۆڤەیەکە وسا ژ بۆی دەمۆکراسیێ ئاڤا بکین، هەر تفاقەکە ل ترکیەیێ پشتەڤانیا ڤێ یەکێ بکە ئەمێ پێ رە ببن هەڤپەیمان، و ژێ رە بێژین هەڤپەیمانیا کۆمارا دەمۆکراتیک.
