وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران و ژ وان مژاران ژی رەوشا تەندروستیا سرری سوورەیا ئۆندەر کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
ئاخافتنا شاندا دەمێ ب ئۆجالان رە ب ڤی ئاوا ددۆمە:
پەروین بولدان: ئەم فێم دکن کو ئەو مافێ ھێڤیێ باش فام ناکن، چارچۆڤەیا ڤی مافی پر فێم ناکن، سرری پڕ ب بەرفرەهی باسی هەبوونا بریارا دادگەھا مافێن مرۆڤانا ئەورۆپایێ د ڤێ دەربارێ دە کر، و تەکەز کر کو دڤێت تەڤ وەلاتێن ئەندام د کۆنسەیا ئەورۆپایێ دە پابەندی ڤێ بریارێ ببن، مە بەحس کر کو ھاکان فیدان بەرێ هایداری ڤێ مژارێ بوویە، ھوون دکارن ژ ھاکان فیدان ئاگاھیان بستینن، ب لڤاندنا سەرێ خوە ئەڤە قەبوول کر.
سەرۆک: ئەڤ تشتە نابە، یا کو باخچەلی ژی قالا وێ دکر ئەڤ بوو، باخچەلی ئەڤ کربوو رۆژەڤ، ئەڤ پێڤاژۆیا کو ئەم ل ڤر پێشکێش دکن ژ هلوەشاندنێ بگرە ھەیا دگهە ئیرانێ، ئیراق و ئەورۆپایێ پێشنیارێن پراکتیکی ھەنە و پێڤاژۆ پێڤاژۆیەک وسایە، ژ بەر ڤێ یەکێ مافێ ھێڤیێ نھا چێنابە و پشتی ڤان گاڤان دێ هێتە نیقاشکرن، من ژی دەستپێکێ گۆتبوو کو مافێ هێڤیێ د ناڤ ھەفتەیەکێ دە دێ وەرە بجیھانین، ئەڤ خەلەتی بوو، ژ بۆی پرۆسەیێن ب ڤی ئاوا دڤێت ئەم مجد بن، دەمەک درێژ دھات گۆتن کو ھەلوەستا ئۆجالان دێ چارەنووسا پێڤاژۆیێ دیار بکە، ئەڤ راستە و پر گرینگە ژ بەر کو ئەڤ بەرێ ھاتیە جەرباندن، گەلەک کەسێن مینا سەبری، سەلاحەدین هاتن جەرباندن، ئاموورێن خەلەت بکارئانیبوون ژ بەر ڤێ یەکێ سەرکەفتی نەبوون. ئیبراهیم “مەبەست پێ: ئیبراهیم کالن” گۆت ئەڤ کلیدا شاشە، ئەڤ پڕ گرینگە، ب راستی دەستنیشانکرنا کلیدا راست پڕ گرینگە، شاندا وە و شاندەیێن دن تێن و دچن، ب باشی دخەبتن، دەما کو ھوون لگەل وەزارەتا دادێ ھەڤدیتنێ دکن، دڤێت لەزێ نەکن د رۆژەڤکرنا مژارێن قانوونی دە، ژ بۆی میناک مەسەلەیا قەیوومان، گەر وە ئەو چارەسەر کربا قەیووم نەدهاتن دانین، جەهەپە ژی نەدکەت، دەستهلاتا دەمێ ل سەر مژارا قەیووما تونەیە، خواستەکا دەستهلاتێ ژی ژ بۆی ژ کار دوورخستنا قەیوومان تونەیە، ژ بەر ڤێ یەکێ ھوون نھا نکارن ڤێ چارەسەر بکن. مافێ ھێڤیێ ژی ب ڤی ئاوایە، تشتێ کو باخچەلی گۆت ئیفادەیا رامان و نیەتا پاقژە، ژ بەر ڤێ یەکێ نابە ئەم ژی بکەڤن ناڤا خەیالان دە، ئەڤێ ببە پیڤانەک ژ ئازادی و رزگاریێ رە، ئەڤ رەوشا زیندانان، رەوشا قەیوومان و یێن ل ئەورۆپایێ ژی ب خوە ڤە دگرە، کو ئەڤ بوو راستی دووڤ رە ئەوێ بفکرن کا چارچۆڤەیا قانوونی دێ چەوا بە. د دەربارا قەیوومێ دیاربەکرێ، ئەز ھێرس بووم و گۆت کو ھوون دخوازن ئەم شەر بکن، نها ژی داخوازا کۆنگرەیێ دکن، لێ بۆمبەباران و ئێریشێن وان بەردەوام دکن. رۆژا بەرێ من ئەڤ ژ هاکان فیدان رە گۆتن، من گۆت مەهەکێ بسەکنینە بزانبە ئەمێ چ بکن. شاند دێ وەرن ڤر و ئەمێ ل سەر نیقاش بکن و کار ل سەر دەمۆکراتیکبوونەک کوردی بکن. من خوە خستیە ناڤا قادێ دە، ئەڤ 52 سال و یەک مەهە، ئیرۆ بوو مەهەک، داوی سەرهلدانا کوردان من کر، پەیڤا داوی سەرهلدانا کوردی ژ ئالیێ دەمیرەل ڤە هاتیە بکارئانین، د سەردەما ئۆزال دە پەکەکێ و دەولەتێ ئەڤ فێم کر کو شەر ت مفایەکی ناگهینە هەر دو ئالیان، من ئەڤ یەک ب هاکان فیدان رە ژی نیقاش کر، من گۆت کو ئێدی پێویستی ب ڤێ یەکێ تونەیە و دێ داویێ پێ بینین، یێن کو دگۆتن دێ داویێ پی بینین یان خایینێن وەلاتن یان ب راستی چاڤێن وان کورەنە و نابینن.
ئیسرایل 30 سالن ب مە رە ھەول ددە، و ب نهێنی سۆزا دەولەتەکێ ددە مە. ب رێیا رۆژنامەیا سۆزجوو دژمناتیەکە باش ل دژی کوردان تێ کرن، ئێریشی سەر وان ژن، زارۆک و کەسێن کو ژ بۆ من چوونە خەلفەتیێ (گوندێ ئۆجالان) دکە. ب رێیا ڤێ رۆژنامەیێ خەبات تێ کرن دا کو دژمناتی پێش بکەڤە و دژمناتیێ زێدە بکە، و دبێژن لێ بنێرن ئیسرائیلێ سۆزا دەولەتێ ب وان دایە.
ژ بۆی زندی هشتنا ڤێ دژمناتیێ رۆژنامەیا سۆزجوو باشترین ئاموورە و ئەو ئاتاتورک بکار تینن، ئەڤ ئاموورەکە.
بەرپرسەک: باسی ڤێ یەکێ هاتیە کرن کو دەما سرری ل نەخوەشخانەیێ بوو، کۆمەک ژ ئولکو ئۆجاگلار چوون نەخوەشخانەیێ دا کو خوینێ بدن، پەرینچەک داخویانی دا، پەرینچەک گۆت: ئەم پشتگریێ ددن رێخستنێن کوردی یێن 1978، ئەڤ پێشکەتنێن باشن و ئەڤ تێ وێ واتەیێ کو ئەو ژی ل رۆژنامەیا سۆزجوو نانێرن.
سەرۆک: ئەرێ، ئەز فێم دکم ژ بۆی رەوشا ناڤخوە یا جەهەپێ ژی ھوون دبێژن گەندەلیە، لێ ئەز وسا نافکرم، رۆژەڤکرنا جەهەپێ د ڤێ رەوشێ دە خوەپێشاندانێن گەزی ل بیرا من ئانین، وسا تێ فکرین کو دەستێن دەرەکی ل پشت بوویەرێن گەزێدا هەنە. رایەدارەکی ژ من رە گۆت تو وسا دفکری، منژی گۆت ئەرێ، وی رایەداری ب هەژاندنا سەرێ خوە ئاخافتنێن من پەژراندن و گۆت: بەلێ وان دەست هەبوو، لێ ئەڤ دەست پر لاواز بوون، د 15ێ تیرمەهێ دە ژی وسا بوون، ئەز دزانم چەوا ئۆزال و فەرماندە بتلیس هاتن کوشتن، ژ بەر ڤێ یەکێ من د سالڤەگەرا مرنا ئۆزال دە پەیامەک شاند و من تەکەزی ل سەر پابەندبوونا ب بیرئانینێن وی کر، نابە ئەو تشتێ ب سەر ئۆزال دە هاتین وەرن ژبیر کرن. ھەڤپەیڤینەکە ب من رە د رۆژنامەیەکێ دە ھاتە وەشاندن، ژ بەر ڤێ یەکێ ئێریشی ئۆزال ھاتە کرن، محەمەد عەلی بیراند ھەڤپەیڤینەک ب من رە کربوو و ئۆزال ژ بیراند رە گۆتبوو کو تو ئەز شەوتاندم.
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
ددۆمە..
