وەک تێ زانین شاندا دەم پارتیێ ژ بۆی ھەڤدیتنا لگەل رێبەرێ پەکەکێ عەڤدللا ئۆجالان، د 25ی نیسانا 2025ێ دە، سەری ل گرەڤا ئیمرالیێ دابوو، د ڤێ ھەڤدیتنێ دە ئۆجالان و شاندا دەمێ دانووستاندن ل سەر گەلەک مژاران کربوو، تەڤی کو ھنەک ژ ئاخافتنێن د ڤێ ھەڤدیتنێ دە ژ ئالیێ شاندا دەمێ ھاتبوون پارڤەکرن ژی، لێ بەلێ ھەموو ئاخافتن نەھاتبوون پارڤەکرن، پشترە ب زمانێ ترکی ناڤەرۆکا ڤان دانوستاندنان ل ئەورۆپایێ ھاتن پارڤەکرن و ھات راگھاندن کو ئەڤ ئاخافتن ژ ئالیێ یەک ژ ئەندامێن شاندێ ب ئاوایەکی ڤەشارتی ھاتیە پارڤە کرن، لۆما ئەمێ د ڤێ نڤیسێ دە وان ئاخافتنان وەک خوە پارڤە بکن.
ئۆجالان د ڤێ بەشا ئاخافتنا خوە یا لگەل شاندا دەم پارتیێ و بەرپرسێن دەولەتا ترکیەیێ دە جارەکە دن وەفایا خوە ژ مستەفا کەمال ئەتاتورک و کۆمارا ترکیەیێ رە رادگهینە و بێی کو شەرم و فەدی بکە دبێژە، “مستەفا کەمال تەڤ هێزا خوە دا کۆمارێ و دبێژە یەکانە وەسییەتا من زندیهشتنا کۆمارێ یە، هەگەر حورمەتا تە ژ مستەفا کەمال رە هەیە وێ دەمێ کۆمارا وی دەمۆکراتیک بکە و بەر ب پێشڤە ببە. ئەڤ کۆمار ب شەرەکی مەزن هاتیە چێکرن. یێ کو پڕ باش ڤێ یەکێ فێم دکە ب تەنێ ئەزم. لێ بەلێ ژ من رە دبێژن مەزنترین خایینێ کۆمارێ. نا ئەز نە خایینم، بەلکو دخوازم ژ جهێ کو مستەفا کەمال دەستنیشان کری دەست پێ بکم و کۆمارێ بەر ب پێشڤە ببم.”
ئاخافتنا شاندا دەمێ ب ئۆجالان رە ب ڤی ئاوا ددۆمە:
پەروین بولدان: برێز سەرۆک ئەم هنەکێ بسەکنن یان ژی میتحات سانجار دکارە ب تەنێ وەرە؟
سەرۆک: نا، نا، بلا ئەم ل بەندێ بن، پارادیگمایا نوو ب ڤی ئاوا تێ دروستکرن، ڤێ ت ئەلەقە ب فەدەراسیۆنێ ڤە تونەیە، بەلکو ئەلەقە ب سینۆرێن جڤاکا دەمۆکراتیک ڤە هەیە، د دەستوورێ دە دەرفەتێن کو ژ جڤاکێ رە ھاتنە دایین ھەنە و د قانوونان دە ژی پر باش ھاتنە بەحس کرن. شارەداری کۆمۆنە، سینۆرێن دەستهلاتا بەرپرسێن کۆمۆنان پڕ گرینگە، گەلۆ د ڤێ دەربارێ دە هوونێ دەست ب ئامادەکاریان بکن؟ ئەڤ ب گۆتن نابە، دڤێ هەر کەس بخەبتە، شارەداری تونەیە پێویست دکە تو دروست بکی، دبێژە ئەم ژ کۆمارێ رە حەز دکن لێ بەلێ رێ نادن کۆمار کارێ خوە بکە، مستەفا کەمال تەڤ هێزا خوە دا کۆمارێ و دبێژە یەکانە وەسییەتا من زندیهشتنا کۆمارێ یە، هەگەر حورمەتا تە ژ مستەفا کەمال رە هەیە وێ دەمێ کۆمارا وی دەمۆکراتیک بکە و بەر ب پێشڤە ببە. ئەڤ کۆمار ب شەرەکی مەزن هاتیە چێکرن. یێ کو پڕ باش ڤێ یەکێ فێم دکە ب تەنێ ئەزم. لێ بەلێ ژ من رە دبێژن مەزنترین خایینێ کۆمارێ. نا ئەز نە خایینم، بەلکو دخوازم ژ جهێ کو مستەفا کەمال دەستنیشان کری دەست پێ بکم و کۆمارێ بەر ب پێشڤە ببم. ئەز باوەرم ل سەر ڤێ ئەساسێ وێ سەرەدانا ئۆزەل ژی بکن، سرری سوورەیا ئۆجدەر خوەدی رێبازەکە بێهەمپا بوو ژ بۆی رێڤەبەرییا کریزان، دکاری وان کۆنترۆل بکە و رێبازەکە باش ژ بۆی کۆمکرنێ هەبوو. ترکیە دکەڤە ناڤا قۆناغەکە مەزن یا دەمۆکراسیێ، لێ بەلێ یێن کو هشێ زارۆکان هنە ڤێ یەکێ فێم ناکن، سەردەستییا ستراتەژیەکە ب ڤی ئاوا دکەڤە دەست ترکیەیێ، گەلۆ هوون دخوازن سەردەستییا ستراتەژیک بدن دەست ئیسرائیلێ؟ گەلۆ قەلەمشوو چ دبێژن؟
ب راستی ژی کورد تێکلیان ب کێ رە دەینن سەردەستییا ستراتەژی بۆ وی یە، ئەڤجا چ ئیران بە یان ژی ئیسرائیل. ژ وەلاتێ مە رە دبێژن ترکیە، بەر ب ترکیەیێ ب رێ دکەڤین، باشە، چما تو دژیتیێ دکی؟ د رۆژهلاتا ناڤین دە سەردەستییا ستراتەژیک ژ تە رە یە بێ گومان مەرەما من ژ ئالیێ هەژموونی ڤە نینە، بەلکو ژ ئالیێ مۆرالێ ڤە یە. دبێژن زلامەکە سەختەکار ژ بۆی ئازادییا خوە ڤان تشتان دکە، یا کو ئەز ناکم دکن یا من. مافێ هێڤیێ و تشتێن تایبەت ب خوە ڤە من تەڤ سەکناندنە ژ بەر کو ئەڤ وێ هێدی هێدی چارەسەر ببن. ئەز ب رێزداری ل بیرا ئۆزال تینم کو ئەربەکان ژی هەیە، نکارن ب تو ئاوایەکی دن کۆمارێ برێڤە ببن، ئەز ناخوازم ڤێ کۆمارێ پارچە پارچە بکم، ڤێ یەکێ ت واتەیک ژ من رە تونەیە، یاکو د سەردەما سووریەیێ هەیانی نها من خوەستییە بکم ئەڤە کو من دخوەست کۆمارێ بکم موخاتەبی خوە، دەمۆکراسی نەبە سکۆلاریزم ژی نابە و یاسا ژی نابە. بەحسا ئاساییشا دەولەتێ دکن، گەلۆ هەتا کو ستراتەژیەکە راست یا دەولەتێ نەبە ئاساییشا دەولەتێ وێ چەوا وەرە پاراستن؟
بەرپرسەک ترک: ئەڤ قۆناغا نها ئەم گهشتینێ پر باشە، پێڤاژۆ پڕ باش برێڤە دچە. ئیلهام ئەحمەد ئیرۆ ژ رووداوێ رە ئاخڤییە «موخاتەبی مە» وە نەدیتیە داخویانیەکە پر باش بوو.
سەرۆک: پێویست دکە هەر شەرەکی ئارمانجەک هەبە، شەرەکی بێی پیڤەر نابە، مستەفا کەمال دبێژە پێویستە پیڤان و بنەمایا هەر شەرەکی هەبە، لۆما ئەز ب باوەرم گەلەک کەسان هشێ خوە وەندا کریە، لۆما پێویست دکە ئەم خوەراگر بن. موخاتەبی ئۆزگوور، پێش نها بریار بوو ل شوونا تە ئەبروو وەرە، ئەو چ دکە، چما نەهات؟
ئۆزگوور: برێز سەرۆک، ئەبروو بوویە بەرپرسا تێکلیێن دەرڤە یێن دەم پارتیێ.
سەرۆک: ها، ل ور کار دکە؟
پەروین بولدان: بەلێ ئەو بەردەوامە، برێز سەرۆک گەر هوون بخوازن ئەم دکارن وێ ژی بخن ناڤا لیستا شاندێ دە.
سەرۆک: نا، پێویست نیە، بلا نها بمینە.
پەروین بولدان: برێز سەرۆک، هەژمارەکە دیاریان ژ وە رە هاتنە، فەوزا یووسف ژ رۆژئاڤا ئانینە و ل ئیتالیایێ رادەستی مە کرن، (چار دیاری تەسبی، پینڤیس، شالەک، ژ بۆی سەرۆک و سێ هەڤالێن وی).
ئۆزگوور: برێز سەرۆک، رۆژا بۆری بافل تالەبانی داخویانی دا و ئێماژە ب ڤێ یەکێ کربوو کو یێن ل قەندیلێ دخوازن کۆنگرە ساز بکن، لێ درۆن رێ ب وان نادن، ئامەریکی ژی وسا دبێژن، داخویانیێن هەڤالێن ل قەندیلێ ژی د ڤێ چارچۆڤەیێ دە نە.
بەرپرسێ ترک: وان گۆتبوو ئەوێ ب خوە ئاساییشا کۆنگرەیێ بپارێزن.
ئۆزگوور: درۆن و بۆمبەباران نەسکنینە.
بەرپرسێ ترک: ژ خوە ئیلهام ئەحمەد دبیژە شەر و ئیریش سەکنینە و رەوش باشە.
پەروین بولدان: ئەو ل سووریەیێ یە نە ل ئیراقێ.
سەرۆک: پرسا ئاساییشێ پرسەکە پر گرینگە، دەما ئەز هاتم ڤڕ نوونەرێ سوپاسالارێ ترکیەیێ خوەدی هەلوەستەک پر نەرم بوو، ب رایا من لۆبییا شەر داخوازا شەر دکە، پێویست رێ ل بەر ڤێ یەکێ وەرە گرتن، دبە کۆنگرەیێ لدار بخن و بسەربکەڤن، لێ بەلێ پێویست دکە ئاساییشا خوە ژی بپارێزن، بریارا هلوەشاندنێ بریارەکە راست و ستراتەژیکە، بەلگەیێن وێ ژی وێ وەرن پارڤەکرن. راپۆرەکە 500 رووپەلی وێ وەرە پارڤەکرن، سەرەرایی ڤێ یەکێ ژی هنەک ژ ڤان ڤێ یەکێ وەکە تەسلیمبوون دبینن، ئامادەکاری هەیە، بلا ڤێ یەکێ وەکە گەف نەبینن، ژ بەر کو ئەڤ 10 جاری بەری یە، هەگەر ئێریش پشتی کۆنگرەیێ بەردەوام بوون، ئەو چ دکن بلا بکن، ئامادەکاریێن وان چ بن بلا بکن، مە بەرێ ژی گرووپەک ئانیبوو، یووکسەل گەنج ژی تێدە بوو، مە گرووپەک ئامادەکربوو هاتن، ئێ چبوو؟
«ژ بەر کو ئەڤ هەڤدیتنە پڕ درێژە، ئەم دێ د نڤیسەکا دن دە بەشەکا دن یا دانوستاندنا د ناڤبەرا شاندا دەمێ و ئۆجالان پارڤە بکن.»
ددۆمە..
